ZEKHARIAH 8:13 - Lai (Hakha) Common Language Bible 2006

¹³ Judah innchungkhar le Israel innchungkhar hna, nannih cu miphun vialte hna sinah chiatserhnak hmelchunhnak kha nan rak si; sihmanhsehlaw atu cu kan khamh hna lai i thluachuahnak hmelchunhnak nan si cang lai. Lung ṭhawng in um u, nan thin phang hlah u!

ZEKHARIAH 8:13 ပူးပေါင်းရင်းမြစ်များ

GENESIS 26:4

Van i arfi zat khin tefa kan pek lai i hi ram vialte hi annih cu ka pek hna lai. Na tefa thluachuah ka pek hna bantuk hin thluachuah kan pe ve tiah vawlei cung miphun vialte nih an ka hal lai.

SALM 72:17

A min cu zeitikhmanh ah philh si ti hlah seh; a minthannak cu ni a um chung paohpaoh dai loin um zungzal ko seh. Miphun zakip nih amah cu thangṭhat hna seh, mi vialte nih Pathian cu, siangpahrang thluachuah na pek bantukin kannih zong ka pe ve, tiin nawl hna seh.

SALM 79:4

Kan pawngkam i a ummi miphun hna nih capo ah an kan saih, an kan nihsawh i an kan zawmhtaih;

ISAIAH 43:28

Nan uktu pawl nih ka hmunthiang kha an thurhnawmh, cucaah cun Israel mi nan cungah rawhralnak ka tlunter i ka mi hna nan cungah zawmhtaihnak ka phakter,” a ti.

JEREMIAH 24:9

Vawlei cung ram kip ah annih cu tuksapur ah ka ser hna lai, annih cu ka dawi hnanak ram kip ah nihsawh awk le phungthluk bia le zawmhtaih awk le chiatserh awkah ka ser hna lai.

JEREMIAH 25:18

cu hna cu hihi an si: Jerusalem le Judah khuapi hna le a siangpahrang hna le a bawi hna, annih cu nihin tiang i an si bang hin, ningzak le tuksapur le nihsawh awk thil le serhsat awk thil ah ka canter hna;

JEREMIAH 26:6

hi inn hi Shiloh bantuk ah ka canter lai i hi khuapi hi vawlei cung miphun vialte caah nihsawh awk thil ah ka ser lai, a ti, na ti hna lai,” tiah a ti.

JEREMIAH 29:18

Annih cu vainam le mangṭam le rai in ka zulh hna lai i vawlei cung ram kip ah tuksapur ah ka ser hna lai, ka ṭhawl hnanak miphun kip sinah khan fihnung le ṭeifiak, zawmhtaih awk le nihsawh awkah ka ser hna lai.

JEREMIAH 33:24

“Israel le Judah, ka thimmi innchungkhar pahnih hna hi Bawipa nih a hlawt cang hna, tiah mi nih an ka timi hi na ngia maw? Cucaah ka mi hna cu an nehsawh hna i miphun ah an rel ti hna lo.

JEREMIAH 42:18

Hi bangin Ralkapbu Bawipa, Israel Pathian nih a ti: Ka thinhunnak le ka thinlinhnak cu Jerusalem khuami hna cungah bungh a si bantuk khan Izipt ram i nan kal ahcun nan cungah bungh a si ve lai. Nannih cu vawlhpamhmi, tuksapur, holh chia tlenghnak le thangchiatmi nan si lai. Hi hmun hi zeitikhmanh ah nan hmu ti lai lo, tiah a ti hna.

JEREMIAH 44:12

Izipt ram chung i um hmun khuar awkah kal aa tim pengmi cu Izipt ram ah cun an donghnak an phan dih lai. A cheu cu nam in an thi lai, a cheu cu mangṭam in an thi lai. A sang he a niam he aa khatrep in vainam in siseh, mangṭam in siseh, an thi lai i annih cu vawlhpamhmi, tuksapur, holhchia tlenghnak le thangchiatmi an si lai.

JEREMIAH 44:22

a in khawh ti lo tiangin a lung chungah cun an kai luaimai. Nan tuahnak cu an ṭhalo tuk hringhran i nan tuahmi thil cu fih an nung tuk hringhran. Nan ram cu ṭiaotakmi hmun pakpalawng ah a cang i nihin i a si ko rih bantuk hin tuksapur le nihsawh awk, ahohmanh um lonak hmun a si ko rih.

ṬAHNAK HLA 4:15

‘Kal u, kal u, mithurhnawm hna!’ tiah mi nih an hauh hna. ‘Kal u, kan naih hlah u,’ tiin, Khulrang in an kal, miphun hna lakah khan an vai i Dinhnak hmun zeihmanh an hmu lo.

