Dehet deng Aan in Nutus sas 1:1 - Buk Niu In Hida Balu nol Dehet deng Apan-kloma ki in Dadi ka

^1-3 Ama Teofilus man in banan, sium boa-blingin deng au, Lukas. Se auk buk hmunan nua ka, auk dul meman deng Lamtua Yesus in nuli ka totoang son. Nas, totoang asa man Un in daek son, nol totoang asa man Un in tui kit meman son nas. Un huil nal Un anan in nutus sas son. Atuli las tao sus Una nol tao tele Un son, mo Ama Lamtua Allah belen le nuli pait. Nikit Un nuli pait kon, Un tulu-balang Un apa ka bel Un anan in nutus sas. Oen net Un tutungus lako pes lelo buk aat, le oen tana noan, Un nuli baktetebes son. Un kon tekas noan, Ama Lamtua Allah nam Laih man in kil bandu. Un kon nutus oen nini kuasa deng Ama Lamtua Allah Koo Niu ka. Tao hidi beles ela lam, Lamtua Yesus sake pait lako sorga. Totoang nas, auk dul netas son.

Dehet deng Aan in Nutus sas 1:1 ပူးပေါင်းရင်းမြစ်များ

Matius 11:5

Atuil tedo kas, haup in neta. Atuil hlukut-kait tas, laok nala. Atuil in iil baih-bluku ngas, banan. Atuil kiu kas, ming nala. Atuil in mate ngas, nulis pait. Atuil kasiang ngas, ming haup Dehet Dais Banan na.

Lukas 1:24

Nesang lo kon Elisabet behe. Kon un huni se uma dalen tukun, didiin bulan lima. Un aa noan, “Naka Ama Lamtua! Undeng Un tulu Un dalen banan na bel auk son. Eta auk haup in hua-koet son nam, atuli las tao nahmaeng auk pait lo ka.”

Lukas 14:22

Ming ela kon, ata na lako haep atuil nas. Hidim un pait le lapur noan, ‘Papa! Oen maas totoang son, mo maan blo mamo nabale.’

Lukas 24:19

Kon Yesus keket noan, “Asa na le?” Oen duas siut noan, “Mo Yesus in deng Nasaret ta la! Un nam meman baktetebes Ama Lamtua Allah mee-baha. Nol Ama Lamtua Allah kon bel Un kuasa le tao taad herang bili-ngala. Un kon taan isi nol in tui atuli. Atulis totoang kom Un isi. Hidim Ama Lamtua kon kom Una.

Lukas 3:23

Dedeng Yesus nikit in tek atuli las deng Ama Lamtua lalan in nuli ka ka, nataka le Un umur taun buk tilu. Atuli las tana ka noan, Yesus na mo Yusuf ana. Yusuf upu kia-kaon nas, elia: Yusuf ama ka ngala, Eli.

Dehet deng Aan in Nutus sas 2:22

Tiata kaka-pail atuil Israel me! Tidi mi hngilan nas, le hii asa man auk in teka nia. Ama Lamtua Allah tulu nal Yesus, Atuling Nasaret ta son. Kaim tanan son noan, na toma, undeng kaim net esan son, Ama Lamtua Allah pake Yesus le daek tada-taad herang, nol daek dasi-dais man in muun dui hihidi ngas. Mi kon taan dais nias, undeng Yesus tao tada-taad herang nas se mi hlala son.