ZEKHARIAH 8:23 - Lai (Hakha) Common Language Bible 2006

²³ Mah hihi ralkapbu Bawipa bia cu a si: Khi caan ah cun holh phun kip a hmangmi miphun kip chungin mi pahra nih Judah mi pakhat kha a puan in an i tlaih lai i, “Pathian cu na sinah a um ti kha kan theih caah na sinah kan kal ko lai,” tiah an ti lai.

ZEKHARIAH 8:23 ပူးပေါင်းရင်းမြစ်များ

GENESIS 31:41

Cuticun na sin i kum kul ka um chung kha a si zungzal ko. Na fanu pahnih hna caah kum hleili kan rianh i na saṭil run hna caah kum ruk kan rianh. Cu na hmanh cun ka hmuh hnga ding ka ṭuan man kha voi hra te na ka thlen.

GENESIS 31:7

Asinain a ka hlen i ka hmuh awk hnga kha voi hra a ka hlen. Sihmanhsehlaw ka cung i ṭhat lonak tuah cu Pathian nih a onh lo.

2 SIANGPAHRANG 2:6

Khi tikah Elijah nih cun a thawh i, “Hika ah hin rak um tuah, tiah kan nawl; zeitintiah Bawipa nih Jordan tiang kal a ka fial,” tiah a ti. Sihmanhsehlaw anih nih, “Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah an pahnih in an va kal.

1 CHANRELNAK 12:18

Khi tikah sawm thum hna lak i haotu bik Amasai cungah khan Thlarau a tlung i amah nih cun hi bangin a ti: “Kannih cu nangmah ta kan si, maw David; Maw Jesse fapa, nangmah sin tel kan si; Daihnak, daihnak cu na sinah um ko seh, Daihnak cu nangmah an bawmtu hna cungah um ko seh! Zeitintiah na Pathian nih an bawmh.” Khi tikah David nih tlun inn a onh hna i a ralkap hna haotu bawi ah khan a ser hna.

2 CHANRELNAK 15:9

Cun Judah mi vialte le Benjamin mi vialte le Efraim, Manasseh le Simeon in a rami an sin i a pummi hna kha a pumh hna, zeitintiah Bawipa a Pathian kha a sinah a um ti an hngalh tikah Israel ram in mi tampi amah sinah khan an zam.

ESTHER 8:17

Cun peng kip le khua kip ah khan, siangpahrang nawlbia le biakhiahnak a phaknak paoh ah Judah mi hna caah cun lawmhnak le thanuamnak a um i rawldanghnak an tuah i i dinh ni kha an ser. Cun Judah mi ṭihnak kha an cungah a tlun caah cuka ram mi miphun hna chung cun mi tampi nih Judah mi ka si tiah an i ti.

JOB 19:3

Atu le atu ka ningzahnak nan tuah lengmang i Ka cungah ningzak loin ṭhat lonak kha nan tuah lengmang.

PHUNGCHIMTU 11:2

Na tangka rianṭuannak cu hmun tampi ah chia hna, Zeitintiah vawlei cungah hin zei ṭhat lonak dah a tlung lai, na hngal lo.

ISAIAH 3:6

Phun khat chung mi hna nih khan an unau pakhatkhat kha an thim lai i, “Nang cu puan aih awk tal na ngei, hi caan har chungah hin kan haotu si ko,” an ti lai.

ISAIAH 4:1

Cu caan a phak tikah nu pasarih nih pa pakhat kha an tlaih lai i, “A cawm cu kanmah tein kan i cawm ko lai i hnipuan zong kanmah tein kan i damh ko lai, sihmanhsehlaw mah lawng khuasak ningzah hi kan luat khawh nakhnga nangmah cu kan va, in ti ko u sih,” an ti lai.

ISAIAH 45:14

Bawipa nih Israel cu a thawh i, “Izipt le Ethiopia rumnak cu nangmah ta an si lai, Seba mi khansang hna cu na sal an si lai; thir cikcin he an in zulh lai. Na hmaiah an kun lai i, ‘Na sinah Pathian a um — amah lawnglawng hi Pathian cu a si.

ISAIAH 45:24

“Nangmah thawng lawnglawng in teinak le ṭhawnnak kha hmuh khawh a si,” an ti lai. Sihmanhsehlaw a ka huami cu ningzahnak an ing lai.

ISAIAH 55:5

Atu cu ramdang miphun kha nan auh hna lai; hlanah cun an rak in hngal hna lo, sihmanhsehlaw atu cu nanmah he fonh duh ah a tlik in an ra tli lai. Bawipa nan Pathian, Israel Pathian thiang nih hi vialte cu ka tlinter lai; upatnak le sunparnak kha kan pek lai,” a ti.

ISAIAH 60:14

Nangmah a rak in hremtu hna an fapale kha an ra ve lai i nangmah cu hmaizahnak pek awkah an kun lai. Hlan i zei ah a rak in rel lomi vialte hna kha na ke hram ah an kun lai. Nangmah cu, ‘Bawipa Khua, Israel Pathian Thiang Khua Zion,’ an in ti lai.

ISAIAH 60:3

Miphun tanpi nih na ceunak cu an fuh lai i na ni thar a chuakmi cu siangpahrang nih an fuh lai.

ISAIAH 66:18

An ruahnak le an tuahmi kha ka hngalh. “Miphun kip chung minung kha ka pumh hna lai. Hmunkhat i an i pumh tikah ka ṭhawnnak nih zeidah a tuah khawh ti kha an hmuh lai i

MIKAH 5:5

Amah cu daihnak mi a si lai. Assiria mi cu kan ram chung i an rung luh tikah le Kan ralhau hna kha an baoh khawh hna tikah, Anmah dohtu dingah kan hruaitu a ṭhawng bikbik kha kan thlah hna lai.

ZEFANIAH 3:19

Khi caan a phak tikah, zohhmanh, Nangmah an hremtu vialte hna kha keimah nih ka tongh hna lai. A beimi kha ka chanh hna lai i a ṭhekmi kha ka pumh hna lai; Ka mi hna cu hmasa i zawmhtaih an rak sinak ram paohpaoh ah khan thangṭhatnak le minthannak ka hmuhter ṭhan hna lai.

NAMBAR 14:22

ahohmanh, Izipt ram chung le ramcar chung i ka tuahmi ka sunparnak le ka hmelchunhnak a hmu i, sihmanhsehlaw hi voi hra tiang a ka hneksak i ka aw a ngai lomi cu,

LUKA 8:44

Zapi lak cun Jesuh hnulei khan a ra i a puan kite kha a hei tongh i chikkhatte ah a thi cu a pit.

LAMKALTU 19:12

A pavuah le a hngawngngerh hna hmanh kha mizaw sin i an hei kalpi hna tikah an zawtnak kha a dam i an chungin khuachia kha an chuak.

1 KORIN 14:25

A lungchung in a thli tein a ruahmi thil kha an hung lang lai i kun in Pathian kha a biak lai i, “Nan sinah hin Pathian a um taktak,” a ti lai.

JOSHUA 8:35

Moses nawl pekmi chungin, Israel mi aa pummi vialte le nu le ngakchia le an sin i a ummi mipem hna hmaiah, Joshua nih a rel lomi bia pakhat hmanh a um lo.