ZEKHARIAH 7:11 - Lai (Hakha) Common Language Bible 2006

¹¹ Sihmanhsehlaw ngaih an duh lo, zeirello in keimah kha an ka hnuhoih, an hna kha an i phih i theih an duh lo.

ZEKHARIAH 7:11 ပူးပေါင်းရင်းမြစ်များ

2 CHANRELNAK 33:10

Bawipa nih Manasseh le a mi hna sinah khan bia a chim ko nain zeihmanh ah an rel lo.

NEHEMIAH 9:17

annih nih na nawl ngaih kha an duh lo i an lak i khuaruahharnak na tuahmi kha an i cinken duh lo; sihmanhsehlaw an hngawng kha an i rengh i Izipt ram chung i sal an sinak chung i luh ṭhan awkah khan hruaitu pakhat an i ser. Sihmanhsehlaw nang cu ngaihthiam awkah aa tim i vel a ngei i zaangfahnak a ngeimi, thin a fual i a fekmi dawtnak in a khatmi Pathian na si caah annih cu na hlaw hna lo.

NEHEMIAH 9:26

“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.

NEHEMIAH 9:29

Cun na phungbia leiah khan merter awkah ralrinnak na pek hna. Sihmanhsehlaw porhlawt ngaiin thil an tuah i na nawlbia kha an ngai lo; na phunglam zulhnak thawngin nunnak a simi na phunglam tu kha an buar hna i an liang kha an i ṭhawnter i an hngawng kha an i rengh i na nawl ngaih kha an duh lo.

EXODUS 10:3

Cucaah Moses le Aaron kha Faro sinah cun an va kal i, “Hebru mi Pathian Bawipa nih, ‘Zei can dah ka nawl zul duh loin na um lai? Ka mi hna cu an ka biak khawh nakhnga kalter hna.

ISAIAH 28:12

Dinhnak le hnangamnak kan pek hna lai, tiah nan dihlak in an ti hna, sihmanhsehlaw nannih nih cun nan ngai duh lo.

ISAIAH 46:12

Nannih mi lung hak hna, ka bia ngai tuah u, nannih nih cun teinak cu a hla ngaingai rih tiah nan ruah.

ISAIAH 6:10

Cun a ka thawh ṭhan i, “Hi mi hna nih an hmuh khawh nakhnga lo le an theih khawh nakhnga lo le an hngalh khawh nakhnga lo, an lung pihter hna, an hna chehter hna law an mit cawtter hna. An hmuh khawh le an theih khawh le an hngalh khawh ahcun keimah lei ah an i mer sual lai i damnak an hmu sual lai,” a ti.

ISAIAH 65:12

Kan kawh hna tikah nan ka let lo i ka chim tikah nan ngaih lo caah sar thih in nan thi lai. Ka nawl zulh duh lo le ṭhat lonak tuahtu kha nan i thim.

JEREMIAH 11:10

An pupa hna sualnak ah khan an kir ṭhan i ka bia kha ngaih an duh lo; pathian dang hna kha an zulh hna i an biak hna; Israel le Judah nih an pupa hna he ka rak tuahmi biakamnak kha an hrawh.

JEREMIAH 13:10

Hi miṭhalo hna nih hin ka bia ngaih kha an duh lo; pathian dang kha an zulh hna i an rian an ṭuan hna i an kunhnawh hna. Cucaah annih cu, zeihmanh ah a ṭha ti lomi biar bantuk hi an si lai.

JEREMIAH 17:23

Asinain annih nih an ngai lo i zei zongah an rel lo, cawnpiaknak cu theih le ngaih an duh hrimhrim lo.

JEREMIAH 17:27

Sihmanhsehlaw sabbath ni kha thiang tein ulh awk le sabbath ni ah thil phorh lo le Jerusalem kutka ah luhpi lo awk i ka bia kha nan ngaih lo ahcun, hi kutka hna cu mei in ka khangh hna lai; Jerusalem khua i siangpahrang inn hna kha a kangh hna lai i a mit lai lo,” tiah a ti.

JEREMIAH 19:15

“Ralkapbu Bawipa, Israel Pathian nih hi bangin a ti: Hi khuapi cungah le a pawngkam khua vialte ah hin ka tlunter lai tiah ka rak timi dantatnak kha, nannih nih nan lung a ṭhawn i ka bia kha ngaih nan duh lo caah, ka tlunter taktak lai, a ti,” tiah a ti.

JEREMIAH 35:15

Ka sal profet hna cu nan sinah ka rak thlah lengmang ko hna i nan ziaza ṭhalo kha ngol awk le a dingmi thil kha tuah awkah an in chimh lengmang ko hna. Nan pupa hna sinah ka pekmi ram ah hin nan um thluangthluan khawh nakhnga annih nih pathian dang kha biak lo ding le an rian ṭuan lo awkah ralrinnak an in pek lengmang ko hna. Sihmanhsehlaw ka bia kha nan ngai duh lo i zeizong ah nan ka rel fawn lo.

