Dehet deng Aan in Nutus sas 12:6 - Buk Niu In Hida Balu nol Dehet deng Apan-kloma ki in Dadi ka

⁶ Noan ola ka, le Herodes nutus Petrus dasi la se atuil hut mamo sila kam, duman na, oen but Petrus nini rante dua se bui dalen. Hidim un nini se tentara at dua hlala. Nol tentara tenga las doh se hnita mata ka.

Dehet deng Aan in Nutus sas 12:6 ပူးပေါင်းရင်းမြစ်များ

Dehet deng Apan-kloma ki in Dadi ka 22:14

Tiata Abraham ngali maan na ngala, ‘mam Ama Lamtua mana bel asa man kit in parlu ngas.’ Undeng na le, maa pes leol neot ni kon, atuli las aa noan, “Se AMA LAMTUA leten na, Un pesang bel asa man kit in parlu ngas.”

Matius 28:4

Ta atuil in doha ngas lii isi, didiin oen pepeten, nol mana nal apan nas lo, banansila el atuil hmate ka.

Dehet deng Aan in Nutus sas 12:5

Tiata, dedeng oen tahang Petrus se bui dalen na, Lamtua Yesus atulin nas in kohe-kanas sa nutus lo. Oen kohe-kanas le nodan Ama Lamtua halin doha-tinang Petrus.

Dehet deng Aan in Nutus sas 21:33

Kon nam komendan na daek Paulus, hidim lok oen le but un nini ranteng bisi dua. Oen but hidi kon, un ketan atuil nas noan, “Atuling ni asii la? Un tao kula asa la?”

Dehet deng Aan in Nutus sas 28:20

Dais na, man tao auk le haman nakbua kaka-palis totoang se maan nia. Le halin kit nahdeh nol apa deng asa man atuil Yahudi li in nata-natang nga: kit totoang nahlae se Lahing man Ama Lamtua Allah in tunang maa, le halin bel boa-blingin kit bangsa Israel lia ka. Ni man tao oen le, oen but auk nini ranteng nia.”

Dehet deng Aan in Nutus sas 5:23

Oen tekas noan, “Amas komali deken. Ta kaim lakom lius se bui kua lam, kaim net hnita kas hkaen teles nabale. Nol atuil in doha ngas totoang kon dil ne uas. Mo kaim tadus le sai hnita kas, halin kaim tama lam, kaim net atuil lo.”

Efesus 6:20

Auk daid atuil bui kon no, Lamtua Yesus nutus auk le daid Un atulin in nutus. Tiata kohe-kanas bel au, le halin auk lii in aa deng in toma ka deken, ta meman na auk osa!

Timutius dua la 1:16

Mo Onesiforus sam kisa. Un lail nodat auk lo. Ku esa taan noan, hmunan nu auk in se kota Efesus sa, un tulung auk tutungus. Halas ni un maa daad ne kota Roma lolen son. Dedeng un in maa lisu ka, un nuting auk papmes se ola-ola. Didiin un haup auk se bui kia. Mo un mae lo. Un maa meo auk tutungus se bui ki dalen, le tao tes auk daleng ngia. Tiata, auk kohe-kanas le nodan Ama Lamtua Allah tulu Un dalen banan na bel Onesiforus, nol un uma isin nas totoang. Mam lius leol kiamat tia, le Ama Lamtua nutus atuli li dasi las sam, auk nodan le Ama Lamtua nutus Onesiforus nol un uma isin nas dasi las nol babanan.

Ibrani 13:6

Tiata tao teken mi dalen nas, banansila el atuli dul net son noan, “Undeng auk Tuang nga le tulung au, tiata auk lii lo. Ta muik atuli mes lo kon, man tao sus auk nol baktetebes.”