Dehet deng Aan in Nutus sas 13:1 - Buk Niu In Hida Balu nol Dehet deng Apan-kloma ki in Dadi ka

¹ Se kota Antiokia, muik atuli mamo parsai se Lamtua Yesus son. Muik atuli deeh man Ama Lamtua Allah pakes le daid Un mee-baha, nol muik atuli deeh pait man Un pakes le tui-tikang atuli las. Atuil nas ngalan nas elia: Barnabas, Simeon, man atuli las taom haman noan ‘Aap Mitang’, Lukius deng kota Kirene, Menahem, man oen papa-piaran deng ana blutu bii ku leo-leo nol lahing Herodes sa, nol Saulus.

Dehet deng Aan in Nutus sas 13:1 ပူးပေါင်းရင်းမြစ်များ

Matius 27:32

Dedeng oen pel nol Yesus lako ka, se lalan hlala kam, oen tutnaal atuling mes deng kota Kirene, man halas-sam le taam lako bus el kota la. Un ngala Simun. Kon oen dising un le haal seda Yesus kai sangsuli la.

Lukas 3:1

Dedeng na Tiberius daid kaiser le kil bandu se Roma taun hngul lima son. Pontius Pilatus daid gubernur se propinsi Yudea. Herodes daid gubernur se propinsi Galilea. Herodes kaka Filipus, daid gubernur se propinsi Iturea nol propinsi Trakonitis. Nol Lisanias daid gubernur se propinsi Abilene. Hanas nol Kayafas kon daid tuang tene deng tulu agama Yahudi las se kota Yerusalem. Lam oras na, Yuhanis, Sakarias ana ka, daad se maan in ete tuun katang nol ingu las. Se na, Ama Lamtua Allah bel Un in hida ngas se Yuhanis.

Dehet deng Aan in Nutus sas 11:30

Tamang hidi duit kon, oen tulu Barnabas nol Saulus, le oen duas man kil duit nas laok bel tulu in kil jemaat se lua ngas, halin oen bating bel atuli in susa ngas.

Dehet deng Aan in Nutus sas 12:25

Dedeng na, Barnabas duas Saulus kil hidi duit in hulung deng atuil Antiokia las taung atuil Yerusalem mas son. Hidi nam oen duas pait Antiokias. Oen kil nol atuling muda mes leo-leo nol one. Un ngala Yuhanis, mo taom oen haman kon noan, Markus.

Dehet deng Aan in Nutus sas 13:9

Mo Ama Lamtua Koo Niu ka bel Saulus (man oen noken kon noan Paulus) kuasa, ta un dodon mata ka le ngat nakekeon atuling in nodo-laos daat na. Hidim un tekan noan,

Dehet deng Aan in Nutus sas 15:32

Yudas nol Silas nam kon, Ama Lamtua mee-baha. Oen duas nahdeh mamo nol atuil in parsai se kota na ngas. Oen tui-teka nol tao tes atuil nas dalen nas.

Dehet deng Aan in Nutus sas 15:35

Paulus nol Barnabas daad nesang buit se las. Oen kon tulung atuil didang man tui Lamtua Yesus Lalan in Nuli ka ngas.

Dehet deng Aan in Nutus sas 19:6

Ta nikit Paulus nene ima ka se oen bon nas le kohe-kanas kon, Ama Lamtua Koo Niu ka, niu lako se one. Hidim oen mulai aa nini dasi bili-ngala, man oen tanas lo. Nol Ama Lamtua kon pake oen le tek deng asa man lako-lako lam dadi.

Dehet deng Aan in Nutus sas 21:9

Filipus muik ana bihata at aat. Ama Lamtua Allah pake one, le daid mee-baah taung in nahdeh deng Un in teka-teka ngas.

Dehet deng Aan in Nutus sas 4:36

Tuladang el Yusuf, deng nusa Siprus. Un niam mo Lewi in hua-koet. Ama Lamtua atulin in nutus sas ngali un noan, ‘Barnabas’, nahin na noan, ‘atuil in hulung atuil didang le halin makoe’. Un lako hee un dale teb mesa, hidim un duit ta, un laok belen se Ama Lamtua anan in nutus sas.

