Dehet deng Aan in Nutus sas 1:13 - Buk Niu In Hida Balu nol Dehet deng Apan-kloma ki in Dadi ka

¹³ Maas lius se kota la kon, oen taam lakos se uma mesa, man oen pake le daad tahang se las. Hidim, oen saek lakos mana mesa, se um na hnoden dapa ka. Aan in nutus sas ngalan nas elia: Petrus, Yuhanis, Yakobus, Anderias, Filipus, Tomas, Bartolomeos, Matius, Yakobus (Alfius ana ka), Simun (deng partei Selot), nol Yudas (Yakobus ana ka)

Dehet deng Aan in Nutus sas 1:13 ပူးပေါင်းရင်းမြစ်များ

Matius 9:9

Hidi deng nam, Yesus laok napiut, kon nam Un ngat net atuil in sium bea ngas at mes daek se maan in baen bea ka. Un ngala Matius. Yesus tekan noan, “Maa le muid Au!” Ming ela kon, Matius haung lako muid Yesus meman.

Markus 14:15

Hidim atuling na tulu bel mi maan tene mesa, se un uma la hnoden dapa ka. Un mana hidi maan na son, lisi ka suma mi duam laok mana-koet in kaa se na.”

Markus 14:33

Kon Yesus haman nal Petrus, Yakobus, nol Yuhanis, le lakos leo-leo nol Una. Kilan deng oras na kon, Yesus nataka kam ngele isi nol Un dalen na susa.

Markus 2:14

Se na, muik atuli mes ngala Lewi, Alfius ana. Un daek se maan in baen bea bel pamarenta Roma la ka. Yesus maa lako deng na kon, Un ngat net Lewi. Ta Un tekan noan, “Maa, le muid Au!” Ming Yesus aa ela kon, Lewi hangu le muid Un meman.

Markus 5:37

Kon Yesus lako nang soleng Un ima-ii tenga las. Mo Un nol Petrus, Yakobus, nol Yakobus palin Yuhanis, lakos napiut.

Markus 9:2

Hidi nal lelo eneng kon, Yesus nodan Petrus, Yakobus, nol Yuhanis, le oen leo-leo nol Un saek lakos se leten lapa tene mes dapas, man muik atuil lo. Nikit oen saek lakos lius se dapas kon, oen ngat tam Yesus daid kisa son.

Lukas 22:12

Lam mam um lamtua ka tulu bel mi kamar bluang mes se hnoden dapa ka. Un mana hidi kamar na son. Lisi ka suma mi duam laok mana-koet in kaa se la tuun.”

Yuhanis 11:16

Hidi kon, Tomas man oen noken noan “aan hduan” na, tek ima-ii tenga las noan, “Maa tia! Banan dui ka, kit totoang laok mudin, le halin nam kit mateng leo-leo nol Una.”

Yuhanis 14:22

Se na, muik atuli mes ngala Yudas. Un nam Yudas Iskariot lo. Nikit un ming Yesus aa ela kon, un keket noan, “Tuang le tulu apa ka bel kami. Mo tasao le Tuang tulu apa ka bel atuil didang se apan-kloma ki lo kia?”

Yuhanis 18:17

Kon bihatang na keket Petrus noan, “Hoe! Ku niam at mes deng Atuling na ima-ii las, ta lo?” Mo Petrus siut noan, “Loo!”

Yuhanis 21:2

Dedeng na Yesus ima-ii las at iut nakbua. Nas: Simun Petrus, Tomas, man oen noken noan, ‘aan hduan’, Natanel deng iung Kana, ne propinsi Galilea, Sabadeus anan nas duas, (Yakobus nol au, ima-ii man Lamtua Yesus in namnau ka), nol Yesus ima-ii at dua pait.

Dehet deng Aan in Nutus sas 12:17

Mo nesang lom oen mulai lobo, ta Petrus nini ima ka le nodan oen totoang ete. Halas-sam un nahdeh deng taon elola le, Ama Lamtua Allah puting un deng bui ka dalen. Hidim un tadu oen noan, “Mi laok tek in dadi nias totoang bel Yakobus nol aan in nutus tenga las se.” Hidi nam, Petrus puti lako se maan didang.

