Dehet deng Aan in Nutus sas 12:1 - Buk Niu In Hida Balu nol Dehet deng Apan-kloma ki in Dadi ka

¹ Dedeng na, lahing Herodes sa mulai tao susa-daat muun isi saol Lamtua Yesus atulin nas tenga.

Dehet deng Aan in Nutus sas 12:1 ပူးပေါင်းရင်းမြစ်များ

Matius 14:1

Dedeng na, laih Herodes kil bandu se propinsi Galilea. Un kon ming dehet kose-kose deng Yesus.

Matius 14:3

Laih Herodes aa ela, lole hmunan nu un tao dais nol Yuhanis, didiin un daek Yuhanis le tamang lako se bui. Un dehet ta elia: laih Herodes saap nol un palin Filipus sapa ka, ngala Herodias. Molota Filipus nol Herodias dai apa lo bii.

Matius 14:6

Mo nesang lo kon, Herodes tao fesat leol in hua una. Dedeng na, ina bi-laih Herodias ana bihata la, lako tidan saol atuil in haep pas. Un in tidan na leko ana lo, didiin tao Herodes dalen kolo.

Matius 24:9

Tiata mi musti doh babanan! Ta mam oen diku-puang mia, nol keo tele mia. Hidim atuil deng bangsa-bangsa lias totoang kom mi lo isi, undeng mi in muid Au ka.

Lukas 22:53

Lelo-lelo lam, Auk tui mi se Um in Kohe-kanas Tene ka, mo muik atuli mes in daek Au lo. Mo nang tuun tia! Oras ni, mi nena tuun tia. Ta halas ni uikjale kas laih tuan na man kuasa!”

Yuhanis 15:20

Nadidingun Auk in tek mia ni deken, ‘Atuil in loka-loka mesa lam, uhu dui deng un tuang nga lo.’ Tiata, eta oen tao Auk le susa-daat tam, taon elola ko, oen tao mi le susa-daat ela kon. Etan oen ming Auk in Teka-teka ngias sam, oen kon hii-ming se mia.

Yuhanis 16:2

Mam atuil Yahudi las nulut soleng mi deng oen um in kohe-kanas sas. Suma na sii lo, ta mam muik oras, le atuli keo tele mia lam, oen nangan noan, oen daek banan taung Ama Lamtua Allah na.

Dehet deng Aan in Nutus sas 11:30

Tamang hidi duit kon, oen tulu Barnabas nol Saulus, le oen duas man kil duit nas laok bel tulu in kil jemaat se lua ngas, halin oen bating bel atuli in susa ngas.

Dehet deng Aan in Nutus sas 12:2

Un prenta atuil le laok keo tele Yakobus nini suli. Yakobus na mo, Yuhanis kaka ka.

Dehet deng Aan in Nutus sas 4:30

Nol kaim nodan le Ama Lamtua bel kaim kuasa, le tao banan atuil in ili ngas. Kaim kon nodan kuasa le kaim tao taad in herang bili-ngala, le halin atuli las tana noan, kuaas na maa deng Yesus, Ama Lamtua Atulin in Loka-tadu Niu ka. Ama Lamtua, kaim in kohe-kanas sa pes ela.”

Dehet deng Aan in Nutus sas 9:31

Hidi nam, Yesus atulin man in se propinsi Yudea, propinsi Galilea, nol propinsi Samaria ngas, nuil nol in lii pait lo. Oen mamo taplaeng, nol oen kon daek muid Ama Lamtua in koma ka. Ta Ama Lamtua Koo Niu ka tao teken oen dalen nas.