ZEKHARIAH 2:8 - Lai (Hakha) Common Language Bible 2006

⁸ Nanmah an ramhtu hna miphun hna sinah khan ralkapbu Bawipa nih rian a ka fial tikah a chimmi bia cu hihi a si, nanmah an tawngtu hna cu anmah an mit falai aa tawngmi an si.

ZEKHARIAH 2:8 ပူးပေါင်းရင်းမြစ်များ

GENESIS 20:6

Pathian nih cun a mang ah khan a vun leh i, “A si, lung thiang tein na tuah ti kha ka hngalh; cucaah cun pei ka cungah na sual sual lai tiah a tongh hmanh kan tonghter lo cu.

2 SIANGPAHRANG 24:2

Cun Bawipa nih a sal profet hna in a rak chimmi bia ning khan, Bawipa nih Khaldi mibu hna le Siria mibu hna le Moab mibu hna le Ammon mibu hna kha a thlahhnawh hna i Judah hrawh awkah khan a thlah hna.

SALM 17:8

A ka dohtu miṭhalo hna sin hin Na mitfang bantukin ka veng law Na thlazung in ka hup tuah. Huatnak in a khatmi ka ral nih khan an ka dum,

PHUNGTHLÛKBIA 7:2

Ka nawlbia cu i ken hna law na nung lai, kan cawnpiaknak cu na mit falai bangin i ken hna;

ISAIAH 49:19

“Na ram cu a rak rawk dih i pakpalawng ah a rak cang dih, sihmanhsehlaw atu cu, a chung um awk i a ra dingmi hna caah a hme tuk cang lai. Nangmah cu rawk relrul in an kaltaktu hna kha na sinin lamhlapi ah ṭhial an si cang lai.

JEREMIAH 12:14

Bawipa nih, “Ka mi Israel mi ka pekmi hna ram a hrawk dihtu an innpa miṭhalo hna kongah chim awk ka ngei,” tiah a ti. “Hi mi hna hi, a hram in phawimi thingkung bangin, an ram in hmun dang ah ka kalpi hna lai i an sin khan Judah cu ka khamh lai.

JEREMIAH 27:7

Miphun vialte hna nih amah le a fapa le a tupa kha, a ram nih, a caan a phak hlantiang, an rianh hna lai; cun miphun ṭhawng hna le siangpahrang ngan hna nih amah cu an duhduh in an hman ve te lai.

EZEKIEL 25:12

Bawipa Pathian bia cu hihi an si: Edom nih timh ciammam tein Judah cungah phu a hlam caah zungzal a hmunmi mawhchiatnak kha a hmuh,

EZEKIEL 25:15

Mah hihi Bawipa Pathian bia a si: Filistin mi hna nih timh ciammam tein phuhlamnak kha an tuah i lungkhat tein serhsatnak in teirul an cham hna i chan tampi an rak i huatnak kha i hrawhnak caah an hman caah

EZEKIEL 26:2

“Mipa, Tair nih Jerusalem cu a thawh i, A! miphun hna kutka a simi kha a bauh cang, A kutka hna cu keimah leiah an i hung; Kei cu ka rum chin lengmang, anih tu cu rawk relrul in a um ko, a ti.

EZEKIEL 26:20

khor thukpi chungah a kalmi hna sinah khan kan nam chih lai i hlan lio pi in a thi lengmangmi hna sinah khan kan thlak lai. Vawlei tangah, zungzal in a kingmi hmun ah cun kan umter lai, khor thukpi chung i a vung kalmi hna sinah cun kan umter ve lai. Cucaah zeitikhmanh ah na chungah mi an um ṭhan ti lai lo i a nungmi hna ram chung zongah khan naa tel ti lai lo.

EZEKIEL 35:5

Israel mi cu na lungchung tein na huat zungzal hna caah, Rawhralnak an ton ni ah le a hmanung bik dantatnak an hmuh ni ah Annih cu vainam sinah na pek hna.

EZEKIEL 36:11

Nan cungah minung tampi le saṭil tampi ka phun hna lai; annih cu an karh lai i tefa tampi an ngei lai. Nannih cu hlanlio nakin tam deuh le rum deuh ah kan ser hna lai. Cuticun Bawipa ka si kha nan hngalh lai.

EZEKIEL 38:11

Naa thawh lai i, ‘Kulhkhar zeihmanh a ngei lomi khuate umnak ram kha ka tuk lai, daite le ahohmanh nih hnahnawh loin a ummi, ralhruang zong zeihmanh a ngei lo i kutka siseh, kutka hrenh siseh, zeihmanh a ngei lomi hna kha ka tuk hna lai,’ na ti lai.

