ZEKHARIAH 7:7 - Lai (Hakha) Common Language Bible 2006

⁷ Jerusalem cu dai tein a um i a chungah mi tampi an rak um i cu bantukin a pawngkam khua hna zong an rak si i Negeb le Shefelah zong an rak si lio i Bawipa nih hlan lio profet hna sinin a thanhmi kha mah hihi a si lo maw?’ tiah na chimh hna lai,” tiah a ti.

ZEKHARIAH 7:7 ပူးပေါင်းရင်းမြစ်များ

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

JEREMIAH 13:19

Negeb ram khua cu kulh an si dih cang, Ahohmanh nih an chanh kho hna lo; Judah ram mi vialte cu sal ah hruai an si cang, An ning piin kalpi an si cang.

JEREMIAH 17:26

Cun Judah ram khua hna le Jerusalem khua kiangkap khua hna le Benjamin ram le Shefelah tlangram le Negeb in mi kha an ra lai i khangh thawinak le raithawinak le changvut thawinak le frankinsen zihmui kha an rak put hna lai i Bawipa inn ah lawmhnak thawinak kha an rak put fawn hna lai.

JEREMIAH 22:21

Nan tlam a tlin lioah kan chawnh hna, Sihmanhsehlaw ngaih nan duh lo. Mah hihi nan tlanval lio in nan umtuning a si tawnmi a si; Zeitikhmanh ah ka bia nan ngai bal lo.

JEREMIAH 32:44

Benjamin ram chungah siseh, tlang ram khua hna chungah siseh, Shefelah ram chungah siseh, Negeb khua hna chungah siseh, lo cu i cawk le i zuarh an si ṭhan lai i cawknak ca hna cu minthut le minkhenhnak in khenh le tehte theihhngalh in tuah an si ṭhan lai, zeicahtiah an vanṭhatnak cu ka pek ṭhan hna lai,” tiah Bawipa nih a ti.

JEREMIAH 33:13

Tlangram khua ah si hna seh, Shefelah khua ah si hna seh, Negeb khua ah si hna seh, Benjamin ram chungah siseh, Jerusalem khua pawngkam ah siseh, Judah ram khua hna chungah siseh, tuurun hna cu anmah a reltu hna kut tang khan an kal duahmah ṭhan lai, tiah Bawipa nih a ti.

JEREMIAH 44:4

Ka sal profet vialte hna kha hi ralrinnak bia he hin nannih sinah ka rak thlah lengmang hna i, ‘Ka huatmi thil fihnung hi tuah sawh hlah u,’ tiah ka ti lengmang.

JEREMIAH 7:23

Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.

JEREMIAH 7:5

Nan umtuning le nan thil tuahmi kha i remh u law, pakhat le pakhat ṭhalo piin i ti hlah u law,

ZEKHARIAH 7:12

An lungthin cu lung bantukin a hak: hlanlio profet hna thawngin a thlarau in ralkapbu Bawipa nih a cawnpiaknak hna kha i lak an duh lo; cucaah ralkapbu Bawipa thinhunnak ruangah cun fahnak kha an in.

ZEKHARIAH 7:6

Nannih nih nan ei i nan din tikah hin nanmah nuamhnak caah a si ko lo maw?

ZEKHARIAH 7:8

Bawipa bia cu Zekhariah sinah a phan.

DEUTERONOMI 34:3

Negeb ram, cun Nelrawn — ungkung khua Jeriko nelrawn timi cu — Zoar tiangin.