Dehet deng Aan in Nutus sas 10:14 - Buk Niu In Hida Balu nol Dehet deng Apan-kloma ki in Dadi ka

¹⁴ Mo Petrus siut noan, “Tao ela deken Tuang! Ta auk kaa net hmukit tuladang ela lo! Kaim atuil Yahudi li luil nol hmukit nas totoang.”

Dehet deng Aan in Nutus sas 10:14 ပူးပေါင်းရင်းမြစ်များ

Dehet deng Apan-kloma ki in Dadi ka 19:18

Mo Lot situn noan, “Idaa Ama! Ela deken!

Matius 15:11

Asa man tama lako atuli li bahan na, tao hmomos oen lo. Mo asa man puti maa deng atuli li bahan na, man tao hmomos one.”

Matius 16:22

Yesus tek ela kon, Petrus pel bian Un deng na le kaing noan, “Papa, aa ela deken! Taon elola ko Ama Lamtua Allah nang ela tuun lo!”

Matius 25:9

Mo tana-bihaat in tana ngas siut noan, ‘Idaah! Komali deken, ta bisa lo. Kaim mina kias nol taung in bating kit totoang lo! Banan dui ka, mi laok sos mina esan se kius suas tuun.’

Matius 8:2

Nahkitu lam, atuling in iil baih-bluku mes maa saol Yesus. Hidim un hai buku ka le nodan tulung se Yesus noan, “Tuang nge! Tulung auk le! Etan Tuang tade kam, tao ilang bel auk ili lia, le atuli nikis auk bakun na, halin auk kon bisa taam laok kohe-kanas pait se um in kohe-kanas sua.”

Markus 7:2

Atuil Farisi nas kil didi oen hadat Yahudi la. Naleta el, eta oen le kaa lam, musti haun iman muid oen hadat ta in koma ka. Ela kon, eta pait deng pasar ram, oen musti dius muna le. Lako pes oen sa-saa dapur ras, el mulu, pingas, klas, ceret, musti bases muding hadat ta in koma ka muna le, halas-sam oen boel pakes le kaa-niun nini. Eta muik atuil Yahudi teng muid hadat na lo kam, atuil Farisi las koon-mali. Undeng na le, oen koon nas mali, nikit oen net Yesus ima-ii las kaa, mo haun iman nas muid hadat ta lo. Hidi kon, oen maas le bel kula Yesus noan, “Tasao le ku anam mias haun iman lo kia? Oen kaliut kit upu kia-kaon nas hadat ta son!”

Lukas 1:60

Mo un ina Elisabet dai tao lo, le tek noan, “Ela deken! Un ngala ka, musti Yuhanis!”

Yuhanis 4:11

Bihatang na tek noan, “Papa, sapat in kait ase. Hidim ui in kali ni bolo ki blatas isi. Paap haup ui in nuli na deng ola la?

Dehet deng Aan in Nutus sas 10:13

Kon un ming fala mes tadu un noan, “Petrus! Hangu tia! Lolat hmukit nias le ku kaa tia!”

Dehet deng Aan in Nutus sas 10:28

Kon nam un ngat papmes one, hidim un tekas noan, “Kaka-paling totoang. Mi taan kaim atuil Yahudi li hadat ta son. Muid kaim hadat ta lam, kaim boel nakbuan nol atuil Yahudi lo ngas lo. Salolen le taam laok se oen uma las sa. Mo Ama Lamtua Allah tulu bel auk son noan, eta Un esa tek son noan, sa-saa mes niu kam, auk boel tek noan sa-saa na hmomos deken. Tiata halas ni auk nikis atuil Yahudi lo ngas pait lo. Auk musti nangan noan oen nam, auk nenan.

Dehet deng Aan in Nutus sas 22:8

Meman auk ming faal na, mo auk net atuil lo. Kon auk ketan noan, ‘Lam Tuang in aa ni, asii la?’ Kon nam faal na siut noan, ‘Auk niam Yesus, atuling Nasaret man ku in tao susa-daat son na!’

Dehet deng Aan in Nutus sas 9:5

Saulus keket noan, “Tuang nia mo asii la?” Faal na siut noan, “Auk niam, Yesus, man ku in diku-puang isi ka.