ZEKHARIAH 6:14 - Lai (Hakha) Common Language Bible 2006

¹⁴ Bawiluchin cu Heldai, Tobiah, Jedaiah le Zefaniah fapa Josiah nih an zohkhenh lai i biakinn chungah khan hngalh camcinnak thil ah an um lai.

ZEKHARIAH 6:14 ပူးပေါင်းရင်းမြစ်များ

2 SIANGPAHRANG 25:18

Cun ralvengtu haotu nih khan tlangbawi upa bik Seraiah le a hun changtu Zefaniah le innleng cawngtu pathum hna kha a lak hna;

EXODUS 12:14

Hi ni hi nan caah philh khawh lomi ni a si lai; Bawipa biaknak puai ah nan hman lai. A hmunmi puai ah nan ser lai i chan khat hnu chan khat in nan hman zungzal lai.

EXODUS 28:12

Israel fapale hna kha philh lonak dingah, cu lungvar pahnih cu angki liang i bahnak a hnam ah khan na ṭhit chih hna lai. Cuticun Aaron nih khan an min cu a liang cungah aa chonh zungzal hna lai i Pathian nih a hngalh zungzal hna lai.

EXODUS 28:29

Aaron kha hmunthiang chung i a luh tikah a ṭang cung i a ummi biakhiahnak ṭangbenh cungah khan Israel fapa hna min kha an um lai i cuticun Bawipa nih annih cu a hngalh zungzal hna lai.

ZEKHARIAH 6:10

“Babilon in a ra kir ṭhanmi raltang hna Heldai, Tobiah, Jedaiah le Zefaniah fapa Josiah sin khan sui le ngun la hna.

ZEKHARIAH 6:11

La hna law bawiluchin pakhat in ser law Jehozadak fapa Tlangbawi Ngan Joshua lu ah khan chin tuah.

NAMBAR 16:40

Cun tlangbawi a si lo i Aaron tefa a si lomi ahohmanh nih Bawipa hmai i zihmui khangh awkah an ra naih nakhnga lo, Israel mi hna caah mah cucu hngalhtertu a si lai, Korah le a hawile hna bang khan an si sual ve nakhnga lo — Bawipa nih Moses in Eleazar sinah a chim bangin.

NAMBAR 31:54

Cun Moses le tlangbawi Eleazar nih a thong pawl le a za pawl haotu hna sinin sui kha an lak i Bawipa hmai i Israel mi hngalh camcinnak caah tonnak thlam chungah an luhpi.

MATTHAI 26:13

Hihi philh hlah u: hi thawngṭha hi vawlei cung khuazakip i an chimnak hmun paoh ah, a tuahmi thil hi amah philh lonak ah chim a si zungzal ve lai,” tiah a ti hna.

MARKA 14:9

Hihi philh hlah u: Vawlei cung khuazakip i thawngṭha an chimnak paoh ah hi nu nih a tuahmi hi amah philh lonak caah an chim camcin lai,” tiah a ti.

LAMKALTU 10:4

Vancungmi kha thinphang ngaiin dengteo in a zoh i, “Zeidah, bawipa?” tiah a ti. Vancungmi nih cun a hun leh i, “Pathian nih na thlacamnak le misifak na bawmh hnanak kha an cohlanpiak i nangmah cu an philh lo.

JOSHUA 4:7

Khi tikah nannih nih Bawipa biakamnak kuang hmaiah Jordan tiva ti cu a cat; Jordan kha a tan tikah Jordan ti cu a cat, tiah nan chimh hna lai. Cucaah hi lung hna cu Israel mi caah zungzal hngalh camcinnak an si lai,” tiah a ti.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.