ZEKHARIAH 7:5 - Lai (Hakha) Common Language Bible 2006

⁵ “Ram chung i a ummi mi vialte hna le tlangbawi hna cu, ‘Hi Kum sawm sarih chung, thla nganak thla le thla sarihnak thla i rawl nan ulh i nan ṭah tawn tikah hin, nan rawl ulhnak hi keimah upatnak ca taktak ah maw a si?

ZEKHARIAH 7:5 ပူးပေါင်းရင်းမြစ်များ

2 SIANGPAHRANG 25:23

Cun ramlak i a ummi ralkapbu haotu pawl le an mi hna nih Babilon siangpahrang nih Gedaliah cu uktu ah a ser, ti an theih tikah, Mizpah ah Gedaliah sinah cun an mi hna he khan an ra, cu hna cu Nethaniah fapa Ishmael le Kareah fapa Hohanan le Netofah mi Tanhumeth fapa Seraiah le Maakah mi fapa Jaazaniah an si.

2 SIANGPAHRANG 25:25

Sihmanhsehlaw thla sarihnak thla ah khan Elishama fapa Nethaniah i fapa Ishmael, siangpahrang chungkhar chungmi a simi kha, mi pahra he an ra i an tuk hna i Gedaliah le Mizpah ah a sin i a ummi Judah mi le Khaldi mi hna kha an thah hna.

ISAIAH 43:23

Khangh thawinak caah nan hmanmi tuu cu keimah nan ka pe lo; raithawinak nan tuah tikah nan upatmi cu keimah ka si lo. Laksawng ka pe u tiah thilrit kan khinh hna lo zihmui ka pe u ti zongah kan ti fawn hna lo.

ISAIAH 58:3

Mi nih khan an i thawh i, “Bawipa nih a hmuh hrathrai ding ṭung lo ahcun zeicahdah rawl cu kan ulh lai? Zei i a rel ṭung lo ahcun zeicahdah harnak cu kan in lai?” an ti. Bawipa nih a thawh hna i, “Rawl nan ulh pah ah pei nanmah duhnak kha nan kemh chih i nan rianṭuantu kha nan hrem hna cu.

JEREMIAH 25:11

Kum sawm sarih chung hi ram hi ningzak le tuksapur in a um lai i hi miphun hna nih hin Babilon siangpahrang cu an rianh lai.

JEREMIAH 29:10

“Mah hihi Bawipa chimmi bia cu a si: Babilon cungah hin kum sawm sarih kha a tlin tikah nan bia cu kan lakpiak ṭhan hna lai i thil ṭha nan cungah ka tlunter lai ti in bia kan kammi hna kha ka tlinter lai i hi hmun ah hin kan kirpi ṭhan hna lai.

JEREMIAH 52:12

Babilon siangpahrang a bawi kum hleikuanak, thla nganak thla, cu thla ni hra ni ah khan, Babilon siangpahrang pum ralvengtu ralkap hna haotu Nebuzaradan cu Jerusalem ah a lut.

DANIEL 9:2

keimah Daniel cu cathiang kha ka rel i Bawipa nih profet Jeremiah sinah a chimmi bia ningin Jerusalem khua cu kum sawm sarih chung a rawk lai timi kong kha ka ruat.

HOSEA 7:14

Ka sin i thla an cammi hi lungtak in an si lo; An ihkhun cungah khan an kiao an ai men i a si ko, Rawl le mitsur hang thar caah khan nam in an i at, Sihmanhsehlaw keimah kha an ka doh.

ZEKHARIAH 1:12

Khi tikah Bawipa vancungmi nih cun aa thawh i, “Maw ralkapbu Bawipa, hi kum sawm sarih chung na thinhunnak na chuahhnawhmi Jerusalem khua le Judah ram khua hna hi, zei can dah zaangfah loin na um rih hna lai?” tiah a ti.

ZEKHARIAH 7:3

Bawipa inn chung i a ummi tlangbawi hna sinah khan le profet hna sinah khan, “Kum hi zat chung riangruang ka tuah tawn bangin, thla nganak thla ah hin ngaihchia le i sum in maw um awk ka si ko rih lai?” tiah an ti awk a si lai.

ZEKHARIAH 7:4

Cun ralkapbu Bawipa bia cu ka sinah a ra i,

ZEKHARIAH 7:6

Nannih nih nan ei i nan din tikah hin nanmah nuamhnak caah a si ko lo maw?

ZEKHARIAH 8:19

“Thla linak thla, thla nganak thla, thla sarihnak thla le thla hranak thla i rawl ulhnak hna cu Judah innchungkhar caah lawmhnak le nuamhnak puai ah an cang lai. Biatak le daihnak cu duh ko u,” a ti.

MATTHAI 23:5

Zei paohpaoh kha mi hmuh rem lawngin an tuah. An cal i an i khih chihmi Cathiang bia khumhnak bawmte khi zeitluk in dah an ngan i an puanki khi zeitluk in dah an fual, zoh hna hmanh u!

MATTHAI 6:16

“Mi depde pawl nih rawl an ulh tikah hmaichia fiamfuam in an i umter bantukin nannih cu rawl nan ulh tikah i umter ve hlah u. Rawl an ul ti kan hngal hna seh tiin rawl ṭam hnianghnuang in an i chawk. Hihi philh hlah u! Annih nih cun an laksawng kha tling tein an hmuh cang.

MATTHAI 6:2

“Cucaah mi kha thil an herhmi nan pek hna tikah, mi depde pawl nih pumhnak inn le zatlang lam ah an tuah bantukin nan tuahmi cu vaa uangthlar hlah u. Annih nih cun, mi nih kan thangṭhat hna seh, tiin an tuah. Hihi philh hlah u! An tuah man cu tling tein pei an hmuh cang cu!

MATTHAI 6:5

“Thla nan cam tikah mi depde pawl nih an cam bantukin va cam hlah u. Annih nih cun, mi nih kan hmu hna seh, tiin pumhnak inn chung i dir riangmang i cam le zatlang lam tonnak i cam kha an duh. Hihi philh hlah u! Annih cu an laksawng kha tling tein an hmu cang.

1 KORIN 10:31

A si ko, sihmanhsehlaw zei nan tuah hmanh ah, nan ei ah siseh, nan din ah siseh, nan tuahmi cu a dihlak in Pathian thangṭhatnak caah siter ko u.

2 KORIN 5:15

Mi vialte caah a thihnak chan cu minung nih hin an nun chungah anmah ca lawngah nung ti loin, anmah ruang i thihnak a ing i a tho ṭhanmipa ca i an nun nakhnga caah a si.

KOLOSE 3:23

Zei thil nan tuah paoh ah, minung caah si loin Bawipa caah ka ṭuan ti lungput ngei in, nan lungthin dihlak in ṭuan u.