ZEKHARIAH 2:4 - Lai (Hakha) Common Language Bible 2006

⁴ a dang vancungmi pakhat amah ton awkah cun a hung chuak i, “Va tli law tlangvalpa khi va chim law, Jerusalem khua cu kulhnak a ngei lomi khua a si lai i a chung i a ummi minung le saṭil cu an tam tuk hringhran lai.

ZEKHARIAH 2:4 ပူးပေါင်းရင်းမြစ်များ

ESTHER 9:19

Cucaah khuate i a ummi, kulhnak a ngei lomi khua i a ummi Judah mi hna nih cun Adar thla ni hleili ni cu lunglawmhnak le puai le dinh ni ah an ser i cu ni cu pakhat le pakhat kha laksawng a ṭhaṭha i kuatnak ah an hman.

ISAIAH 33:20

Biaknak puai kan tuah tawnnak Zion khua khi zoh hmanh. Jerusalem khi zoh hmanh. Khika um cu zeitluk in dah hnangam a si lai. A cawl in a cawl lomi thlam, a khenhnak fung phawi bal lomi le a hri a cat bal lomi bantuk a si lai.

ISAIAH 44:26

Sihmanhsehlaw ka sal nih cun thil a chimchung tikah le ka timhmi phuan awkah lamkal ka thlah tikah, cu ka timhmi hna le chimchungmi thil hna cu ka tlinter hna. Jerusalem cu ka thawh i, na chungah mi an um ṭhan lai, Judah ram khua cu remh an si ṭhan lai tiah ka chimh. Hi khua hna cu an rawhnak chung khan an tho ṭhan lai.

ISAIAH 49:20

Sal i na tan lioah a chuakmi na fale hna nih, ni khatkhat cu an in thawh lai i, ‘Hi ram hi kan caah a bi tuk cang, umnak ah hmun dang kan herh,’ an ti lai.

ISAIAH 54:16

“Soser kha ka ser hna, annih nih so kha an ser i hriamnam kha an chuah. Cun ralkap zong kha ka ser hna i annih nih hriamnam kha mi thahnak ah an hman.

JEREMIAH 1:6

Khi tikah kei nih ka thawh i, “Aa, Bawipa Pathian! Zohhmanh, ngakchiate men ka si i biachim ka thiam lo,” tiah ka ti.

JEREMIAH 31:24

Judah ram le a khua hna chungah khan mi cu an um lai i lothlo zong an um lai i an tuurun he a ummi tuukhal hna zong an um lai.

JEREMIAH 31:27

“Bawipa nih hi bangin a ti: Israel ram le Judah ram cu minung le saram in ka khahter hna lai caan a ra lio.

JEREMIAH 33:22

Van i arfi rel cawk lo le rili thetse rel cawk a si lomi bantukin, ka sal David i a tefa cu ka karhter hna lai i ka rian a ṭuanmi Levi mi hna zong ka karhter hna lai,” tiah a ti.

EZEKIEL 38:11

Naa thawh lai i, ‘Kulhkhar zeihmanh a ngei lomi khuate umnak ram kha ka tuk lai, daite le ahohmanh nih hnahnawh loin a ummi, ralhruang zong zeihmanh a ngei lo i kutka siseh, kutka hrenh siseh, zeihmanh a ngei lomi hna kha ka tuk hna lai,’ na ti lai.

DANIEL 1:17

Hi tlangval pali hna hi an dihlak tein Pathian nih ca lei fimnak le hngalhnak le thiamnak phun kip kha a pek hna i Daniel cu langhnak le mang sullam hngalh khawhnak pahrang kha a ngei.

DANIEL 1:4

Annih cu aa dawhmi, an pum cungah tlin lonak zeihmanh a ngei lomi, a fimmi, a thiammi, an si lai i siangpahrang inn i rianṭuan dingah aa tlakmi an si lai. Cun Khaldi mi ca le holh kha na cawnpiak hna lai,” tiah a ti.

MIKAH 7:11

Jerusalem mi hna, nan khua ralhau remh ṭhannak caan cu a phan lio cang. Khi caan ah nan ram cu kauh a si lai.

ZEKHARIAH 1:16

Cucaah mah hihi Bawipa bia a si: Jerusalem cu zaangfahnak he ka kirhnawh ṭhan cang i a chungah ka inn kha sak a si ṭhan lai, tahnak hri in tah a si ṭhan lai, tiah Bawipa nih a ti.

ZEKHARIAH 1:17

Ralkapbu Bawipa bia cu mah hihi a si kha voi khat in chim ṭhan rih tuah: Ka khuapi hna cu thil ṭhaṭha in an khat ṭhan lai; Zion cu Bawipa nih a hnemh ṭhan lai, Jerusalem cu aa thimmi khua ah a ser ṭhan lai.

ZEKHARIAH 12:6

Khi ni ah cun Judah phun hna cu ramlak i meipung bantuk le facang phal a khang dihtu meizik tom bantuk ah ka ser hna lai. Annih nih an pawngkam i a ummi miphun vialte kha, keh he orh he, an khangh dih hna lai i Jerusalem mi tu cu an khua chungah him tein an um lai.

ZEKHARIAH 14:12

Jerusalem a dohtu miphun vialte kha Bawipa nih a tuk lai i rai an in dingmi cu hihi a si lai; an dir ko lioah an sa kha a tlol lai, an mitkuak chungah an mit kha an thu lai, an kaa chungah an lei kha an tlol lai,

1TIMOTE 4:12

Na kum a no ruangah ahohmanh nih in zawmhtaih hna hlah seh, sihmanhsehlaw na biachim na holhrel ah siseh, na zia na za ah siseh, dawtnak, zumhnak le thiannak na ngeihmi ah siseh, zumtu hna caah tahchunh awk tlak va si tuah.