Dehet deng Aan in Nutus sas 13:9 - Buk Niu In Hida Balu nol Dehet deng Apan-kloma ki in Dadi ka

⁹ Mo Ama Lamtua Koo Niu ka bel Saulus (man oen noken kon noan Paulus) kuasa, ta un dodon mata ka le ngat nakekeon atuling in nodo-laos daat na. Hidim un tekan noan,

Dehet deng Aan in Nutus sas 13:9 ပူးပေါင်းရင်းမြစ်များ

Matius 10:20

Oras na lam, asa man mi in aa ngas maas deng mi lo, ta Un Koo Niu ka man tui mi le aa elola.

Markus 3:5

Kon nam Yesus dalen iil naseke', lole oen paiduil isi nol oen atorang nga, mo oen nang atuling man ima halin in mate ka. Un koon-mali le ngat nakekeon one. Hidim Un tek atuling nga noan, “Doong ku imam ma!” Tiata atuling na doong un ima ka, kon suknahkitu lam un ima ka banan meman.

Markus 8:25

Tiata Yesus tapa Un ima ka pait lako se atuling na mata ka. Kon atuling na ngat soba-naan pait tam, un mata ka banan baktetebes son. Un ngat net nol langa son.

Lukas 20:17

Yesus ngat nakekeon one, hidim keket noan, “Eta daid in hukung ela lo kam, tasao le Ama Lamtua mee-baha las dul meman son noan: ‘Muik batu mesa, man tukang ngas kat soleng son, mo halas ni baut na daid baut in tian nini hdin ina kia?’

Dehet deng Aan in Nutus sas 2:4

Kon nam oen totoang haup Ama Lamtua Allah Koo Niu ka. Tiata oen mulai nahdeh nini dais didang bili-ngala, muding asa man Koo Niu ka in tek oen le aa ka.

Dehet deng Aan in Nutus sas 4:31

Oen kohe-kanas mamaus ela lam, um man oen in nakbua na heheko. Hidim oen totoang haup Ama Lamtua Koo Niu ka. Tiata oen putis le lakos tek Ama Lamtua Allah Dehet Dais Banan na nol in buni-buni lo.

Dehet deng Aan in Nutus sas 4:8

Kon Ama Lamtua Allah Koo la tao Petrus le brani, ta un siut noan, “Amas totoang, man daid atuli-atuil tene nol blalan-blalan hadat deng bangsa Israel! Komali deken ta kaim nangan taan amas in keket na isi lo.

Dehet deng Aan in Nutus sas 7:55

Mo Stefanus haup kuasa deng Ama Lamtua Koo Niu ka, ta un botas ngat lako bus el apan nua lam, un ngat net totoang Ama Lamtua Allah in loe-liliman na. Un kon ngat net Lamtua Yesus dil se Ama Lamtua Allah halin kanan na, se maan in todan-lahing dudui ka.