Dehet deng Aan in Nutus sas 11:20 - Buk Niu In Hida Balu nol Dehet deng Apan-kloma ki in Dadi ka

²⁰ Deng Ama Lamtua Atulin man lail lakos se nusa Siprus nol kota Kirene ngas, muik teng lail lakos napiut se kota Antiokias, ne propinsi Siria. Oen niam man dehet Lamtua Yesus Dehet Dais Banan na bel atuli-atuil Yahudi lo in ne ua ngas.

Dehet deng Aan in Nutus sas 11:20 ပူးပေါင်းရင်းမြစ်များ

Matius 27:32

Dedeng oen pel nol Yesus lako ka, se lalan hlala kam, oen tutnaal atuling mes deng kota Kirene, man halas-sam le taam lako bus el kota la. Un ngala Simun. Kon oen dising un le haal seda Yesus kai sangsuli la.

Yuhanis 7:35

Kon nam, tene-tene deng atuil Yahudi las, keket apa noan, “Nataka le Atuling ni le lako bus el ola ka? Nol Un lako se maan ol man kit haup in tutnaal Una lo kia? Un le lako huni se atuil Yahudi, in nuil holhising ne negara likun nua ngas te? Tam Un le laok tui atuil in aa nini dais Yunanin man ne ua ngas sa? Tamlom elola la?

Dehet deng Aan in Nutus sas 11:19

Hmunan nua, dedeng oen pasang tele hidi Stefanus kon, oen mulai tao susa-daat saol Yesus atulin nas. Tiata oen lalis holhising lakos se ola-ola. Tenga las lalis lakos se propinsi Fenisia. Teng lalis lakos se nusa Siprus, nol tenga las pait lalis katang-katang lakos pes se kota Antiokia, ne propinsi Siria. Atuil in laling nias kon, nahdeh Lamtua Yesus Dehet Dais Banan na se ola-ola. Molam oen suma nahdeh bel oen atulin Yahudi las siis. Mo nahdeh bel atuil Yahudi lo kas lo.

Dehet deng Aan in Nutus sas 11:22

Dedeng na, Lamtua Yesus atulin in se Yerusalem mas ming haup noan, atuil Yahudi lo in se kota Antiokia ngas kon parsai se Lamtua Yesus son. Kon nam, oen lok oen atulin mes ngala Barnabas, le lako meo oen se luas. Barnabas niam mo atuil dael banan, nol un parsai Ama Lamtua Allah baktetebes. Ama Lamtua Koo la kon leo-leo nol una. Un lako lius se kota Antiokia kon, un ngat tam meman baktebes, Ama Lamtua Allah daek ne atuil Yahudi lo kas in nuli ka son. Tiata un dalen kolo. Hidim un tao oen le makoe taplaeng, halin nam oen daek muid Ama Lamtua Lalan in Nuli ka tutungus nol baktetebes. Nini ela lam, Ama Lamtua atulin nas nesang le lako lam, mamo keko lako.

Dehet deng Aan in Nutus sas 11:26

Nikit un tutnaal Saulus kon, un nusi Saulus le halin oen duas leo-leo pait lakos kota Antiokias. Kon nam oen duas daad se Antiokias leo-leo nol Ama Lamtua atulin nas didiin taun mesa. Lelo-lelom oen duas tui Lamtua Yesus Lalan in Nuli ka bel atuil hut mamo kas. (Se kota Antiokia, halas-sam atuli li mulai noken Lamtua Yesus atulin nas noan, ‘atuil Kristen’).

Dehet deng Aan in Nutus sas 11:27

Dedeng oen duas biis nabael se kota Antiokias sam, atuli at ila lo maas deng kota Yerusalem. Taom Ama Lamtua pake atuil nas le daid Un mee-baha.

