ZEKHARIAH 9:4 - Lai (Hakha) Common Language Bible 2006

⁴ Asinain Bawipa nih a ngeihmi vialte kha a lakpiak dih lai. A chawhlawn kha rili ah a paih hna lai i a khuapi kha mei in a khangh lai.

ZEKHARIAH 9:4 ပူးပေါင်းရင်းမြစ်များ

PHUNGTHLÛKBIA 10:2

Ṭhat lonak in hmuhmi chawva cu a miak lo, sihmanhsehlaw dinnak cu thihnak chungin chuahtertu a si.

PHUNGTHLÛKBIA 11:4

Thihnak nih aan phak ni ah cun rumnak hi a ṭhahnem lo, sihmanhsehlaw dinnak cu thihnak chungin michuahtu a si.

ISAIAH 23:11

Bawipa nih rili cungah a kut a samh cang i pennak kha a hrawh cang hna. Foinisia ram chawleh chawhrawlnak hmun kha hrawh awkah nawlbia a chuah cang.

EZEKIEL 26:17

Cun khi tikah hi mithi hla hi an in lawh lai: Maw khuapi minthang, Zeitindah na rawh dih ee, zeitindah rili cungin phiah na si ee! Nangmah le na chungah a ummi vialte hna, Nan ṭhawnnak cu rili chung i aa chiahmi hna, Nan ṭihnunnak ram chung i a khahtertu hna, Zeitindah nan rawh dih kun ee!

EZEKIEL 28:16

Na chawlehnak kha a ngan tuk cang i phung zulh duh lonak kha na lung chungah a khat i a pingah na kal, Cucaah ningzahnak in Pathian tlang cung khan kan ṭhumh i Nangmah cawngtu cherub nih khan an dawi i, Mei bantukin sen himhiam in a linmi lunglak khan an ṭhawl.

EZEKIEL 28:18

Chawlehnak ṭhalo na tuahnak ah khan na sualnak cu a ngan tuk caah Na hmunthiang kha na thurhhnawmh hna. Cucaah na chungah mei kha ka kau i an kangh. Mi vialte hmuh awk caah vawlei ah cun vutcam bangin kan kaltak.

EZEKIEL 28:2

“Mipa, Tair bawi sinah cun va chim law, hihi Bawipa Pathian bia a si, va ti: Porhlawt ruamkainak in naa thawh i, ‘Kei cu pathian ka si, Rilipi cungah pathian bantukin bawiṭhutdan cungah ka ṭhu,’ na ti. Nang cu minung na si ko i pathian na si lo nain pathian tluk ah naa ruat.

EZEKIEL 28:8

Na thih nakhnga khor chungah khan an in nam chih lai i Rilipi chungah khan thihnak ningzak na in lai.

JOEL 3:8

Nan fapa hna le nan fanu hna cu Judah ram mi hna sinah ka zuarh hna lai i annih nih lamhlatpi i a ummi Sabean mi hna sinah an zuarh chin hna lai, tiah Bawipa nih a ti.”

AMOS 1:10

Cucaah Tair kulhnak vampang cungah khan mei ka thlah lai i Cu mei nih cun a ralhruang vialte cu a kangh dih hna lai.

ZEKHARIAH 9:5

Ashkelon nih hmu seh law ṭih seh; Gaza cu a thinphan tuk ah a ngerh in i ngerh seh; Ekron nih aa ruahchannak cu a mit lai. Gaza in siangpahrang hna kha an lo lai i Ashkelon cu mi an ṭhing lai.