EZEKIEL 34:26

Ka tlang pawngah khan ka umter hna lai i a caan te ah ruah, thluachuahnak ruah kha ka pek hna lai.

EZEKIEL 37:11

A ka thawh i, “Mipa, hi ruh hna hi Israel mi innchungkhar a ning piin an si. Annih nih an i thawh i, ‘Kan ruh cu an ro dih cang, kan nunnak hri cu a cat cang, mithi tluk ceo kan si ko cang,’ an ti.

EZEKIEL 5:15

Nannih cu nihsawh awk le zawmhtaih awk thil ah nan cang lai i nan cung i biachahnak le biakhiahnak thinhung le thinlin in ka tuah tikah nan velchum i a ummi miphun hna caah i zohchunh awk thil ṭihnung nan si lai.

DANIEL 9:11

Israel mi vialte nih na phunglam kha kan buar i nangmah kha na bia kan in ngai lo, cucaah chiatser thaltanh in na sal Moses sinah na pekmi phungbia chung i a ummi chiatserhnak cu kan cungah ruah sur in a sur; zeicahtiah nangmah cungah cun kan rak sual cang.

MIKAH 5:7

Israel mi chungin a tangmi hna cu, Bawipa sinin a rung tlami dap le ramhring cung i a rung surmi ruahpi bantuk an si lai; Annih nih cun minung kha i bochan loin Pathian kha an i bochan lai.

ZEFANIAH 3:16

Khi ni ah cun mah hihi Jerusalem sin chim ding bia cu a si lai: Na thinphang hlah, Maw Zion, na kut tha kha dorhter hna hlah.

ZEFANIAH 3:20

Kan pumh hna caan a phak tikah cun inn ah kan tlunpi hna lai. Nan vanṭhatnak kha kan pek ṭhan hna tikah, Vawleicung mi vialte sinah minthannak le thangṭhatnak kha kan hmuhter ṭhan hna lai i cucu nan mit in nan hmuh lai. Hi bia a chimtu hi Bawipa a si.

HAGGAI 2:19

Rawlruk ah thlaici ca hmanh a um ti lo i mitsur ruang le theipi kung le taleti kung le oliv kung nih thei zeihmanh an tlai rih lo nain atu thawk in hmailei cu thluachuah kan pek cang hna lai, tiah Bawipa nih a ti.

HAGGAI 2:5

Zeicahtiah Izipt ram in nan chuah i nan sinah biakamnak ka tuah bantuk khan nan sinah ka um ko. Ka thlarau nih an umpi ko hna, ṭih hlah u!

ZEKHARIAH 14:11

Jerusalem khua chungah khan mi an um lai i a chungah mi um hlah u ti thlauhnak kha zeitikhmanh ah chiah a si ti lai lo; khika ah mi cu hnangam tein an um lai.

ZEKHARIAH 8:15

atu zongah hin Jerusalem cung le Judah innchungkhar cungah ṭhatnak tuah awkah khan ka ruah ṭhan; nan thinphang hlah u.

ZEKHARIAH 8:9

Mah hihi ralkapbu Bawipa bia a si: Biakinn cu sak a si ṭhan lai, tiin profet hna nih, ralkapbu Bawipa inn kha a hram dirh a si lio in atu tiang an chim lengmangmi biakamnak, atu chan ah a theimi nannih nih lung ṭhawng in um tuah u.

ZEKHARIAH 9:13

Zeicahtiah ka likuk cu a za ka sih cang, maw Judah, A thal kha ka hmanh cang, maw Efraim; Na fapa hna kha ka ṭhangh cang hna, maw Zion, Ralkap vainam ah kan ser cang hna.

1 KORIN 16:13

Lungfim tein um u, nan zumhnak ah khan fek tein dir u, ralṭha in um u law thazang ṭhawng in um u.

GALATI 3:14

Hi thil vialte nih aa tinhmi cu, Pathian nih Abraham sinah a kammi thluachuahnak kha Khrih Jesuh thawngin Jentail mi sinah pek si seh ti kha a si i cucaah kannih zong nih zumhnak thawngin Pathian kamhmi Thlarau cu kan hmuh ve nakhnga caah a si.

DEUTERONOMI 26:19

cun ka sermi miphun vialte hna cungah thangṭhatnak le minthannak le upatnak ah kan chiah hna lai i, ka chim cang bangin nannih cu Bawipa nan Pathian caah a thiangmi miphun nan si lai,’ a ti,” tiah a ti.

DEUTERONOMI 28:37

Cun Bawipa nih an hruai hna lainak mi hna lakah cun nannih cu tuksapur le phungthlukbia le nihchuak capo men ah nan cang lai.