ZEKHARIAH 7:2 - Lai (Hakha) Common Language Bible 2006

² Bethel-Sharezer nih Regem-melek cu a mi hna he khan Bawipa nawl awkah a hun thlah hna.

ZEKHARIAH 7:2 ပူးပေါင်းရင်းမြစ်များ

1 SIANGPAHRANG 13:6

Cun siangpahrang nih Pathian mi cu a thawh i, “Bawipa na Pathian cu ka nawlpiak law, thla ka campiak tuah, ka kut hi a dam ṭhan nakhnga,” tiah a ti. Cun Pathian mi nih Bawipa cu a nawl i siangpahrang cu a kut kha a dam ṭhan i hmasa i bantuk kha a si ṭhan.

EZRA 2:28

Bethel le Ai mi hna cu za hnih kul le pathum an si.

EXODUS 32:11

Sihmanhsehlaw Moses nih Bawipa a Pathian cu a nawl i, “Maw Bawipa, zeicahdah Izipt ram in na ṭhawnnak le na lianhngannak he na chuahpimi na mi hna cu na thinhunnak in na khangh hna lai?

ISAIAH 60:7

Kedar le Nebaioth ram tuu vialte kha raithawinak i hman awkah na sinah an ratpi hna lai i Bawipa lunglawmhternak caah biakṭheng cungah an pekchanh hna lai. Bawipa nih a Biakinn cu a sunparter chinchin lai.

JEREMIAH 26:19

Judah siangpahrang Hezekiah le Judah mi vialte nih amah cu an thah maw? Siangpahrang nih khan Bawipa cu a ṭih i zaangfahnak a hal lo maw? Cu tikah Bawipa nih cun a lung a thlen i an cungah ka tlunter lai tiin a hro hnanak rawhralnak kha a let ṭhan. Asinain, kannih cu kan cungah ṭhat lonak nganpi kan i tlunter hnik,” tiah an ti.

ZEKHARIAH 6:10

“Babilon in a ra kir ṭhanmi raltang hna Heldai, Tobiah, Jedaiah le Zefaniah fapa Josiah sin khan sui le ngun la hna.

ZEKHARIAH 8:21

Khuapi pakhat i a ummi hna kha a dang khuapi pakhat ah an kal lai i, “Kal u si law Bawipa kha va nawl u sih, ralkapbu Bawipa kha va fuh u sih; kei zong ka ra ve lai,” an i ti lai.

1 SAMUEL 13:12

keimah nih, “Bawipa duhdawtnak ka hal hlanah hin maw Filistin mi hna nih hin Gilgal ah hin run kan zuanhnawh hna lai,’ ka ti i cucaah khangh thawinak pekchanhnak hi ka rak i hnek ko,” tiah a ti.