JEREMIAH 36:31

Nangmah le na tefa hna cu na bawile vialte hna he, sualnak nan tuahmi ruangah dan kan tat hna lai. Nangmah nih siseh, Jerusalem mi le Judah mi nih si hna seh, ralrinnak kan pekmi hna cu zeihmanh ah nan rel lo, cucaah nan cungah ka tlunter lai ka timi rawhralnak vialte nan dihlak cungah ka tlunter lai,” tiah a ti.

JEREMIAH 42:21

Atu cu kan chimh cang hna, sihmanhsehlaw Bawipa kan Pathian nih nanmah chimh a ka fialmi vialte kha a dihlak in nan al dih.

JEREMIAH 44:16

Kannih kan i hren chihnak biakamnak kha tlinter awkah kan i tim.

JEREMIAH 5:21

Maw mihrut le ruahnak a ngei lomi hna, mah hihi thei tuah u, mit a ngei nain khua a hmu lomi hna, hna a ngei nain khua a thei lomi hna.

JEREMIAH 5:3

Maw Bawipa, na mit nih biatak kha a kawl a si lo maw? Nangmah nih annih kha na tuk hna, sihmanhsehlaw an zei a poi lo, An lung kha na chunh hna, sihmanhsehlaw an i remh hlei lo. Annih nih an hmai cu ṭeklung nak hak deuh ah an ser i Ngaihchih kha an duh lo.

JEREMIAH 7:24

Sihmanhsehlaw ngaih an duh lo i zeizong ah an rel duh lo, anmah ruahnak le anmah lungkhonnak tu kha an zul deuh i hmailei ah kal loin hnulei tu ah an kir.

JEREMIAH 7:26

asinain ka bia cu an ngai hlei lo i an hna zong an chi hlei lo, an hngawng tu kha an ṭhawnter. An pupa hna nakin an ṭha lo deuh.

JEREMIAH 8:5

A si kun ahcun, ziahdah ka mi hna hi anmah duh bantuk lawngin an um ko kun hnga? Ziahdah hlennak kha fek ṭhup in an i tlaih peng ko i Ka nawlngaihnak lei ah khan kir an duh hnga lo?

EZEKIEL 14:5

Israel mi hna cu an dihlak in an siasal hna nih ka sinin ṭhen ko hna in mising siter ko hna hmanh seh law, ka lehnak hna bia nih an lungthin kha a tlaih hna lai.

EZEKIEL 3:7

Sihmanhsehlaw Israel mi nih cun na bia ngaih kha an duh lai lo, zeicahtiah keimah ka bia ngaih kha an duh lo i annih cu ningzah hngal lomi le lung a hak i a ṭhawng hringhranmi an si.

EZEKIEL 5:6

sihmanhsehlaw cu miphun dang hna le ramdang hna nak i ṭhalo deuh in ka phung le ka nawlbia kha a doh hna; a mi hna nih cun ka phung kha an hlawt hna i ka nawl bantuk khan um an duh lo.”

DANIEL 9:5

kannih cu kan sual cang, palhnak le thil ṭhalo kha kan tuah cang; kannih nih nangmah cu kan in doh i na nawlbia le na phunglam hna kha hnulei kan chit hna.

HOSEA 4:16

Israel mi cu cawla bantukin a lung a ṭhawngmi an si. Cucaah zeitindah tuufa bantukin ramhnonak ah cun rawl ka pek khawh hna lai?

ZEFANIAH 3:2

Ralrinnak peknak aw kha zeihmanh a ngaihmi a um lo, Chimhhrinnak kha zeihmanh a lung ah aa kenmi a um lo; Bawipa kha aa bochan lo i a Pathian kha a fuh lo.

ZEKHARIAH 1:4

Nan pupa hna bantuk kha si hlah u. Hlanlio profet hna nih, ‘Mah hihi Bawipa bia a si: Nan ziaza ṭhalo le nan tuahmi thilṭhalo khan i mer u,’ an rak ti hna. Sihmanhsehlaw ka bia an ngai lo i zei ah an ka rel fawn lo, tiah Bawipa nih a ti. Atu ah tah nan pupa hna cu khuazei ah dah an um kun?

MATTHAI 13:15

Zeicahtiah cun, hi mi hna hi an lung a khong cang, an hna a pit i an mit kha an i chinh. Cuticun rak si hna hlah seh law cu an mit nih khua a hmuh hnga i an hna nih khua a theih hnga i an lung nih khua a hngalh ko hnga, Cun keimah leiah an i mer hnga i ka damter ko hna hnga, tiah Pathian nih a ti.’

LAMKALTU 7:51

“Zeitluk lung hakmi dah nan si rih? Zeitluk in dah lungchung in cuarpar aa tan lomi le Pathian bia theihnak leiah a hna aa chehmi nan si rih! Nannih cu nan pupa hna hlikhlekte kha nan si ko, nannih zong nih Thiang Thlarau kha nan donh zungzal ko!

LAMKALTU 7:57

Cu bia an theih tikah fak piin an au i an kut in an hna kha an i phih i an hei zuanhnawh i

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.