Dehet deng Aan in Nutus sas 13:52 - Buk Niu In Hida Balu nol Dehet deng Apan-kloma ki in Dadi ka

⁵² Mo atuli-atuil man parsai Lamtua Yesus son se Antiokia ngas, dalen kolo, undeng Ama Lamtua Koo Niu ka tao tes oen dalen nas.

Dehet deng Aan in Nutus sas 13:52 ပူးပေါင်းရင်းမြစ်များ

Matius 5:12

Elol kon no, mi musti dalen kolo tutungus, undeng mam Ama Lamtua Allah bel seda mi in hapu mamo isi se sorga. Mo nangan ne! Suma mi siim man haup susa-daat ela lo, ta hmunan nu atuli las tao Ama Lamtua Allah mee-baha las dadaat ela kon.”

Dehet deng Aan in Nutus sas 11:29

Ming Agabus in tek ela ka kon, Lamtua Yesus atulin in se Antiokia ngas koo-dalen mesa, le halin tamang duit taung in bel oen pail-kakan man susa se propinsi Yudea ngas. Mesa-mesam bel muding un in hapu.

Dehet deng Aan in Nutus sas 2:4

Kon nam oen totoang haup Ama Lamtua Allah Koo Niu ka. Tiata oen mulai nahdeh nini dais didang bili-ngala, muding asa man Koo Niu ka in tek oen le aa ka.

Dehet deng Aan in Nutus sas 2:46

Lelo-lelon nam, oen kom in nakbua se Ama Lamtua Allah Um in Kohe-kanas Tene ka. Oen kon tutnaal apa, le kaa nakbua deng uma mesa laok uma mesa, nol dael kolo. Nol oen totoang kom in hulung apa mes nol mesa, oen kon kila' apa lo.

Dehet deng Aan in Nutus sas 4:31

Oen kohe-kanas mamaus ela lam, um man oen in nakbua na heheko. Hidim oen totoang haup Ama Lamtua Koo Niu ka. Tiata oen putis le lakos tek Ama Lamtua Allah Dehet Dais Banan na nol in buni-buni lo.

Dehet deng Aan in Nutus sas 5:41

Kon nam aan in nutus nas putis lakos nang soleng maan in nehan dasi ka. Oen nangan noan, oen ngalan nas daat son, undeng in muid Lamtua Yesus, mo oen dalen kolo, lole Ama Lamtua Allah tana noan, eta oen haup in susa ela lam, toma. Undeng na, tiata oen dalen kolo isi.

Roma 14:17

Nangan babanan! Ta Ama Lamtua Allah nam, kit Lahin. Mo kit daid Lahing na atulin, suma undengan kit in kaa-niun muid atorang nga tuun na lo. Ta eta kit le daid Lahing na atulin nam, kit musti daek asa man in toma ka, kit dalen niu, kit nuil lolo-lolo nol dame, nol kit dalen kolo. Totoang nias dadis, eta kit butu-kil tutungus nol Ama Lamtua Koo Niu ka.

Roma 15:13

Ama Lamtua daid peke deng totoang man kit in nahlae ngas. Eta mi parsai se Una lam, Un man tao mi dalen nas kolo nol hutluul lo. Nang le Ama Lamtua Koo Niu ka in kuasa ka, tao tes tapnaeng mi in parsai ka, deng asa man Un le dake ngas.

Roma 5:3

Kit haup susa-daat bili-ngala elol kon no, kit dalen kolo tutungus. Ta kit tana noan, kit tui deng in susa ka, le halin kit tahang nal nol muun dui pait.

Korintus dua la 8:2

Un tao oen dalen nas le mahes, tiata oen haup in susa mamo elol kon no, oen dalen kolo tutungus. Nol oen atuil kasiang kon no, oen bel duit mamo nabael nol dalen in niu, le hulung atuil in parsai tenga las in haup susa ka.

Galatia 5:22

Mo atuil in nuil muid Ama Lamtua Koo Niu ka in koma ka, mam Koo Niu ka tao un le daid atuil man: kom in namnau apa, dalen kolo, muik dael in dame, keeh taan apa ka, dalen na banan nol atuli, kom in hulung atuli, kil dididi un in hida ka,

Tesalonika mesa la 1:6

Undeng mi huil le muid Ama Lamtua in koma ka, tiata mi not muid kami, nol not muid Lamtua Yesus kon. Mo dedeng mi in sium Dehet Dais Banan na ka, muik atuli in tao sus mia. Ela kon no, mi nangan nam hutluul lo, undeng Ama Lamtua Koo Niu ka tao mi dalen kolo tutungus.

Yakobus 1:2

Kaka-pali me! Auk le tek elia: eta mi tom in susa-daat bili-ngala kam, mi in makoe ka senet deken. Simun nol dael kolo tuun, ta mam mi in hapu ka banan.

Petrus mesa la 4:13

Mo mi dalen kolo, lole mi kon haup in susa-daat banansila el Kristus in haup susa-daat ta. Nini ela lam, mam mi dalen nas kolo baktetebes, se oras totoang atuli li ngat net Kristus in muun-tes sa.