Dehet deng Aan in Nutus sas 9:1

Dedeng na, Saulus tao liing nol tao sus atuil in muid Lamtua Yesus sas tutungus. Un kon nuting lalan le keo tele one. Hidim un lako tutnaal nol tulu agama Yahudi las tulu tene ka,

Roma 16:21

Paling Timutius man daek leo-leo nol au, tunang boa-blingin bel mia. Kaka Lukius, kaka Yason, nol kaka Sosipater kon tunang boa-blingin. Oen niam atuil Yahudi banansila el au.

Korintus mesa la 11:4

Tiata, eta biklobe li kohe-kanas tamlom tek deng Ama Lamtua in hida ka lam, bua kele un bon na deken. Ta na banansila el un tao nahmaeng Kristus, undeng un todan muid kit hadat in nuil-nola ka lo.

Korintus mesa la 13:2

Eta noan auk muik karunya le tek Ama Lamtua in hida ngas bel Un atulin nas, nol auk taan totoang dais in buni-napang ngas, nol auk nangan taan totoang dais man atuil in tana ngas, in tana ka, nol eta auk in parsai Ama Lamtua ka kuat-tes didiin auk pekot nal leten nas, mo auk muik in namnau bubuit lo kon nam, un ambak ki saa la? Auk in tao nas muik ambak mes lo kon.

Korintus mesa la 13:8

Namnau ka na mo, tene tahan lo. Mo asa man Ama Lamtua mee-baha las in nahdehe ngas, lako-lako lam parlus pait lo ka. Nol atuli li aa nini dasi bili-ngala kon, lako-lako lam pake dais nas lo ka. Ta asa man atuil in tana ngas, tanas, lako-lako lam muik ambak pait lo.

Korintus mesa la 14:29

Eta mi nakbua lam, nang le atuli at dua tam tiul siis, man tek deng Ama Lamtua in hida ka. Tenga las musti nangan oen in tekang nas nol babanan.

Korintus mesa la 14:32

Nangan, ta atuil in tek deng Ama Lamtua in hida ngas sa, musti doha-tiud taan un apa ka. Tenga las tahang apan le natang halin mes aa hidi le, halas-sam mes lolen.

Korintus mesa la 9:6

Tamlom mi nangan noan, suma auk nol Barnabas siing man daek le nuting duit, halin kaim nuling le tui atuli lia la?

Galatia 2:13

Net Petrus in tao ela ka, tiata atuil Yahudi tenga las kon tao mudi-muid una. Didiin Barnabas kon toe muid oen in sila-klup tuun na.

Galatia 2:9

Dedeng na, atuli las noken Yakobus, Petrus, nol Yuhanis son noan, tulu in kil grija. Nikit oen tilus taan noan, Ama Lamtua Allah tulu Un dalen banan na son bel au, kon oen hangus dil le maas daek im nol kaim duam Barnabas, le daid tada noan, kaim totoang dalen mes son. Oen tade le kaim kil Dehet Dais Banan na laok bel atuil Yahudi lo kas, mo oen man laok bel atuil Yahudi las.

Efesus 4:11

Kristus man bel kuasa se Un atulin nas, le oen lako-daek os man Un bating bel oen son nas. Tenga las, Un beles kuasa le daid Un atulin in nutus, dehes daid Un mee-baha, tenga las daid atuil in kil Dehet Dais Banan na laok se mana-maan balu, tenga las daid in lolo-poa Un atulin nas, nol tenga las pait daid atuil in tana le tui Un atulin nas.

Filipi 4:22

Totoang atuil in parsai ne kota Roma ngias kon, tunang boa-blingin. Ela kon nol kaka-pail in daek ne lahing tuan na um lahi lua ngas. Oen tunang boa-blingin bel mia.

Tesalonika mesa la 5:20

Eta muik pail-kaka at mes tek noan un haup in teka deng Ama Lamtua Allah lam, ngat maat halin tuun nol un in aa na deken!