ZEKHARIAH 4:2 - Lai (Hakha) Common Language Bible 2006

² “Zeidah na hmuh?” tiah a ka hal i, “Sui in sermi meiinn tung pakhat,” ka ti. “Cu meiinn tung cu a lu ah chiti chiahnak kheng pakhat a um. Cun meiinn tung ah cun meiinn pasarih an um i pakhat nih meica pasarih cio an ngei.

ZEKHARIAH 4:2 ပူးပေါင်းရင်းမြစ်များ

1 CHANRELNAK 28:15

sui meivannak tung hna le an meiinn hna an rihning, meivannak tung pakhat cio ca le a meiinn hna ca i a herhmi sui a rihning, meivannak tung ca le a meiinn hna ca i a herhmi ngun a rihning, rianṭuannak ca i a meivannak tung hna cu hman an sining cio in,

2 CHANRELNAK 13:11

Kannih nih cun Bawipa kan Pathian nawlbia kha kan zulh caah Bawipa sinah zinglei fate le zanlei fate khangh thawinak le rim thawmi zihmui kha an pekchanh i sui thiang cabuai cungah khan hun camcinmi changreu kha an hun i zanlei fate sui meivannak tung cu a meiinn kha an alh naklai an zohkhenh; Bawipa nih a kan fialmi kha kan tuah; sihmanhsehlaw nannih nih cun amah cu nan hlawt.

2 CHANRELNAK 4:7

Cun rak ruah cia bang khan, sui mei vannak tung pahra a ser hna i biakinn chungah khan a hun hna, thlanglei kamah panga a chiah hna i chaklei kamah panga a chiah hna.

PHUNGCHIMTU 12:6

Ngun cikcin kha a cat lai i sui meiinn kha a tlu lai i a kuai lai. Tikhor i hri kha a cat lai i ti thannak um kha a kuai dih lai.

JEREMIAH 24:3

Cun Bawipa nih cun a ka thawh i, “Zeidah na zoh, Jeremiah?” tiah a ka ti. Cun kei nih, “Theipi, theipi ṭha, a ṭha ngaingaimi le theipi chia, a chia ngaingaimi, a chiat tuk ca i ei awkah aa tlak lomi,” tiah ka ti.

JEREMIAH 52:19

Cun sui le ngun in sermi thil paohpaoh kha cu an lak dih hna: khengkuar tehna, mei luahnak tehna, hmaihum tehna, um tehna, meiinn tung tehna, zihmui khanghnak kheng tehna, thlet thawinak ca i khengkuar tehna kha an si.

AMOS 7:8

Cun Bawipa nih a ka thawh i, “Amos, zeidah na hmuh,” a ka ti. Kei nih, “Tahnak hri,” tiah ka leh i, “Ka mi hna cu tahnak hri in ka tah hna lai i ka ngaithiam ṭhan bal ti hna lai lo.

ZEKHARIAH 5:2

“Zeidah na hmuh,” tiah a ka hal i, “A zuangmi cazual, dong kul a sau i dong hra a kaumi,” tiah ka leh.

BIAPHUAN 1:12

A ka chawntu cu ahodah a si hnga tiah ka hun i mer i cuka ah cun sui mei vannak pasarih ka hmuh hna.

BIAPHUAN 1:20

Ka orhlei kut i na hmuhmi arfi pasarih hna le sui mei vannak pasarih hna an sullam biathli cu hihi a si: arfi pasarih hi Khrihfabu hna i an vancungmi kha an si i mei vannak pasarih hna hi Khrihfabu pasarih hna kha an si,” tiah a ti.

BIAPHUAN 4:5

Bawiṭhutdan cun nimtlau aa lek i khuari thawng kha a thang. Bawiṭhutdan hmaiah cun meifar vanmi pasarih an um i cu hna cu Pathian thlarau pasarih kha an si.