Dehet deng Aan in Nutus sas 15:10 - Buk Niu In Hida Balu nol Dehet deng Apan-kloma ki in Dadi ka

^10-11 Ta elola! Eta Ama Lamtua esa sium oen son nam, tasao le kit tao ngele tapnaeng oen nini atorang hadat in sunat ti lia? Molota, eta aa nahlololo lam, kit nol kit upu kia-kaon nas, tao muid nal kit atorang agama las totoang lo! Tiata kit dising oen ela deken! Auk le keket elia: Ama Lamtua bel boa-blingin kita, undeng kit in tao muid atorang agama la ka le? Loo! Molam Un bel boa-blingin kita, undeng Lamtua Yesus tulu Un dalen banan na bel kita, nol neka-namnau kita. Ta nadidingun deken! Ama Lamtua kon tulu Un dalen banan na bel atuil Yahudi lo kas, nol neka-namnau one.”

Dehet deng Aan in Nutus sas 15:10 ပူးပေါင်းရင်းမြစ်များ

Matius 23:4

Nol oen kon tulung atuli li le tao muid atorang nas lo, molam oen dising atuli li le daek muid oen atorang agama ngele kas.

Matius 4:7

Mo Yesus situn elia, “Muik in dula ne Ama Lamtua Allah Buk Niu ka noan, ‘Ama Lamtua Allah na mo, Tuang deng atuli li totoang, Tiata ku boel sob Un deken’ ”.

Dehet deng Aan in Nutus sas 5:9

Mo Petrus tekan noan, “Taon elola le, ku nol ku sapam ma koo mes le soba-naan Ama Lamtua Koo Niu ka lia? Ku ngat tuun! Atuil in kil ku sapam ma le laok puan nas, pait maas son nuan. Suktotomas pait tam, oen kon dohang ku aap-sisim ma, le laok puan se ku sapam ma halin na.”

Galatia 4:9

Mo halas ni, mi taan Ama Lamtua Allah son. Banan dui ka auk tek noan, Ama Lamtua Allah man taan mia. Lam tasao le mi pait lakom le hui-langus se dasi-dais man in muik nahin lo, nol muik in kuasa lo ngas sia? Mi le tao apan nas butu-kil nol dais nas, le daid ata deng oen pait te?

Galatia 5:1

Hmunan nu, atuil Yahudi las lepa-haal ngele oen atorang agama las. Mo halas ni Kristus nikit ngele na son deng atuil in parsai se Una ngas. Undeng na, le halas ni kit lepa-haal ngele lo son. Tiata, mi tom in nole le laok lepa-haal pait atorang nas banansila el ata ka deken.

Ibrani 3:9

Nangan tukun! Taun buk aat Auk tao taad herang bili-ngala se oen sila-matan nas! Mo oen taan in soba-naan Au tutungus. Undeng na Auk komali nol one, le tekas noan, ‘Mi niam, lai-lisin son! Ta mi bali kudi, le nang soleng Auk lalan na son, le muid se mi lalan in hilu ngas!’

Ibrani 9:9

Ta nas totoang daid in not, man Ama Lamtua Koo Niu ka pake, le tui kit man in nuil nabael hahalas nia ngias. Hmunan nu, kit upu kia-kaon nas kil in bele nol hmukit in tunu-dadung, laok bel tulu agama las, le halin Ama Lamtua Allah kose soleng oen in kula-sala ngas. Mo oen kil hmukit in tunu-dadung mamamo ela kon no, hmukit in tunu-dadung nas tao nal oen dalen nas daid niu lo, nol tao ilang nal kula-sala man oen nangan netas tutungus se oen dalen na ngas lo.