ZEKHARIAH 6:15 - Lai (Hakha) Common Language Bible 2006

¹⁵ Ram hlapi i a ummi hna kha an ra lai i Bawipa biakinn saknak ah cun rian an ra ṭuan lai, cucaah ralkapbu Bawipa nih keimah cu nan sinah a ka thlah ti kha nan hngalh lai. Bawipa nan Pathian cu a nawl nan ngaih ahcun hi thil cu a tlung ko lai!

ZEKHARIAH 6:15 ပူးပေါင်းရင်းမြစ်များ

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

ISAIAH 49:12

Ka mi cu lamhla pipi in an ra lai i chaklei le nitlaklei in an ra lai, thlanglei i a ummi Sai-en khua in an ra lai,” a ti.

ISAIAH 57:19

An dihlak in, lamnai i a ummi he lamhla i a ummi he, daihnak kan pek hna lai, ka ti hna. Ka mi cu ka damter hna lai.

ISAIAH 60:10

Bawipa nih Jerusalem cu a thawh i, “Ramdangmi nih na vampang kha an remh lai i an siangpahrang nih na rian an ṭuan lai. Ka thinhun in dan kan tat, sihmanhsehlaw atu cu kan dawtnak le kan zaangfahnak kha na cungah ka langhter lai.

JEREMIAH 7:23

Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.

ZEKHARIAH 2:13

Miphun vialte hna, Bawipa hmaiah dai tein um tuah u! Zeicahtiah amah cu a umnak hmun thiang khan aa thawh cang.

ZEKHARIAH 3:7

“Mah hihi ralkapbu Bawipa bia a si. Ka lam kha na zulh hna i ka rian kha na ṭuan hna ahcun, ka inn chungah khuakhang laireltu na si lai i ka biaceihnak inn hna cu na uk hna lai, cun hika i rian a ṭuantu hna lakah hin luhnak nawl le chuahnak nawl na ngei lai.

ZEKHARIAH 6:12

Cun amah cu na thawh lai i, ‘Mah hihi ralkapbu Bawipa bia a si: Hi pa hi Thing Nge timi cu a si lai; a umnak vawlei khan a hung ṭhang lai i Bawipa biakinn kha a sak lai.

LAMKALTU 2:39

Zeicahtiah Pathian nih bia a kamhmi hna cu nanmah hi le nan fale hna hi le lam hlat pipi i a ummi hna zong nan si — Bawipa kan Pathian nih an kawhmi hna paoh caah hin a si,” tiah a ti.

ROM 16:26

Atu cu kha biatak kha profet hna ṭial bang khan phuan a si cang i zungzal hmunmi Pathian nawl bangin, mi vialte nih an zumh i a nawl cu an ngaih nakhnga, miphun dihlak sinah chim a si cang.

DEUTERONOMI 30:10

hi nawlbia cauk chungah aa ṭialmi a phungbia le a nawlbia hna kha ulh awkah nannih nih Bawipa nan Pathian aw kha nan ngaih i Bawipa nan Pathian lei ah nan lung dihlak le nan ruahnak dihlak in nan i mer paohpaoh ahcun, an rumter hna lai.