ZEKHARIAH 5:3 - Lai (Hakha) Common Language Bible 2006

³ “Mah hihi ram pumpi a cultu chiatserhnak a si; khattelei kam i ṭialmi hin mifir vialte kha hloh dih an si lai i khattelei kam i aa ṭialmi hin lih in chiat a sermi vialte kha hloh dih an si lai.

ZEKHARIAH 5:3 ပူးပေါင်းရင်းမြစ်များ

EXODUS 20:15

“Nan fir lai lo.

PHUNGTHLÛKBIA 29:24

Mifir hawikom a simi cu amah le amah kha a ral cu a si ko, a hmaanmi kha a chim ahcun dantatnak a hmuh lai, a chim lo ahcun Pathian nih chiat a serh lai.

PHUNGTHLÛKBIA 3:33

Bawipa chiatserhnak cu miṭhalo mi hna inn cungah a tlung i sihmanhsehlaw miding mi hna umnak cu thluachuahnak a pek.

PHUNGTHLÛKBIA 30:9

Zeicahtiah tam tuk ka ngeih ahcun kan hlawt sual lai i, “Bawipa cu aho hen dah a si?” ka ti sual lai; ka si a fah ahcun ka fir sual lai i ka Pathian min cu ka thurhhnawmh sual lai.

ISAIAH 24:6

Cucaah Pathian nih vawlei cu hrawh awkah khan vawlei cu chiat a serh, vawleicung mi nih an sual man kha an in. A tangmi cu an tlawm chin lengmang.

ISAIAH 43:28

Nan uktu pawl nih ka hmunthiang kha an thurhnawmh, cucaah cun Israel mi nan cungah rawhralnak ka tlunter i ka mi hna nan cungah zawmhtaihnak ka phakter,” a ti.

ISAIAH 48:1

Israel mi hna, hihi ngai tuah u, Judah tefa hna, ngai tuah u. Bawipa min in chiat nan ser i Israel Pathian cu kan biak nan ti — sihmanhsehlaw nan chimmi cu pakhat hmanh a sullam nan ruahmi a si lo.

JEREMIAH 23:10

Zeicahtiah ram cu va cung pa duhmi in a khat i Anmah ruangah cun vawlei cu a ro dih i Ramlak ram hno vialte cu an car dih. An zulhmi lam cu ṭhat lonak a si i an ṭhawnnak hna cu a ning loin an hman.

JEREMIAH 26:6

hi inn hi Shiloh bantuk ah ka canter lai i hi khuapi hi vawlei cung miphun vialte caah nihsawh awk thil ah ka ser lai, a ti, na ti hna lai,” tiah a ti.

JEREMIAH 5:2

Annih nih, “Bawipa a nun bangin,” an ti ko nain, Lih in chiat an ser.

JEREMIAH 7:9

Nannih nih nan fir, lai nan nawng, va cung in pa nan i duh i lih in tehte nan cang, Baal sinah raithawinak nan khangh, nan hngalh lomi pathian kha nan dawi hna.

EZEKIEL 2:9

Cun kut pakhat cu keimah leiah a hun i samh kha ka hmuh i cu kut nih cun cazual pakhat aa put. Ka hmaiah cun cazual cu a samh i a kap hnih in aa ṭial dih, mithi ngaihnak hla le ṭahnak hla le ngaihchiatnak bia in aa ṭial dih.

DANIEL 9:11

Israel mi vialte nih na phunglam kha kan buar i nangmah kha na bia kan in ngai lo, cucaah chiatser thaltanh in na sal Moses sinah na pekmi phungbia chung i a ummi chiatserhnak cu kan cungah ruah sur in a sur; zeicahtiah nangmah cungah cun kan rak sual cang.

HOSEA 4:2

Chiatser in biakamnak kha an tuah, sihmanhsehlaw an zul lo, an i that, an i ramh; va cung pa duhnak le zaang-ennak le i thahnak le i nawnnak lawng kha a si ko.

LEVITIKAS 19:11

“Nan fir lai lo; hlennak in thil nan ti fawn lai lo, pakhat le pakhat lih nan i chim fawn lai lo.

LEVITIKAS 19:12

Ka min chalh in lih in chiat nan ser lai lo, mah cucu nan Pathian min thurhnawmhter a si; keimah cu Bawipa ka si.

AMOS 3:10

An ralhruang chungah zaang-ennak le firnak in thil tampi a khong luaimaimi hna nih hin, dinnak kha zei a si tiah an hngal lo, tiah Bawipa hrimhrim nih a ti.

ZEKHARIAH 5:4

Ralkapbu Bawipa nih, ‘Ka thlah cang i mifir hna inn kip ah le ka min in lih in chiat a sermi vialte hna inn kip ah a lut lai, khi inn chungah a um lai i a thing he a lung he a hrawh dih hna lai,’ a ti,” tiah a ti.

ZEKHARIAH 8:17

Pakhat le pakhat cungah ṭhat lonak i tuah kha duh hlah u, lih in tehte khang hlah u, zeicahtiah hi vialte hi ka huatmi thil an si, ti hi Bawipa bia hrimhrim a si.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

MALAKHI 4:6

Ram cu chiatserh awkah ka rat sual nakhnga lo, amah nih cun pale hna cu an fale hna he a remter hna lai i an fale hna cu an pale hna he a remter hna lai.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

LUKA 21:35

Zeicahtiah cu Ni cu vawlei cung i a ummi vialte hna cungah a tlung dingmi a si.

EFESA 4:28

Fir a hmangmi kha fir ti hlah seh, amah ca i ding tein pawcawmnak caah le sifakmi bawmhnak caah rianṭuan seh.

1TIMOTE 1:9

Sihmanhsehlaw kan hngalh awk cu, nawlbia cu miṭha mi hna caah ser a si lo i nawlbia a buarmi hna le bia ngai duh lomi hna le Pathian zei i a rel lomi hna le misual mi hna le biaknak zei i a rel lomi hna le thlarau lei thil zei i a rel lomi hna le an nu an pa a nawngmi hna le

JEIM 5:12

Cun cu pinah biakamnak nan tuah tikah chiatsernak hmang hlah u; vancung cemchih in siseh, vawlei cemchih in siseh, zei thil paoh cemchih in siseh, chiatser hlah u. A si ti nan duh ahcun, a si, ti ko; a si lo, ti na duh ahcun, a si lo, ti ko; cu ti na tuah lo ahcun Pathian biaceihnak na ing sual lai.

JEIM 5:4

Nan lo chung i rian a ṭuanmi, an nihlawh nan pek hna lomi an aunak thawng kha a thang i nan rawlṭuantu hna an aunak thawng kha Pathian Lianngan Bik Bawi i a hna chung a phan cang.

JOSHUA 9:20

Mah hihi an cungah kan tuah lai i nung ko hna seh, kannih nih an sin i chiat kan rak ser cangmi biakamnak ruangah khan kan cungah thinhunnak a tlung sual ai hnga,” tiah an ti.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.