ZEKHARIAH 8:12 - Lai (Hakha) Common Language Bible 2006

¹² Hnangam tein thlaici kha an thlak cang lai; mitsur ruang nih a thei kha a tlai lai i vawlei nih theipar a chuahter lai, van nih dap cu an surter lai; hi thil vialte hi hi miphun chungin a tangmi hna cu ka pek hna lai.

ZEKHARIAH 8:12 ပူးပေါင်းရင်းမြစ်များ

GENESIS 26:12

Cu ram ah cun Isak nih thlaici a tuh i cu kum ah cun a tuhmi thlaici a let za khat in a zun; cucu Bawipa nih thluachuah a pek caah a si.

GENESIS 27:28

Pathian nih van dap kha in pe seh law na lo kha ṭhatser hna seh. Rawl tampi le mitsur zu tam piin in pe seh.

1 SIANGPAHRANG 17:1

Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.

SALM 72:3

Ram nih hin rumnak i lawmhpi seh law dinnak kha a chungah leng seh.

SALM 85:12

Bawipa nih kumvui ṭha a kan pek lai i kan ram nih rawl tampi a chuahter lai.

PHUNGTHLÛKBIA 19:12

Siangpahrang thinhunnak cu chiandeih ngur bantuk a si, Sihmanhsehlaw a duhdawtnak cu ram cung i a tlami dap bantuk a si.

ISAIAH 30:23

Thlaici nan tuh tikah Bawipa nih ruah a surter lai i a khohter hna lai i kumvui ṭha an pek hna lai. Cun nan saṭil nih ram hno tampi an hmuh lai.

ISAIAH 61:7

Na ningzahnak le na thangchiatnak cu a dong cang. Nangmah ramte ah khan na um cang lai i na rumnak cu a let hnih in a ṭhang lai; na lawmhnak cu zungzal in a hmun lai.

JEREMIAH 31:12

Zion tlang par ah cun lawmhnak aw thawng he an ra lai, Bawipa nih ṭhatnak tampi a pek hna caah hmaipanh ngaiin an ra lai, Ṭhatnak a pekmi hna cu rawl le mitsur hang thar le chiti le tuurun chung i a no tete le cawrun chung i a no tete tampi kha an si. Ti toihmi dum bantuk an si lai i zeihmanh an chambau bal ti lai lo.

EZEKIEL 34:28

Ramdangmi hna nih an hrawk ti hna lai lo i sahrang zong nih a seh ti hna lai lo; ahohmanh nih hnahnawh ti loin lungdai tein an um lai.

EZEKIEL 36:12

Ka mi Israel mi hna cu nan lam kha ka lamhter ṭhan hna lai. Nan chungah khua an sa lai i nannih cu an covo nan si lai; an fale kha nan that ti hna lai lo, tiah a ti.

EZEKIEL 36:30

Thingkung kha thei tampi ka tlaiter hna lai i vawlei kha rawl tampi ka vuiter lai i mangṭam nih ningzahnak a chuahtermi kha miphun hna lakah nan ing ti lai lo.

EZEKIEL 36:9

Zohhmanh u, atu cu nanmah caah ka si cang, nanmah leiah khan kaa mer lai i nannih cu thlawh nan si lai i thlaici tuh nan si lai. Nan cungah minung tampi, Israel chungkhar hna kha an ningpi in ka phun hna lai.

HOSEA 13:3

Cucaah cu mi hna cu zinglei minmei bantukin an ṭian lai i, A lo zaumi dap bantukin an lo lai. Annih cu phuhri in thli nih a choihmi capawl bantuk an si lai i, Meikhu chuahnak in a chuakmi meikhu bantuk an si lai.

HOSEA 14:5

Israel caah cun dap bantuk ka si lai i lili pangpar bantukin a par lai. Phaizawng kung bantukin hram a thla lai i

JOEL 2:19

Annih nih an nawlnak kha a leh hna i, “Atu cu rawl le mitsur hang le chiti kha kan pek hna lai i khim tein nan um lai; Miphun dang nih nannih cu an in serhsat ti hna lai lo.

JOEL 2:22

Saram hna, nan thin phang hlah u, Zeicahtiah phong cu an hring ṭhan lai i thingkung nih thei an tlai ṭhan hna lai i theipi le mitsur ruang cu tam piin an tlai ṭhan lai.

LEVITIKAS 26:3

“Ka phunglam kha nan zulh hna i ka nawlbia kha nan ulh hna i nan tuah hna ahcun,

ZEFANIAH 3:13

Israel mi chungin a tangmi hna nih khan ahohmanh nih ṭhat lonak an tuah lai lo, lih zong an chim lai lo, hlennak bia kha an hmur in a chuak ti lai lo. Cun dai tein ramhring lakah khan an tlong lai i ahohmanh nih thinphang in an umter ti hna lai lo.

HAGGAI 1:10

Van nih dap tlakter duh lo le vawlei nih a theitlai a chuah duh lo cu nanmah ṭhat lonak ruangah pei a si cu.

HAGGAI 2:18

Nihin ni thawk hin hmailei cu ṭha tein ruat cang tuah u, thla kua thla, ni kul le ni li ni thawk hin. Bawipa biakinn hram nan bunh ni thawk hin ruat cang tuah u.

HAGGAI 2:19

Rawlruk ah thlaici ca hmanh a um ti lo i mitsur ruang le theipi kung le taleti kung le oliv kung nih thei zeihmanh an tlai rih lo nain atu thawk in hmailei cu thluachuah kan pek cang hna lai, tiah Bawipa nih a ti.

ZEKHARIAH 8:6

Mah hihi ralkapbu Bawipa bia cu a si: “Hi miphun chungin a tangmi hna caah, cucu cu ni ah cun a si kho lomi thil lo hmanh seh law, ka caah tah a si kho lomi thil a lo ve hnga maw?” ti hi ralkapbu Bawipa bia hrimhrim a si.

MALAKHI 3:11

Nan vawlei nih a chuahmi thil a hrawktu hna le nan mitsur ruang car koin a tuahtu hna buṭit khaubawk cu ka kham hna lai i nan lo i mitsur ruang hna cu an thei a sur in an i sur lai, tiah ralkapbu Bawipa nih a ti.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

1 KORIN 3:21

Cucaah cun ahohmanh nih minung tuah khawhmi thil kha kan i porhlawt awk a si lo. A ngaingai ti ahcun zeizong vialte hi nanmah ta tu an si dih:

DEUTERONOMI 32:2

Ruah bantukin keimah cawnpiaknak cu sur seh law, Ka bia cu dap bangin tla seh, Ram no cung i chum a sur siahmah bantuk le Chawl borh cung i ruahti a tlami bantuk siseh.

DEUTERONOMI 33:13

Cun Josef kongah, “A ram cu Bawipa nih thluachuah a pekmi si ko seh, Cunglei van in le tanglei tithuk hna in laksawng ṭha bik le

DEUTERONOMI 33:28

Cucaah rawl le mitsur hang a tamnak ram ah cun Israel cu him tein a um, Jakob cerhti cu amah tein a um, Asi, a van hna zongin dap an tla.

JEIM 3:18

Cun daihnak sertu pawl nih daihnak in an tuhmi thlaici nih a thei a tlaimi cu ṭhatnak a si.