Dehet deng Aan in Nutus sas 13:1

Se kota Antiokia, muik atuli mamo parsai se Lamtua Yesus son. Muik atuli deeh man Ama Lamtua Allah pakes le daid Un mee-baha, nol muik atuli deeh pait man Un pakes le tui-tikang atuli las. Atuil nas ngalan nas elia: Barnabas, Simeon, man atuli las taom haman noan ‘Aap Mitang’, Lukius deng kota Kirene, Menahem, man oen papa-piaran deng ana blutu bii ku leo-leo nol lahing Herodes sa, nol Saulus.

Dehet deng Aan in Nutus sas 14:26

Lius se las kon oen saek lui ina, le luan laa pait lakos kota Antiokias, ne propinsi Siria. Dedeng na, Lamtua Yesus atulin in se kota Antiokia ngas, man nutus one, nol sao oen lakos se Ama Lamtua ima, le halin Un doha-tinang one. Undeng na le, Paulus nol Barnabas pait lakos lapur jemaat in se kota Antiokia ngas noan, oen daek hidi oen osa la son.

Dehet deng Aan in Nutus sas 15:22

Hidi nam, Lamtua Yesus anan in nutus sas nol blalan-blalan Kristen nas, koo-dalen mes nol totoang atuil in sarani, se Yerusalem mas, le tadu atuli laok tek asa man oen in nutus son na, bel atuil sarani las se ola-ola. Kon nam oen nuting atuil man jemaat tas in todan, nol in daek nal os na. Tukun nam oen huil nal atuli at dua. Mes ngala Silas, nol mesan na pait ngala Yudas (man oen noken kon noan Barsabas). Hidim oen tadus duas le lakos leo-leo nol Paulus duas Barnabas.

Dehet deng Aan in Nutus sas 15:23

Oen kil surat laok bel atuil deng bangsa Yahudi lo, man se kota Antiokia, ne propinsi Siria lako pes propinsi Kilikia ngas. Surat na lin na elia: “Boa-blingin deng kami, Lamtua Yesus anan in nutus sas, nol blalan-blalan in se kota Yerusalem mas. Kaim dul surat ni bel mia, man kaim namnau tuladang el kaim pail-kakan esa.

Dehet deng Aan in Nutus sas 15:30

Oen sium nal surat na kon, Paulus nol un tapan nas seon le oen lakos napiut se kota Antiokias. Lakos lius se luas kon, oen haman nakbua atuil sarani las totoang, le beles surat na.

Dehet deng Aan in Nutus sas 17:18

Hidim un keket-ketan nol guru at ila lo deng opan dua, man se kota na. Op mesan na ngala Epikuros, mo opa mesan na pait ngala Stoa. Mo nikit un tek noan, Yesus nuli pait son deng Un in mate ka. Kon muik atuli at ila lo deng one la puut kapen, le tek noan, “Phuih! Ku taan saa lo!” Nol muik atuli deeh pait ahan le tek noan, “Wuih! Atuling ni talalun, un dising kit le halin hui-langus se oen dewa las lolen!”

Dehet deng Aan in Nutus sas 18:22

Hidim un saek lui le luan laa lako bus el kota Kaisarea. Lako lius se lua kon, un niu deng lui la, le lako meo atuil in parsai se Yerusalem mas, hidi halas-sam un lako pait el kota Antiokia.

Dehet deng Aan in Nutus sas 2:10

Frigia, Pamfilia, Mesir, deng Libia man dani nol kota Kirene; ela kon kit tenga lias maang deng kota Roma;

Dehet deng Aan in Nutus sas 4:36

Tuladang el Yusuf, deng nusa Siprus. Un niam mo Lewi in hua-koet. Ama Lamtua atulin in nutus sas ngali un noan, ‘Barnabas’, nahin na noan, ‘atuil in hulung atuil didang le halin makoe’. Un lako hee un dale teb mesa, hidim un duit ta, un laok belen se Ama Lamtua anan in nutus sas.

