ZEKHARIAH 2:13 - Lai (Hakha) Common Language Bible 2006

¹³ Miphun vialte hna, Bawipa hmaiah dai tein um tuah u! Zeicahtiah amah cu a umnak hmun thiang khan aa thawh cang.

ZEKHARIAH 2:13 ပူးပေါင်းရင်းမြစ်များ

2 CHANRELNAK 30:27

Cun tlangbawi hna le Levi mi hna kha an dir i mi kha bongmal an sawmh hna i an aw cu theih a si i an thlacamnak cu vancung i a umnak hmunthiang kha a phan.

SALM 11:4

Bawipa cu a biakinn thiang chungah a um ko i a bawiṭhutdan cu van ah khin a um ko. Mi vialte kha a zoh hna i an tuahmi vialte kha a hngalh dih.

SALM 46:10

“Raldohnak kha ngol u” a ti hna, “Cun keimah cu Bawipa ka si hi hngal tuah u, miphun vialte hna a uktu cu ka si i, vawlei pumpi ah a ngan bikmi cu ka si,” a ti.

SALM 68:5

A biakinn thiang chungah a ummi Pathian nih, ngakṭah le nuhmei kha an zawn a ruah hna.

SALM 78:65

A donghnak ah Bawipa cu hngilh i hun i hlauh bantuk khin a hun i hlau; zu nih a tha a pawttermi ralkap ṭhawng bantuk khi a si.

ISAIAH 14:2

Israel mi cu Bawipa nih a pekmi hna ram i an kir kha miphun tampi nih an bawmh hna lai i cuka ah cun cu miphun hna nih cun sal bantukin an rian an ṭuanpiak hna lai. Hmasa i Israel mi a rak tlaitu hna kha atu cu Israel mi nih an tlaih ve hna lai i hmasa i a rak hremtu hna kha an uk ve hna lai.

ISAIAH 19:16

Izipt mi cu nu bantukin an ral a chiat caan a phan lai. Ralkapbu Bawipa nih anmah dantat awkah a kut a samh kha an hmuh tikah a ther in an ther lai.

ISAIAH 41:1

Pathian nih, “Lamhlatpi i a ummi ram hna, dai tein um u law ka bia ngai tuah u. Biaceihnak hmun i nan bia chim awkah i tim tuah u. Chimnak caan nan ngei lai. Ahodah a hmaan ti khiah awkah hmunkhat ah ṭhu ṭi tuah u sih.

ISAIAH 51:9

Bawipa, i hlau law kan khamh tuah. Na ṭhawnnak kha hmang law ka khamh tuah; hlanlio i na rak hman bantuk khan hmang tuah. Rili chung limkeng Rahab a sam cikcektu kha nangmah na si.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 57:5

Hrinsor ṭhatnak pathian kha nan biak hna i cu biaknak ah cun nu le pa sualnak tuah kha a si nan ti i thingkung thiang nan timi hna toiah khan nan sual. Tiva kam lungkua ah khan nan fale cu rai ah nan thawi hna.

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

JEREMIAH 25:30

“Ka chimmi bia vialte cu na thanh hna lai i ‘Bawipa cu cung sangpi khin a rung au lai, A umnak hmunthiang khin khuarit in a rung ri lai. Amah tuurun chungah khan fak piin a huk lai i Mitsur thei a nengtu hna an au thawng bantukin vawleicung mi vialte cungah khan a au lai.

HABAKKUK 2:20

Bawipa cu a biakinn thiang chungah a um, vawleicung mi vialte hna a hmaiah dai zirziar in um tuah u.

ZEFANIAH 1:7

Bawipa ni cu a nai caah Bawipa hmaiah dai tein um u! Bawipa nih raithawinak kha a timh cang i a sawmmi hna cu a thianter cang hna.

ZEFANIAH 2:9

Cucaah ka nunnak chalh in hi bia hi ka chim: Moab cu Sodom bantuk a si lai i Ammon cu Gomorrah bantuk a si lai, Belh pon, a thumi ram pon, zungzal ram car a si lai, tiah Bawipa, Israel Pathian nih a ti. Ka mi hna lak i a nungmi nih khan an ramh hna lai i Ka miphun chungin a tangmi hna nih khan an ram cu an co lai.

ZEFANIAH 3:8

Cun Bawipa nih, “Ka hngak tuah, miphun hna sual ka phawt hna ni kha, hngak tuah. Miphun hna le siangpahrang hna kha ka thinhunnak toih awkah ka lung kaa thlek cang. Vawlei hi a dihlak in ka thinhunnak mei nih a kangh lai.

ZEKHARIAH 4:9

Zerubbabel nih Biakinn hram cu a bunh cang. Mah hihi a si tikah ka mi hna nih an sinah nangmah aan thlahtu cu keimah ka si kha an hngalh lai.

ZEKHARIAH 6:15

Ram hlapi i a ummi hna kha an ra lai i Bawipa biakinn saknak ah cun rian an ra ṭuan lai, cucaah ralkapbu Bawipa nih keimah cu nan sinah a ka thlah ti kha nan hngalh lai. Bawipa nan Pathian cu a nawl nan ngaih ahcun hi thil cu a tlung ko lai!

ROM 3:19

Nawlbia chung bia cu Nawlbia tang i a ummi hna caah khan a si ti kha kan hngalh; cu tiin a sinak cu mi nih silhnalh khawhnak zeihmanh an ngeih khawh nakhnga lo le vawlei cu a ningpi in Pathian biaceihnak hmai i a dir ding a si kha a langh nakhnga caah a si.

ROM 9:20

Sihmanhsehlaw ka kawi, nangmah cu Pathian bia a let lakmaktu dingah ahodah na si? Tlak um nih a sertu cu, “Zeicahdah hi bantuk hin na rak ka ser,” tiah a hal lo.

DEUTERONOMI 18:21

Cun nannih nih, ‘Zeitindah Bawipa nih a chim lomi bia cu kan hngalh khawh lai?’ nan ti ahcun —

DEUTERONOMI 18:22

profet pakhatkhat nih Bawipa min in bia a chim tikah cu bia cu a tlin lo le a dik lo ahcun, cu bia cu Bawipa nih a chim lomi bia cu a si; profet nih amah duh in a chimmi a si, amah cu nan ṭih awk a si lo.

DEUTERONOMI 26:15

Na umnak hmun thiang vancung khin run zoh law, kan pupa hna sinah chiat na ser bangin, na mi Israel le na kan pekmi ram, cawhnuk le khuaihliti in a luangmi ram hi, thluachuahnak pe ko,’ tiin nan ti lai.