ZEKHARIAH 2:5 - Lai (Hakha) Common Language Bible 2006

⁵ Bawipa nih, Keimah cu a velchum in mei vampang ka si lai i a laifang ah a sunparnak ka si lai, a ti, tiah va chim,” tiah a ti.

ZEKHARIAH 2:5 ပူးပေါင်းရင်းမြစ်များ

SALM 125:2

Tlang nih Jerusalem khua kha an kulh bangin, Bawipa nih a mi cu a kulh hna, atu thawk in zungzal tiang a kulh hna.

SALM 3:3

Sihmanhsehlaw Bawipa, nangmah nih phaw bantukin na ka huhphenh zungzal i teinak kha na ka pek i ka lung na ka ṭhawnter ṭhan.

SALM 46:5

Pathian cu khuapi chungah cun a um i zeihmanh nih a hrawk bal lai lo; zingka tein amah bawmh awkah a ra lai.

SALM 48:12

Zion tlang ah khan i chawk u law a inn sang kha rel hna u,

SALM 48:3

Pathian cu a chungah a um caah a ralhau chungah khan himnak a um.

SALM 85:9

Amah a upatmi khamh awkah khan aa tim zungzal ko i kan ram chungah hin a sunparnak cu a um zungzal lai.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

ISAIAH 31:9

An siangpahrang cu a zam lai i a bawi pawl cu an thin a phan tuk caah raltuknak i an i putmi an alan hmanh kha an zamtak lai,” a ti. Jerusalem ah an biakmi Pathian, a raithawinak caah Zion i a mei a ummi Bawipa nih hi bia cu a chim.

ISAIAH 32:18

Pathian mi hna cu an inn ah khan daihnak le himnak a um lai i lung retheihnak in an luat lai.

ISAIAH 33:21

Bawipa nih a sunparnak kha a kan hmuhsak lai. Tiva ngan pipi le tiva kau pipi pawngah khua kan sa lai, asinain kan ral hna tilawng cu cuka ah cun zeitikhmanh ah an ra lai lo.

ISAIAH 4:5

Cun Zion Tlang cung le khika i aa pummi vialte hna cungah Bawipa nih chun ah minmei a zamter lai i zan ah meikhu le a ceumi meizik kha a umter lai. Pathian sunparnak nih khua cu a pumpi in a khuh lai i a hum a zual lai.

JEREMIAH 31:39

A ramri cu nitlaklei ah Gareb tlang tiang a va lan lai i Goah ah khan a run i kual lai.

EZEKIEL 38:14

Cucaah mipa, Gog cu thawh law, hihi Bawipa Pathian bia an si, tiah chim tuah: Ka mi Israel mi hna cu ahohmanh nih hnahnawh lo tein khua an sak lioah annih doh awkah chaklei deng ram in naa thawh.

EZEKIEL 42:20

A kam li te khan a tah dih, a saulei dong za nga, a kauhlei dong za nga a si. A velchum in vampang nih a kulh i cu vampang cu hmun thiang le hmun thiang lo thleidannak ca i tuahmi a si.

EZEKIEL 47:3

Mipa cu nichuahlei i a va chuah tikah khan tahnak fung pakhat aa put. Dong thong khat kha a vun tah i ti cu a ka tanter i ka fengbeo a phan.

ZEKHARIAH 1:16

Cucaah mah hihi Bawipa bia a si: Jerusalem cu zaangfahnak he ka kirhnawh ṭhan cang i a chungah ka inn kha sak a si ṭhan lai, tahnak hri in tah a si ṭhan lai, tiah Bawipa nih a ti.

ZEKHARIAH 2:10

Cucaah nannih nih ralkapbu Bawipa nih a ka thlah kha nan hngalh lai. Fak piin au law i lawm tuah, maw Zion fanu, ka ra lio, nanmah lakah ka um lai, tiah Bawipa nih a ti.

ZEKHARIAH 2:11

Khi ni ah Bawipa sinah miphun tampi an ra lai i a mi an si lai i nannih lakah amah cu a um lai.

ZEKHARIAH 9:14

Bawipa cu an cungah a lang lai i A thal cu nimtlau bangin aa lek lai; Bawipa Pathian nih muko kha a tum lai i Thlanglei ṭotho he khan an kal ṭi lai.

ZEKHARIAH 9:8

Ka ram cu ka ven lai i a chungin ralkap kha ka kalter hna lai lo, Cun mi hrem hmangmi hna kha ka mi cu hrem ka sianh ti hna lai lo. Ka mi hna nih nganfahnak an in kha ka mit hrimhrim in ka hmuh cang.

LUKA 2:32

Cucu Jentail mi hna caah na lam a langhtertu a simi ceunak le na mi Israel mi hna ca i sunparnak cu a si,” tiah a ti.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.