Dehet deng Aan in Nutus sas 10:5 - Buk Niu In Hida Balu nol Dehet deng Apan-kloma ki in Dadi ka

⁵ Tiata nol nia, tadu atuli laok kota Yope, le kil nol atuling mesa, man ngala Simun Petrus maa se nia.

Dehet deng Aan in Nutus sas 10:5 ပူးပေါင်းရင်းမြစ်များ

Markus 3:16

Atuil at hngul dua nas ngalan nas elia: Simun (man Yesus ngali noan Petrus), Yakobus, Yuhanis, (Yakobus nol un palin Yuhanis, oen duas niam ama Sabadeus anan. Yesus ngali oen duas nini ngaal ‘Boanerges’, man nahin na noan ‘aan lelat ulan’.) Anderias, Filipus, Bartolomeos, Matius, Tomas, Yakobus, (Alpius ana ka), Tadius, Simun (man muid partei pulutik Selot), nol Yudas Iskariot (un man hee soleng Lamtua Yesus).

Yuhanis 1:42

Hidi nam, un nol un kaka ka lako se Yesus. Kon Yesus ngat una, hidim tekan noan, “Ku niam Simun. Ku amam ma Yuhanis. Kilan deng leol neot nia, atuli haman ku lam, ‘Kefas’ ” (Nahin na noan, ‘Petrus’, nol Petrus sa nahin na ‘batu’.)

Dehet deng Aan in Nutus sas 10:18

Hidim oen biu nol keket noan, “Kaim nuting atuling balu mesa, un maa daad tahang ne um nia. Un ngala Simun Petrus. Mi tanan ne?”

Dehet deng Aan in Nutus sas 10:32

Tiata nol nia, lok atuli laok se kota Yope, le taap atuling mesa, ngala Simun Petrus. Un daad tahang nol atuling mes man osa la tao niu hmukit bulang, atuling na uma la ne tasi suut. Un ngala ka kon Simun.’

Dehet deng Aan in Nutus sas 15:7

Kon nam oen huli-bali lako-pait nesang. Hidi nam, Petrus hangu dili, le tek noan, “Kaka-paling totoang! Mi taan esan son noan, hmunan nu Ama Lamtua tulu auk son, deng mi hlala ka, le laok tek Lamtua Yesus Dehet Dais Banan na bel atuil Yahudi lo kas. Ta Ama Lamtua kon, kom le oen parsai se Lamtua Yesus.

Dehet deng Aan in Nutus sas 16:9

Duman na, Ama Lamtua Allah tulu bel Paulus banansila el in natloa ka. Un ngat net atuli mes dil se tasi suut halin, se propinsi mesa, ngala Makedonia. Atuling na haman mumuun le nodan tulung noan, “Ama! Maa tulung kaim le!”

Dehet deng Aan in Nutus sas 9:36

Dedeng na, muik bihatang mes ngala Tabita, un daad se kota Yope dani tasi suut. (Bihatang na ngala ka se dais Yunanin nam, ‘Dorkas’, man nahin na noan ‘lusa’). Un nam parsai Lamtua Yesus. Nol un kon daek dasi-dais banan mamo taung atuli las, nol kom in tulung atuil kasiang ngas.

Dehet deng Aan in Nutus sas 9:38

Dedeng na kon, oen ming noan, Petrus maa son ne kota Lida, kota ni nataka le laok iin nam jam ila lo siis deng Kota Yope. Kon oen tadu atuli at dua, le laok nodan Petrus noan, “Ama! Kaim nodan ama le lalaba laok kota Yope.”

Dehet deng Aan in Nutus sas 9:42

Dehet na holhising papmes kota Yope, tiata atuli mamo daid in parsai se Lamtua Yesus.

Dehet deng Aan in Nutus sas 9:43

Petrus daad se la lelo il pait, se atuli mes uma. Atuling na ngala Simun. Un osa la, atuil in tao niu hmukit bulang.