Dehet deng Aan in Nutus sas 13:32 - Buk Niu In Hida Balu nol Dehet deng Apan-kloma ki in Dadi ka

^32-33 Paulus nahdeh napiut noan, “Eta elam, elia: kaim duam Barnabas maang deng maan katang le tek mia, halin nam mi tana noan, Dehet Dais Banan man Ama Lamtua in hid son nol kit upu kia-kaon nas sa, halas ni dadi son. Ama Lamtua bel Yesus le nuli pait son deng Un in mate ka. Ne Buk in Naka-nahalit ta peke dua la, Ama Lamtua pake atuil le dul deng Yesus, Atuling man Un in hid son le tunang maa ka, noan, ‘Ku niam, Auk Anang. Leol neot ni, Auk nikit Ku le kil bandu.’

Dehet deng Aan in Nutus sas 13:32 ပူးပေါင်းရင်းမြစ်များ

Dehet deng Apan-kloma ki in Dadi ka 12:3

Mam Auk bel hangun se atuli-atuil man in bel ku hangun nas. Mo Auk bahang atuil man in bahang ku ngas. Hii babanan ne! Mam totoang bangsa in se apan-kloma ki ngias haup hangun, undeng ku.”

Dehet deng Apan-kloma ki in Dadi ka 22:18

Deng ku in hua-koet tias, mam bangsa-bangsa in se apan-kloma ki ngias totoang, haup hangun, undeng ku muid Auk in leka ka son.’ ”

Dehet deng Apan-kloma ki in Dadi ka 3:15

Auk tao ku nol bihatang ni le mi komali nol apa tutungus. Nol mi duam in hua-koet tas kon ela. Mam ku in hua-koet tas sau atuli li se oen iin baih ngungun nas. Mo mam un in hua-koet tas mes, tutu dudus ku bom ma.”

Dehet deng Apan-kloma ki in Dadi ka 49:10

Mam ku niam, kil bandu. Ku in hua-koet tas kon kil bandu mudi-muid apa, didiin mam muik At Mes kil hak lapa dui deng totoang. Un daad le kil bandu, hidim bangsa-bangsa las totoang todan Una, nol hii-ming se Una.

Lukas 1:19

Kon nam ima-ii na siut noan, “Auk niam Gabriel, Ama Lamtua Allah atulin in loka-tadu ka. Un esa man lok auk le maa tek dais banan ni bel ku.

Lukas 2:10

Mo ima-ii na tekas noan, “Mi lii deken, le hii babanan ne! Ta auk maa le tek mi deng dais banan mesa. Totoang atuil in ming haup dais ni ngias, taon elola ko dalen kolo.

Dehet deng Aan in Nutus sas 10:36

Ta mi taan dehet man Ama Lamtua in tek kaim bangsa Israel lia ka son. Dehet na lin na noan, Un bel Kristus maa son, na Yesus. Hidim Yesus na, man mate le mole-daem atuli li nol Ama Lamtua. Un kon daid Lamtua taung atuli li totoang.

Dehet deng Aan in Nutus sas 13:23

Dedeng na, Ama Lamtua hid le tunang Daud in hua-koet mesa, halin bel boa-blingin atuil Israel li deng oen in kula-sala ngas. Auk le tek mi totoang, Daud in hua-koet man Ama Lamtua in hida ka nam, Yesus.”

Dehet deng Aan in Nutus sas 13:38

Kaka-paling totoang, hii babanan ne! Atuling na mo Yesus. Kit parsai se Una, halas-sam Un tade le lepa-haal bel kit in kula-sala ngas, molota muid in toma ka lam, kit man lepa-haal esan. Nini ela, Ama Lamtua Allah kose soleng kit in kula-sala ngas. Mo kit taan son noan, kit daek muid upung Musa atorang ngas totoang kon no, nas siis sam, tao nal kit le tom se Ama Lamtua sila-mata lo.

Dehet deng Aan in Nutus sas 14:15

“Idaa! Tasao le mi tao eli lia? Nangan noan kaim niam mo dewa deken. Ta kaim niam, atuil biasa banansila el mi kon. Kaim maam se nia, le halin tek mi deng dehet banan mesa. Mi musti bali kudi le nang soleng mi dewa man muik ambak long nas. Hidim mi musti pait le muid se Ama Lamtua Allah man in nuli baktetebes sa. Ta Un man koet apan-dapa kua nol apan-kloma kia, nol un isin nas totoang.

Dehet deng Aan in Nutus sas 26:6

Au, nol atuil Israel deng ngaal hngul dua kas, nata-natang Ama Lamtua Allah in tao muid Un in hida ka. In hida na, Un tek hidi son se kit upu kia-kaon nas deng hmunan hesa kua. Tiata maa lius halas nia, kit totoang kohe-kanas duman-lelo, le halin Ama Lamtua in hida ka, daid tia. In hida ka isin na noan, mam Un bel atuil in mate ngas le nulis pait. Ama laih Agripa man auk in todan. Undeng auk parsai noan, mam Ama Lamtua bel atuil in mate ngas le nulis pait, tiata oen tao dais nol au. Ta auk le ketan elia: tasao le deng mia la muik in parsai lo noan, Ama Lamtua Allah tao nal atuil in mate ngas le nulis pait lo kia? Taon elola ko Un bisa!

Dehet deng Aan in Nutus sas 3:19

Undeng na, mi musti bali kudi nang soleng mi in kula-sala ngas, le pait lakom bus el Ama Lamtua Allah tia, le halin Un kose soleng mi in kula-salang nas, nol nangan netas pait lo.

Dehet deng Aan in Nutus sas 5:42

Lelo-lelom, oen lakos tui atuli las noan, “Atuling man Ama Lamtua Allah in tulu meman son deng lolo hmunan nua ka, mo Yesus!” Hidim oen tek dais na tutungus se atuli las uma-uma las, nol se Um in Kohe-kanas Tene ka kon.

Roma 1:2

Lolo hmunan nua, Ama Lamtua Allah mana-koet meman son, le Un mee-baha las dul deng Dehet Dais Banan na se Un Buk Niu ka. Ta se Buk Niu na lam, Ama Lamtua hida, le bel Un Ana Yesus maa daid atuli. Halas nia lam, Un in hida na dadi, undeng Yesus maa son, le daid atuli puti deng laih Daud in hua-koet.

Roma 10:15

Nol taon elol le oen laok tek atuli, eta muik atuli in nutus oen ela lo ka? Tiata musti muik atuli in laok tek one. Ta ne in Dula Niu ka muik dulan noan, “Eta atuli kil nol dehet banan na maa kam, oen in maa ka, banan isi!”

Roma 4:13

Ama Lamtua Allah butu-kil in hida nol Abraham, nol un in hua-koet tas noan, lako-lako lam apan-kloma ki papmesa daid oen pusaka. Ama Lamtua hid ela, undeng Abraham in tao muid Un Atorang ngas sa lo, molam undeng Abraham in parsai se Ama Lamtua ka, tiata Ama Lamtua noken un noan, atuil in dalen lolo man babanan nol Una.

Roma 9:4

Molota oen nam, atuil Israel, na bangsa man in ontong dui ka. Ama Lamtua nikit oen son le daid Un anan deng lolo hmunan hesa kua. Un tulu Un kuasa man muun isi ka bel one. Un butu-kil in hida bili-ngala nol one. Un beles Un Atorang ngas. Oen man taan lalan in todan-lahing se Una, nol in lii-lau Una. Un hid son le tulu Un dalen banan na bel one.