Dehet deng Aan in Nutus sas 13:40 - Buk Niu In Hida Balu nol Dehet deng Apan-kloma ki in Dadi ka

^40-41 Tiata, mi musti nangan babanan. Ta tamlom asa man Ama Lamtua mee-baah hmuna-hmunan nuas in teka ka, nahi tom se mia la. Undeng oen dul son noan, ‘Mi atuil in hode-lokot daat, man ngat maat halin tuun nol atuil didang ngas, doha loo! Undeng Au, Ama Lamtua Allah daek dasi-dais man tao atuli li le hera-herang; mam mi haup in hukung, didiin mi matem. Auk daek dasi mesa, se dedeng mi in nulim nabale ka, mo mi dai simun lo. Atuli tek mi son kon no, mi dai tanan lo. Banan dui ka, mi nangan dais nias babanan, le halin nam mi kon herang.’ Tiata kaka-pali me, nangan babanan asa man auk in teka apin na. Pasang soleng asa man apin mi in ming son na banansila el atuil in hode-lokot daat tas deken. Auk in dehet ta pes ela. Nodan mamo!”

Dehet deng Aan in Nutus sas 13:40 ပူးပေါင်းရင်းမြစ်များ

Ibrani 12:25

Tidi hngilan babanan le hii-ming asa man Ama Lamtua Allah in le dehet bel mia ki. Tao el kit upu kia-kaon nas deken, man hutun soleng upung Musa in teka ngas, se dedeng un daid Ama Lamtua Allah mee-baha se apan-kloma kia ka. Ta Ama Lamtua nahu bel oen hukung. Salolen nol kita la! Eta kit dai hii-ming Un in aa deng sorga ku lo kam, taon elola ko, Un bel kit hukung ngele dui pait.

Ibrani 3:12

Tiata pali-kaka me! Doha-doha, ta tamlom deng mia la muik in daek dadaat, le didiin un parsai pait lo, hidim bali kudi le nang Ama Lamtua Allah man in nuil napiut ta la.

Ibrani 2:3

Meman hmunan nu ela. Mo halas ni Ama Lamtua Ana ka sai lalan balu son, le bel boa-blingin atuli lia. Un tek lalan boa-blingin man in muun isi ni son, bel Un atulin man in lii-lau Un se apan-kloma kia ngas. Hidim oen tek kita, le kit parsai. Mo etam kit tiu-hii lo kam, doha ta kit tom in daat son nia!

Lukas 24:44

Hidim Un tekas noan, “Elola la? Mi nangan net oras Auk in leo-leo nol mi hmunan nua ka, ta lo? Lelon na, Auk tek mi son noan, totoang man Ama Lamtua Allah mee-baha las in dul son deng Au ka, musti dadis. Nas deng upung Musa, deng mee-baah tenga las, nol deng buk in Naka-nahalit tas.”

Yuhanis 6:45

Ama Lamtua mee-baah hmunan nuas dul son elia, ‘Ama Lamtua Allah le tui atuli li totoang.’ Tiata totoang atuil in hii-ming se Ama in ne sorga kua, nol tui deng Una ngas, maas se Au lia, le daid Auk atulin.

Dehet deng Aan in Nutus sas 7:42

Nikit Ama Lamtua Allah netas tao ela kon, Un bali kudi one. Hidim oen mulai hui-langus se sa-saa in ne apan-dapa kua ngas, banansila el lelo, bulan, nol duun nas. Mo Ama Lamtua Allah nang soleng oen ela tuun. Na tom nol asa man Ama Lamtua Allah mee-baha las in dul meman son, deng hmunan nu noan, ‘Hoe, atuil Israel me! Mi laok pukiu dale epeng ngas taun buk aat, hidim mi keo hmukit tas le todan-lahing se Au, tamlom mi todan-lahing se asii la?

Dehet deng Aan in Nutus sas 15:15

Na tom nol asa man Ama Lamtua mee-baha las in tek meman son, deng lolo hmunan nua ka. Ta oen dul noan: