ZEKHARIAH 8:4 - Lai (Hakha) Common Language Bible 2006

⁴ Mah hihi ralkapbu Bawipa bia cu a si: “Jerusalem khua chung lam hna ah cun nutar le patar hna kha an ṭhu ṭhan lai, an kum a upat caah ṭhiangṭhunh kha an i hngauhchan cio lai;

ZEKHARIAH 8:4 ပူးပေါင်းရင်းမြစ်များ

JOB 42:17

Cun Job cu tar ngaiin, chan tling cikcek in a nung i a thi.

JOB 5:26

Rawl phal tommi cu amah caan te ah phuhri a phanh bantukin. Chan tling cikcek tein thlan khor na phan lai.

EXODUS 21:19

hnu deuh ah ṭhiangṭhunh he i chawk kho hmanh seh law a cumtu nih khan asiloah a thongtu nih khan, a caan a sunghmi man kha a liam lai i a dam tiang a zohkhenh lai.

JEREMIAH 31:13

Cun ngaknu hna cu an lam lai i an i lawm lai, Tlangval le patar hna cu an tha a nuam lai; An mithi zunngaihnak cu lunglawmhnak ah ka thlen lai, Ka thin ka nemter lai i an ngaihchiatnak lonh in lunglawmhnak ka pek hna lai.

JEREMIAH 31:24

Judah ram le a khua hna chungah khan mi cu an um lai i lothlo zong an um lai i an tuurun he a ummi tuukhal hna zong an um lai.

ZEKHARIAH 2:4

a dang vancungmi pakhat amah ton awkah cun a hung chuak i, “Va tli law tlangvalpa khi va chim law, Jerusalem khua cu kulhnak a ngei lomi khua a si lai i a chung i a ummi minung le saṭil cu an tam tuk hringhran lai.

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

1 SAMUEL 2:31

Zohhmanh, na ban le na pa innchungkhar ban ka tan lai ni cu a ra lio, cucaah na chungle lakah tar tlung in a nungmi an um lai lo.

1 SAMUEL 2:32

Cun Israel mi cungah pek a si laimi rumnak cu lungrethei in le hngarnak mit in na zoh lai i na inn chungah zeitikhmanh ah tar tlung in a nungmi pakhat hmanh an um lai lo.