ZEKHARIAH 6:1 - Lai (Hakha) Common Language Bible 2006

¹ Cunglei ka hun zoh ṭhan i tlang pahnih karlak in rangleng pali an chuah kha ka hmuh i tlang cu dar sen in sermi tlang an si.

ZEKHARIAH 6:1 ပူးပေါင်းရင်းမြစ်များ

2 SIANGPAHRANG 6:17

Cun Elisha nih thla a cam i, “Maw Bawipa, a hmuh khawh nakhnga, a mit hi hun auter ko,” tiah a ti. Cucaah Bawipa nih tlangvalpa mit cu a auter i a hmuh; cun zohhmanh, Elisha velchum ah cun, tlang cu rang le mei rangleng in a khat.

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

SALM 33:11

Sihmanhsehlaw amah khuakhanmi cu zungzal in a hmun i amah timhmi cu zungzal in a fek.

SALM 36:6

Na dinnak cu tlang nganpi bantukin a fek i na biakhiahnak cu rilipi bantukin a thuk. Bawipa, nangmah nih minung le saram cu na zohkhenh hna.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

ISAIAH 43:13

Keimah hi Pathian cu ka si i ka si zungzal ko lai. Ahohmanh ka ṭhawnnak chungin a luat khomi an um lai lo; ka tuahmi kha ahohmanh nih an thleng kho lai lo,” a ti.

ISAIAH 66:15

Bawipa cu mei he a ra lai. A thin a huntertu hna dantat awkah ṭotho a run i cit lai i a ra lai.

JEREMIAH 4:13

Zohhmanh, khuadawm bantukin ral cu hmaiah an fong, An rangleng hna cu phuchim bantuk an si; An rangtum hna cu muvanlai nakin an khul a rang deuh — Aize! Kannih cu kan lo cang ai!

DANIEL 4:15

Sihmanhsehlaw a hmui kha cu vawlei ah khan kaltak ko u, thir cikcin le dar cikcin in khimh u. Lo lakah khan kaltak ko u law rambur lakah khan um ko seh. Vandap nih cin cikcek in tlak seh law ram hno lak i a tlongmi saram hna bantuk kha si ve seh;

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

DANIEL 8:22

Ki hmasa bik a kiah i ki dang pali nih a hun rolhtu ki dang pali hna an sullam cu hihi a si: cu pennak chung cun pennak pali an chuak lai, sihmanhsehlaw an ṭhawnnak nih pennak hmasa ṭhawnnak kha a tluk lai lo, tinak a si.

ZEKHARIAH 5:1

Cunglei kha ka hun zoh ṭhan i a zuangmi cazual kha ka hmuh.

ZEKHARIAH 6:5

Mah hna hi vawlei cung dihlak Bawipa a tuammuaitu vancung thlitu pali cu an si i atu cu chuah an i zal cang.

LAMKALTU 4:28

Nangmah nih a hung um te lai ding na rak ruah ciami le na rak khah ciami vialte kha tlinter awkah an i pum.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

EFESA 3:11

Pathian nih a tuahmi hi, zungzal a rak i tinhmi ning khan a si i cucu kan Bawipa Jesuh Khrih thawngin a tlinter.

1 SAMUEL 2:8

Bawi hna sinah ṭhutter awk le Upatnak ṭhutdan coter awk caah, Sifakmi kha leidip lak in a thawh hna i Retheimi kha vutcam pumhmi lak in a cawi hna. Zeitintiah vawlei tung hna cu Bawipa ta an si i An cungah vawlei cu a chuan.