ZEKHARIAH 8:21 - Lai (Hakha) Common Language Bible 2006

²¹ Khuapi pakhat i a ummi hna kha a dang khuapi pakhat ah an kal lai i, “Kal u si law Bawipa kha va nawl u sih, ralkapbu Bawipa kha va fuh u sih; kei zong ka ra ve lai,” an i ti lai.

ZEKHARIAH 8:21 ပူးပေါင်းရင်းမြစ်များ

2 CHANRELNAK 11:16

Cun Bawipa, Israel Pathian kha kawl awkah a lung in aa seh chihmi hna nih cun, Bawipa, an pupa hna Pathian sin i raithawi awkah khan Israel phun vialte chungin annih cu an zulh hna.

SALM 103:22

A sermi thil vialte hna, a pennak chung hmun zakip ah Bawipa cu thangṭhat tuah u! Maw ka nunnak, Bawipa cu thangṭhat tuah!

ISAIAH 2:3

mi tampi nih an i thawh lai i, “Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai,” an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

JEREMIAH 31:6

Efraim tlang cung i ralveng hna nih, “Ra u law Zion ah hung kal u sih, Bawipa kan Pathian sinah cun hung kal u sih,” an ti caan kha a ra lio, tiah a ti.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

ZEKHARIAH 7:2

Bethel-Sharezer nih Regem-melek cu a mi hna he khan Bawipa nawl awkah a hun thlah hna.

ZEKHARIAH 8:22

Cuticun miphun nganngan hna mi ṭhawngṭhawng hna nih khan ralkapbu Bawipa cu Jerusalem ah an fuh lai i a zaangfahnak kha an hal lai.

JOHAN 1:37

Cu bia a chim cu a zultu pahnih nih khan an theih i Jesuh cu an zulh.