Dehet deng Aan in Nutus sas 15:13

Dehet hidi kon, Yakobus hangu dili, le tek noan, “Kaka-pali me! Hii napat se auk le!

Dehet deng Aan in Nutus sas 2:14

Petrus nol Lamtua Yesus aan in nutus at hngul esa kas se na. Kon Petrus keko lako el muka-mata lua, le un nikit in aa nol atuil hut mamo man in maa nakbua se na ngas. Un aa mumuun noan, “Ina-amang nol kaka-paling totoang! Mi man atuil Yahudi, nol mi man maa le daad se kota Yerusalem! Tidi mi hngilan nas le hii auk in aa nia, ta auk le tek mi totoang, mo mi musti nangan auk in aa ni babanan.

Dehet deng Aan in Nutus sas 2:38

Kon Petrus situs noan, “Mi mesa-mesam musti nang soleng mi in kula-sala ngas totoang, le muid se Ama Lamtua. Hidi na lam, mi musti nodan le haup in sarani, halin daid tada noan, mi bali muid Yesus Kristus Lalan in Nuli ka son. In sarani na kon daid tada noan, Ama Lamtua kose soleng mi in kula-kula ngas son. Hidim mi kon haup Ama Lamtua Allah Koo Niu ka.

Dehet deng Aan in Nutus sas 20:8

Kaim nakbua se uma mes hnoden tilu la dapa. Duman na, oen hoet hadut mamo kose.

Dehet deng Aan in Nutus sas 4:13

Atuli-atuil man in daad se la ngas, tana noan Petrus duas Yuhanis nam mo suma atuil ana tuun, tuladang el atuil in dula-les taan lo ka. Mo oen herang-herang nol oen duas in brani ka, undeng oen aa buni-buni lo. Hidim oen tana noan, atuil at dua nas iin mes nol Yesus.

Dehet deng Aan in Nutus sas 4:19

Mo Petrus nol Yuhanis situs noan, “Olan amas nangan esan! Ol man banan dui? Muid amas in prenta ka tam, muid Ama Lamtua Allah in prenta ka la?

Korintus mesa la 15:7

Hidim Un tulu-balang apa ka bel kaka Yakobus. Nol Un kon tulu-balang Un apa ka bel Un atulin in nutus sas totoang.

Galatia 1:19

Dedeng na, auk kon tutnaal nol Lamtua Yesus palin in hua ka, ngala Yakobus. Mo auk tutnaal nol Ama Lamtua atulin in nutus tenga las loo. Suma oen duas siis.

Galatia 2:9

Dedeng na, atuli las noken Yakobus, Petrus, nol Yuhanis son noan, tulu in kil grija. Nikit oen tilus taan noan, Ama Lamtua Allah tulu Un dalen banan na son bel au, kon oen hangus dil le maas daek im nol kaim duam Barnabas, le daid tada noan, kaim totoang dalen mes son. Oen tade le kaim kil Dehet Dais Banan na laok bel atuil Yahudi lo kas, mo oen man laok bel atuil Yahudi las.

Yakobus 1:1

Boa-blingin deng au, Yakobus! Auk niam, ata deng Ama Lamtua Allah nol kit Lamtuan, Yesus Kristus. Auk dul surat ni bel mi atuil Yahudi in muid Lamtua Yesus son, man lakom daad ne ola-ola, le nuting in nuli ngas.

Yuhanis dua la 1:1

Mama namnau! Surat ni deng au, Yuhanis, man daid tulu in kil grija. Auk dul surat ni bel mama, man Ama Lamtua Allah hulin son le daid Un atulin, bel nol maam anan nas kon. Auk namnau mi totoang man dalen butu-kil nol dasi-dais man in toma ngas. Totoang atuil didang man taan dasi-dais in toma ngas kon, namnau mia.

Yudas 1:1

Boa-blingin deng au, Yudas. Auk niam, Lamtua Yesus Kristus atulin in loka-loka. Auk kon niam Yakobus palin. Auk dul surat ni bel totoang atuil man Ama Lamtua Allah in huil nal son nas. Un namnau one, nol Yesus Kristus kon doha-tinang oen tutungus didiin Un niu pait maa.