Dehet deng Aan in Nutus sas 5:42

Lelo-lelom, oen lakos tui atuli las noan, “Atuling man Ama Lamtua Allah in tulu meman son deng lolo hmunan nua ka, mo Yesus!” Hidim oen tek dais na tutungus se atuli las uma-uma las, nol se Um in Kohe-kanas Tene ka kon.

Dehet deng Aan in Nutus sas 6:1

Dedeng na, Lamtua Yesus atulin nas mamo taplaeng son. Oen nam atuil Yahudi, mo oen muik dasi dua man bakisan. Deeh aa dais Aram nol tenga las pait aa dais Yunanin. Lako-laok kon dehet puti, deng op dua nias. Atuil man in aa nini dais Yunanin nas, kom nol atuil man in aa nini dais Aram mas isi lo. Oen tek noan, “Elia lam, tom lo! Etan mi bating in kaa lelo-lelon nam, mi boel ngele halin deken! Lo kam kaim ina-inan bebalu kias, haup oen nenan nas lo.”

Dehet deng Aan in Nutus sas 6:5

Tiata oen tade muid Petrus in teka ka. Kon oen huil atuli at itu. Atuil nas ngalan nas elia: Stefanus, un nam parsai Lamtua Yesus baktetebes, nol Ama Lamtua Koo Niu ka pake una. Nol un tapan tenga las ngalan nas elia, Filipus, Prokorus, Nikanor, Timon, Parmenas, nol Nikolas man maa deng kota Antiokia. Un atuil Yahudi lo, mo un tama agama Yahudi son.

Dehet deng Aan in Nutus sas 6:9

Lam muik atuil Yahudi deeh maas deng mana-maan katang. Oen deng kota Kirene, kota Aleksandria, propinsi Kilikia, nol propinsi Asia. Hmunan nua, atuil nias daid ata mo lako-laok kon oen tuang ngas sao one, tiata oen maas nakbua se Yerusalem. Taom oen taam lakos se um in kohe-kanas mesa, ngala, ‘Um in Bebas deng Ata.’ Oe mesan na, oen ming Stefanus in aa ka, mo oen kom lo, tiata oen mulai kaen nol Stefanus.

Dehet deng Aan in Nutus sas 8:35

Kon Filipus mulai dehet deng Yesaya in dula apin na, le tui blalan na deng Lamtua Yesus Dehet Dais Banan na.

Dehet deng Aan in Nutus sas 8:5

Tuladang el neot mesan na, Filipus lako se kota mes se propinsi Samaria, le tek atuli las noan, Yesus na mo, Kristus, Atuling man Ama Lamtua Allah tulu meman son, deng lolo hmunan nua ka.

Dehet deng Aan in Nutus sas 9:20

Un lako tama se atuil Yahudi las um in kohe-kanas sa, hidim suknahkitu lam un tekas noan, “Mi hii babanan ne! Baktebes Yesus na mo, Ama Lamtua Allah Ana.”

Dehet deng Aan in Nutus sas 9:29

Un kon keket-ketan nol atuil Yahudi at ila lo, man aa nini dais Yunanin. Mo oen dai sium un in nahdehe ka lo, tiata oen nuting lalan le keo tele una.

Korintus mesa la 2:2

Oras auk leo-leo nol mia ka, auk in nangan na elia: auk suma le aa deng dasi mes sii, na Yesus Kristus. Un nam mo, Atuling man Ama Lamtua Allah hid meman son, le belen maa ka. Mo dedeng Yesus maa ka, atuli li pauk tele Un se kai sangsuli lua. Suma dais na sii, man auk tanan baktetebes.

Galatia 2:11

Oe mesa na kon, Petrus maa se kota Antiokia, kon auk kaing un langa-langa, undeng un tao kula.

Efesus 3:8

Deng Ama Lamtua Allah atulin nas totoang, auk niam atuil ana dui. Mo ela kon no, Ama Lamtua huil auk le lako-daek Un os man in muun isi nia. Un in koma ka le, auk tek atuil Yahudi lo kas, deng Kristus dalen in banan isi, man atuli li in nangan hapun lo ka.