ZEKHARIAH 6:5 - Lai (Hakha) Common Language Bible 2006

⁵ Mah hna hi vawlei cung dihlak Bawipa a tuammuaitu vancung thlitu pali cu an si i atu cu chuah an i zal cang.

ZEKHARIAH 6:5 ပူးပေါင်းရင်းမြစ်များ

1 SIANGPAHRANG 19:11

Cun anih nih a thawh i, “Chuak tuah, Pathian hmaiah tlang cungah va dir tuah,” tiah a ti. Cun Bawipa cu a lan i a thlichia a hrang ciammam i tlang cu a cheu i Bawipa hmaiah cun lung hna cu a khuai cikcek hna, sihmanhsehlaw Bawipa cu thli chungah cun a um lo; cun thli a hran dih cun li a hnin, sihmanhsehlaw Bawipa cu lihnin chung zongah cun a um lo;

1 SIANGPAHRANG 22:19

Cun Mikaiah nih cun, “Cucaah Bawipa bia cu thei tuah: Bawipa cu a bawi ṭhutdan cungah a ṭhut i vancung ralkapbu vialte a orhlei le a kehlei ah a pawng i an dir kha ka hmuh;

JOB 1:6

Cun Pathian fapa hna cu Bawipa hmai i an chuah ni a hung phan i Satan zong an sinah cun a ra ve.

SALM 148:8

Nimtlau le rial, hawhra le khuadawm, a nawl a ngaimi thlichia, nannih nih Bawipa cu thangṭhat ko u!

SALM 68:17

A ṭhawngmi a rangleng thong tampi he Bawipa cu Sinai Tlang in a ra i a hmunthiang ah cun a lut.

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

JEREMIAH 49:36

Van ṭhen li i ṭhenmi khan Elam cungah thli pali ka tlunter lai; Hi thli pali hna sinah hin ka ṭhek hna lai i Elam ram in saltang an phanh lonak miphun zeihmanh an um lai lo.

EZEKIEL 11:22

Cun cherubim nih cun an thla an samh i an sirah cun leng kekual kha an um i an cungah khan Israel Pathian sunparnak kha a um.

EZEKIEL 37:9

Cun a ka thawh i, “Thli khi bia chim tuah, mipa, thli cu chim tuah law, hihi Bawipa Pathian bia an si, tiah ti: Maw thli, ra tuah, a kaa kip in ra law hi mithi mi hna chungah hin lut tuah law nung hna seh,” a ti.

DANIEL 11:4

Sihmanhsehlaw a si lingte ah khin a pennak cu a kuai lai i chaklei, thlanglei, nichuah, nitlak tiin aa cheu lai. A pennak cu a tefa hna sinah khan a lan lai lo, midang tu nih an co lai i sihmanhsehlaw amah tlukin an ṭhawng lai lo.

DANIEL 7:10

A rianṭuantu dingah mi a thongthong in an um i a hmaiah cun a nuainuai in an dir. Biaceihnak cu hun timh a si i cauk cu an hun kau hna.

DANIEL 7:2

“Zan i langhnak ka hmuhmi ah keimah Daniel cu khua ka cuan i rili nganpi pakhat, van thli pali hna nih a tilet an thawhtermi kha ka hmuh,

ZEKHARIAH 4:10

Rian kha a kal khawh lo caah an hnabei a rak dong; sihmanhsehlaw Zerubbabel nih Biakinn cu a sak peng ko ti kha an hmuh lai i an lung aa lawm lai.

ZEKHARIAH 4:14

Cun a ka thawh i, “Vawlei dihlak Bawipa a simi Pathian nih a thimmi hna pahnih an si,” tiah a ti.

ZEKHARIAH 6:1

Cunglei ka hun zoh ṭhan i tlang pahnih karlak in rangleng pali an chuah kha ka hmuh i tlang cu dar sen in sermi tlang an si.

MATTHAI 18:10

“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko.

MATTHAI 24:31

Muko nganpi cu an tum lai i a vancungmi kha vawlei kil li ah a thlah hna lai i vanrang toi khuazakip in a mithim hna kha a pumh hna lai.

LUKA 1:19

Vancungmi nih cun a leh i, “Kei cu Gabriel, hi thawngṭha nangmah chimh awkah a ka thlahtu Pathian hmai i a dirmi cu ka si.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

HEBRU 1:7

Cun Pathian nih vancungmi pawl kong ah cun, “Pathian nih a vancungmi hna cu thlitu ah a ser hna i a rianṭuantu hna cu meizik ah a ser hna,” tiah a chim.

JOSHUA 3:11

Zohhmanh u, vawleicung dihlak Bawipa i biakamnak kuang nih nannih hmaiah Jordan tiva a tan lai.

BIAPHUAN 7:1

Cu hnuah cun vancungmi pali vawlei kil li cung i an dir kha ka hmuh i vawlei cung thlitu pali hna kha, vawlei cungah siseh, rili cungah siseh, thingkung cungah siseh, an hrannak hnga lo an thlauh hna.