EZEKIEL 38:14

Cucaah mipa, Gog cu thawh law, hihi Bawipa Pathian bia an si, tiah chim tuah: Ka mi Israel mi hna cu ahohmanh nih hnahnawh lo tein khua an sak lioah annih doh awkah chaklei deng ram in naa thawh.

AMOS 1:11

Hihi Bawipa bia an si: Edom nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih vainam kha i put riangmang in an phunhawi mi kha thah awkah an kawl hna i phun khat an sinak lungthin kha an thah. An thin cu dong loin a hung thluangthluan ko i An thinlinhnak cu zungzal in a alh.

AMOS 1:13

Hihi Bawipa bia an si: Ammon mi hna nih ṭhat lonak pakhat hnu pakhat an tuah lengmang caah, An cung i dantatnak ka tlunter ding kha ka let lai lo. An ram kha kauhter an duh caah

AMOS 1:9

Hihi Bawipa bia an si: Tair nih ṭhat lonak kha pakhat hnu pakhat a tuah lengmang caah A cung i dantatnak ka tlunter ding kha ka let lai lo, Annih nih sahlawh rualchan sinak kha philh riangmang in, Saltang hna kha an bu ningpi in Edom ah an chiah hna.

MIKAH 4:11

Sihmanhsehlaw atu cu miphun tampi nih an in chuahhnawh i, “Hremnak ing seh, Zion cungah kan diriam seh,” an ti.

MIKAH 5:6

Annih nih an vainam in Assiria ram cu an tei lai. Assiria mi nih kan ram cu an hung chim tikah kannih cu an kan khamh lai.

MIKAH 7:10

Khi tikah, “Bawipa na Pathian cu khuazei ah dah a um?” tiin nehsawh zawmhtaih in a ka timi ka ral hna nih khan an vun hmuh lai i an ning a zak lai. Annih cu an sungh i lam i nawncek lakah lamhchih an si kha ka hmuh hna lai.

HABAKKUK 2:17

Lebanon tupi kha nan ṭhiam hna, atu cu nanmah zong ṭhiam na si ve lai. A chung saram kha nan thah hna, atu cu saram nih khan nan thin an in phanter hna lai; Lainawnnak nan tuahmi ruang le vawleicung mi hna le a khualipi hna cung i zaang-ennak nan tuahmi ruangah, hihi cu nan cungah a tlung lai.

HABAKKUK 2:8

Miphun tampi kha nan ramh hna. Asinain a tangmi nih khan an in ramh ve hna lai. Lainawnnak nan tuahmi le vawleicung mi hna le khualipi chungah ṭhat lonak nan tuahmi ruangah an in ramh hna lai.

ZEFANIAH 2:8

Moab mi nih an nehsawhnak hna le Ammon mi nih an zawmhtaihnak hna kha ka theih cang, Zeitindah ka mi kha an serhsat hna i zeitindah an ramri kha an en hna ti kha ka hngalh.

ZEKHARIAH 2:11

Khi ni ah Bawipa sinah miphun tampi an ra lai i a mi an si lai i nannih lakah amah cu a um lai.

ZEKHARIAH 2:9

An cungah ka kut ka hler cang, annih cu an sal hna caah khan hranchaw an si lai.

ZEKHARIAH 8:5

cun khuapi chung lam cu ngakchia an khat lai i lam ah cun lente an i celh dulmal hna lai,” tiah a ti.

MALAKHI 3:1

Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu Bawipa nih a ti.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 25:45

Cun Siangpahrang nih khan, ‘Hihi kan chimh hna: misifak hramh nan duh hna lo paoh ah khan nan ka hramh duh lo a si,’ tiah a leh ṭhan ve lai.

JOHAN 14:26

sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai.

JOHAN 17:18

Vawlei ah na ka thlah bantukin kei zong nih vawlei ah ka thlah ve hna.

LAMKALTU 9:4

Vawlei ah a tlu i aw pakhat nih, “Saul, Saul, zeicahdah na ka hrem?” tiah a ti thawng kha a theih.

DEUTERONOMI 32:10

“Amah nih thetse ram ah khan a char, Thetse ram thlitu a awn vungmangmi ah khan a char. A kulh, a zohkhenh, a mit falai bantukin a ven.

2 THESALON 1:6

Pathian nih a hmaanmi thil kha a tuah lai. Sifahnak nan cungah a tluntertu hna cungah khan sifahnak a tlunter ve lai i

1JOHAN 4:14

Pa nih a Fapa kha vawlei khamhtu ah a run thlah, ti a hmutu le midang a chimtu hna cu kanmah hi kan si.