Dehet deng Aan in Nutus sas 1:7 - Buk Niu In Hida Balu nol Dehet deng Apan-kloma ki in Dadi ka

⁷ Kon Yesus situs noan, “Mi boel keket nuting dedeng nga deken. Ta suma Auk Amang ngu sii man muik hak le ator un dedeng-lelon na.

Dehet deng Aan in Nutus sas 1:7 ပူးပေါင်းရင်းမြစ်များ

Matius 20:23

Kon Yesus situs pait noan, “Meman mam mi kon lepa-haal in susa-daat na banansila el Au. Mo asii man daad se Auk halin kanan na, tamlom halin kliu ka lam, Auk man in nutus lo. In muik hak le nutus ela ka, Ama Lamtua Allah. Ta Un nutus meman son, le asii tuun man daad se maan nas.”

Matius 24:36

Auk in pait maa kia, muik atuli in tana lo. Ama Lamtua Allah ima-ii in ne sorga nguas kon, tanan lo. Auk esang kon, tanan lo. Suma Auk Amang ngu sii man tanan.

Markus 10:40

Mo mam asii man daad se Auk halin kanan ni nol kliu kia lam, Auk man in nutus lo. Ta in muik hak le nutus ela ka, Ama Lamtua Allah. Un man nutus meman son, le asii man daad se maan nas.”

Markus 13:32

Yesus aa taplaeng noan, “Muik atuli mes lo kon man taan lelon tam oras Auk in pait maa ka. Ama Lamtua Allah ima-ii in ne sorga nguas kon, tanan lo. Auk esang kon, tanan lo. Suma Auk Amang ngu sii, man tanan.

Lukas 21:24

Mam oen musu las keo oen tenga, nol daek tenga, le daid ata se ola-ol papmes apan-kloma kia. Hidim atuil in laok-maa, man taan Ama Lamtua Allah lo ngas, maas lita le tao hmomos kota Yerusalem, nol kuaas kota la isin na totoang, didiin oen oras sa hidi.”

Dehet deng Aan in Nutus sas 17:26

Suma deng atuli mes sii kam, Un koet nal totoang bangsa in ne apan-kloma ki ngias. Un man bating bel bangsa-bangsa lias, mesa-mesam nonool un dale. Nol Un man ator meman deng bangsa-bangsa lias oras in banan-daat ta, mesa-mesam nonool un dedeng.

Efesus 1:10

Nol mam lius un oras sa lam, Yesus Kristus kon daid Bon le mana-koet totoang in se apan-kloma kias nol in ne sorga nguas.

Timutius mesa la 6:15

Lamtua Yesus in muun isi ka, man kil kuasa. Un nam mo, Laih Tene dui deng totoang lahi-lahi lias. Nol Un kon nam, Tuang Tene dui totoang tuang-tuang ngias. Tom nol un oras-lelon na lam, Ama Lamtua tao langa dais nias.

Timutius dua la 3:1

Timutius! Etan apan-kloma ki dadani in puis sam, muik susa-daat mamo isi. Tiata auk tek nuting ku meman.