ZEKHARIAH 9:8 - Lai (Hakha) Common Language Bible 2006

⁸ Ka ram cu ka ven lai i a chungin ralkap kha ka kalter hna lai lo, Cun mi hrem hmangmi hna kha ka mi cu hrem ka sianh ti hna lai lo. Ka mi hna nih nganfahnak an in kha ka mit hrimhrim in ka hmuh cang.

ZEKHARIAH 9:8 ပူးပေါင်းရင်းမြစ်များ

2 SAMUEL 16:12

Bawipa nih ka retheihnak hi a ka hmuhpiak hnga i nihin i chiat a ka serhmi ruangah hin ṭhatnak in a hei ka lehrulh ko hnga dahkaw,” tiah a ti.

2 SIANGPAHRANG 19:34

Zeitintiah hi khua cu keimah ruang le ka sal David ruangah khamh awkah ka humhak lai,” tiah Bawipa nih a ti.

2 SIANGPAHRANG 23:29

Amah chan ah cun, Izipt siangpahrang Faro Neko cu Assiria siangpahrang sinah Zufrates tiva ah a hung kal. Josiah Siangpahrang cu amah ton awkah khan a kal; cun a rak hmuh tikah Faro Neko nih cun Megiddo ah a rak thah.

2 SIANGPAHRANG 24:1

Amah chan ah cun Babilon siangpahrang Nebukhadnezzar kha a hung i Jehoiakim cu kum thum chung a sal ah a cang; sihmanhsehlaw aa let i a doh.

SALM 34:7

Bawipa a ṭihmi cu a vancungmi nih khan an zoh hna i ṭihnak chungin an luatter hna.

SALM 72:4

Siangpahrang nih khan sifakmi kha an bia duhdanh lo tein ceihpiak hna seh law retheimi kha bawm hna seh law mi hremtu kha tei hna seh.

EXODUS 3:7

Cun Bawipa nih cun, “Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.

EXODUS 3:9

Israel mi an ainak kha ka theih cang i Izipt mi nih zeitluk in dah an hrem hna kha ka hmuh.

PHUNGTHLÛKBIA 3:25

Mihrut mi hna cung i a tlungmi launak ruangah khan na thin va phang hlah; miṭhalo cung i a tlungmi rawhralnak ruang zongah khan na thin va phang hlah;

ISAIAH 26:1

Hi hla hi Judah ram chungah an sak ni a phan lai: Kan khuapi cu a ṭhawng, Pathian hrimhrim nih a kulhnak cu a ven!

ISAIAH 31:5

Va nih a fale kha huhphenh awkah a bu cungah aa hel lengmang bantukin keimah Ralkapbu Bawipa zong nih Jerusalem cu ka huhphenh lai i ka humhak lai,” a ti.

ISAIAH 4:5

Cun Zion Tlang cung le khika i aa pummi vialte hna cungah Bawipa nih chun ah minmei a zamter lai i zan ah meikhu le a ceumi meizik kha a umter lai. Pathian sunparnak nih khua cu a pumpi in a khuh lai i a hum a zual lai.

ISAIAH 52:1

Jerusalem, ṭhawng law ngan ṭhan tuah! Pathian khua thiang, sunparnak in i thuam tuah! Cuarpar tan lomi cu na kutka chungin ahohmanh an lut ti lai lo.

ISAIAH 52:12

Atu tan hi cu namhnaw in nan chuah a hau lai lo, a zam in nan zam a herh lai lo, Bawipa nan Pathian nih an hruai hna lai i nan hnu, nan hmai, nan sirlei in an ven hna lai.

ISAIAH 54:14

Dinnak le ṭhatnak nih an in ṭhawnter lai. Hremnak le ṭihphannak in na him cang lai.

ISAIAH 60:18

Puarṭhawnnak thawng kha theih a si ti lai lo, rawhnak nih na ram cu a hnin ti lai lo. Vampang nih khua a ven bangin kan ven lai i kan huhphenh lai; nangmah cu kan khamh caah na ka thangṭhat lai.

JEREMIAH 31:12

Zion tlang par ah cun lawmhnak aw thawng he an ra lai, Bawipa nih ṭhatnak tampi a pek hna caah hmaipanh ngaiin an ra lai, Ṭhatnak a pekmi hna cu rawl le mitsur hang thar le chiti le tuurun chung i a no tete le cawrun chung i a no tete tampi kha an si. Ti toihmi dum bantuk an si lai i zeihmanh an chambau bal ti lai lo.

JEREMIAH 46:13

Babilon siangpahrang Nebukhadnezzar nih Izipt ram tuk awkah a rat tikah, Bawipa nih profet Jeremiah a chimhmi bia:

JEREMIAH 46:2

Izipt kong: Judah siangpahrang Jehoiakim, Josiah fapa a bawi kum li kum ah, Babilon siangpahrang, Nebukhadnezzar nih Zufrates tiva kam i Karkhemish khua ah a teimi Izipt siangpahrang Faro Neko i a ralkapbu kong:

EZEKIEL 39:29

Israel mi hna cungah ka thlarau kha ka thlet lai caah annih cu ka hmai kha ka thuhkanh ti hna lai lo, tiah Bawipa Pathian nih a ti.

AMOS 9:15

Anmah cu anmahle an vawlei te ah khan ka phun ṭhan hna lai i Ka pekmi hna vawlei khan zeitikhmanh ah phawi an si ṭhan bal ti lai lo, tiah Bawipa nan Pathian nih a chim.”

ZEKHARIAH 12:4

Khi ni ah cun rangtum vialte kha ka lauter hna lai i an cung i aa citmi kha ka molhter hna lai, Judah kha cu ka zohkhenh lai, sihmanhsehlaw miphun dang rangtum vialte kha cu an mit ka cawtter hna lai, tiah Bawipa nih a ti.

ZEKHARIAH 12:8

Khi ni ah cun Bawipa nih Jerusalem khuami hna cu phaw a chonkanh hna lai; khi ni ah cun an lak i a der bik kha David tluk a si lai i David tefa hna kha Pathian bantuk an si lai, an hmai i a kalmi Bawipa vanmi tluk an si lai.

ZEKHARIAH 14:11

Jerusalem khua chungah khan mi an um lai i a chungah mi um hlah u ti thlauhnak kha zeitikhmanh ah chiah a si ti lai lo; khika ah mi cu hnangam tein an um lai.

ZEKHARIAH 9:7

Sa cu a chung thisen he an ei lai lo. Fih a nungmi rawl dang zong an ei lai lo. Cun cu mi hna lakin a tangmi cu kan Pathian ta ah an i cang lai i, Judah chung phun khat an si lai. Jebus mi hna an rak si bang khan Ekron cu ka mi hna chung bu khat an si lai.

LAMKALTU 7:34

Izipt ram chungah ka mi hna nih an inmi le an tuarmi kha ka zoh i ka hmuh. An aihramnak kha ka theih i anmah khamh awkah ka rung ṭum. Ra tuah, Izipt ram ah kan thlah lai,’ tiah a ti.

BIAPHUAN 20:9

Vawleicung khuazakip ah khan an i ṭhek i Pathian mi hna umnak hmun le Pathian nih a dawtmi khua kha an kulh. Sihmanhsehlaw van in mei a rung tla i a thah dih hna.