ZEKHARIAH 9:12 - Lai (Hakha) Common Language Bible 2006

¹² Ruahchannak he a hngak komi thongtla hna, Ralhruang chungah cun ra kir ṭhan u. Nannih kha phun hnih in kan cham hna lai ni cu atu hi thanh a si cang.

ZEKHARIAH 9:12 ပူးပေါင်းရင်းမြစ်များ

JOB 42:10

Cucaah Bawipa nih Job cu a vanṭhatnak kha a pek ṭhan i a ngeihmi kha a let hnih in a pek ṭhan.

ISAIAH 24:22

Pathian nih siangpahrang hna kha thongtla hna bangin khor chungah i tet tein a erh hna lai. An dantatnak ni a phak hlantiang thong ah cun a khumh hna lai.

ISAIAH 38:18

Mithi khuami nih cun ahohmanh nih an in thangṭhat kho lo, mithi nih cun zumhawktlak na si kha an i bochan kho lo.

ISAIAH 40:2

“Jerusalem khuami cu lunglawmhnak pe hna u law, ‘Cu caan an in cu a za cang i atu cu an sualnak kha ka ngaihthiam cang hna,’ a ti tiah chim hna u. An sualnak ruangah a za in dan ka tat cang hna,” a ti.

ISAIAH 49:9

Thongtlami cu, ‘Chuak u,’ ka ti hna lai i muihnak chung i a ummi cu, ‘Ceunak ah hung chuak u,’ ka ti hna lai. Annih cu tlang cung i a tlongmi tuu bantuk an si lai;

ISAIAH 52:2

Jerusalem, luat lakin i thing tuah! Leidip lak khan tho law na bawiṭhutdan cungah khan ṭhu tuah. Sal i a tangmi Zion mi a ṭemtu hna hri cu chat tuah.

ISAIAH 61:7

Na ningzahnak le na thangchiatnak cu a dong cang. Nangmah ramte ah khan na um cang lai i na rumnak cu a let hnih in a ṭhang lai; na lawmhnak cu zungzal in a hmun lai.

JEREMIAH 14:8

Maw nang, Israel mi nih an i ruahchanmi, harnak caan i a khamhtu hna, Kan ram chungah hin khual bantukin maw na um ko lai? Zan khat riak khualtlawng bantuk maw na si ko lai?

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

JEREMIAH 17:13

Maw Bawipa, nangmah cu Israel mi nih an i hngatchanmi na si, Nangmah an hlawtu vialte cu ningzahnak an phan lai; Bawipa, nangmah cu nunnak cerhti na si i Nangmah an hlawmi vialte cu leidip lak i min ṭialmi bangin an lo lai.

JEREMIAH 31:17

Na hnu i a rung um dingah tefa na thlautak hna lai; Na fale hna cu anmahle an ram te ah khan an kir ṭhan lai.

JEREMIAH 31:6

Efraim tlang cung i ralveng hna nih, “Ra u law Zion ah hung kal u sih, Bawipa kan Pathian sinah cun hung kal u sih,” an ti caan kha a ra lio, tiah a ti.

JEREMIAH 50:28

Babilon in a luatmi saltang hna cu Zion ah an ra i Babilon mi hna nih Bawipa biakinn cung i an tuahmi thil ruangah Bawipa kan Pathian nih an cung i phuhlamnak a tuahmi kha an rung chim.

JEREMIAH 51:10

Bawipa nih, “Ka mi hna, au u law, ‘Kannih cu kan sual lo kha Bawipa nih nih fiang tein a langhter cang; Ra u law, Bawipa kan Pathian nih a tuahmi cu, Zion ah thanh u sih,’ ti u,” tiah a ti.

EZEKIEL 37:11

A ka thawh i, “Mipa, hi ruh hna hi Israel mi innchungkhar a ning piin an si. Annih nih an i thawh i, ‘Kan ruh cu an ro dih cang, kan nunnak hri cu a cat cang, mithi tluk ceo kan si ko cang,’ an ti.

HOSEA 2:15

Khika ah a mitsur dum cu ka pek ṭhan lai, Harnak Horkuang cu Ruahchannak Kutka ah ka ser lai i Izipt ram in a chuah i a no lio bantuk khan khika ah a ka leh lai.

JOEL 3:16

Bawipa cu Zion tlang cungin a rung huk i Jerusalem in khuarit in a rung ri. Van le vawlei cu an i hnin dih, Sihmanhsehlaw Bawipa cu a mi hna caah cun himnak a si i Israel mi caah cun ralhruang a si.

MIKAH 4:8

Cun nang, lung in sermi innsang, Zion fanu tlang, Nangmah sin i biakamnak sermi vialte kha ka tlinter lai; Hmasa lio na bawinak kha a ra kir ṭhan lai i Jerusalem fanu nih uknak na rak ngeihmi zong kha a ra kir ṭhan lai.

NAHUM 1:7

Harnak caan ah amah aa bochanmi caah cun Bawipa cu a fekmi himnak a si; Amah nih ka chanh seh, ti a duhmi paoh cu a zohkhenh hna.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

HEBRU 6:19

Hi ruahchannak hi kan nunnak caah a fekmi le a ṭhawngmi thir cangai bantuk a si. Vancung biakinn puanzar kha lonh in chungchin hmunthiang ah khan kan ruahchannak cu a lut.