ZEKHARIAH 2:12 - Lai (Hakha) Common Language Bible 2006

¹² Khi tikah nannih nih keimah cu ralkapbu Bawipa nih a ka thlah ti kha nan hngalh lai. Ram thiang chungah Judah cu Bawipa nih amah ta si awkah a lak ṭhan lai i Jerusalem cu aa thimmi a khuapi ah a ser ṭhan lai.

ZEKHARIAH 2:12 ပူးပေါင်းရင်းမြစ်များ

2 CHANRELNAK 6:6

sihmanhsehlaw ka min cu khika ah a um nakhnga Jerusalem cu ka thim i David cu ka mi Israel mi hna cung i um awkah ka thim,’ tiin a ka in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

ESTHER 6:13

Cun Haman nih a nupi Zeresh le a hawikom vialte kha a cung i a tlungmi thil vialte cu a chimh hna. Cun a nupi Zeresh le a mifim hna nih cun an thawh i, “A hmaiah tluk hram naa thawkmi Mordekai cu Judah mi a si ahcun amah cu na tei lai lo, sihmanhsehlaw nangmah tu kha a hmaiah cun na tlu hrimhrim lai,” tiah an ti.

SALM 105:15

Aa thawh i, “Ka thimmi ka sal cu tawng hna hlah u, ka profet cu fahnak pe hna hlah u,” a ti.

SALM 132:13

Zeicahtiah Bawipa nih Zion cu aa thim cang i khika ah a umnak inn kha ser a duh.

SALM 132:14

Aa thawh i, “Hika hi zungzal ka umnak a si lai; hika hmun hi ka uknak ka chiahnak hmun ca i ka duhmi a si.

SALM 135:4

Jakob cu amah minung si awkah amah nih aa thim, Israel mi cu amah mi si awkah amah nih aa thim hna.

SALM 33:12

An Pathian ah Bawipa a simi miphun cu lunglawmmi miphun an si, Bawipa nih a mi ah a thimmi hna cu lunglawmmi an si.

SALM 82:8

Maw Pathian, ra law vawlei hi uk tuah; miphun vialte hi nangmah ta an si.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

ISAIAH 17:14

Zanlei ah cun annih nih thil ṭihnung an chuahter, sihmanhsehlaw zinglei ah cun an lo. Cu bantuk cu kan ram a hrawktu paoh cu an si ko.

ISAIAH 41:9

Vanhramdeng khin kan ratpi; vawlei cung a hlatnak bik hmun in kan kawh i, ‘Nang cu ka sal na si,’ kan ti. Kan hlaw lo, a thim in kan thim lehlam.

JEREMIAH 10:16

Jakob sertu Pathian cu mah hna bantuk hi a si lo, Amah cu zeizong vialte sertu a si i Israel hi amah ca hrimhrim i aa kawhmi miphun a si; Amah a min cu Ralkapbu Bawipa a si.

JEREMIAH 30:16

Asinain, an eitu vialte cu ei an si ve lai i An hremtu vialte hna cu sal ah an tang lai. Nangmah aan ramhtu cu ramh an si ve lai i nangmah aan hrawktu cu hrawh ka siter ve hna lai.

JEREMIAH 51:19

Jakob sertu Pathian cu hi hna bantukin a si lo, Zeicahtiah amah cu zeizong vialte sertu a si i Israel hi amah ca hrimhrim i aa kawhmi miphun a si, Amah a min cu Ralkapbu Bawipa a si.

ZEKHARIAH 1:17

Ralkapbu Bawipa bia cu mah hihi a si kha voi khat in chim ṭhan rih tuah: Ka khuapi hna cu thil ṭhaṭha in an khat ṭhan lai; Zion cu Bawipa nih a hnemh ṭhan lai, Jerusalem cu aa thimmi khua ah a ser ṭhan lai.

ZEKHARIAH 3:2

Bawipa nih Satan cu a thawh i, “Satan, nangmah cu Bawipa nih kan sik, Jerusalem khua a thimtu Bawipa nih kan sik. Hi mipa hi mei chungin chuahmi mei thingthu a si lo maw?” tiah a ti.

DEUTERONOMI 32:10

“Amah nih thetse ram ah khan a char, Thetse ram thlitu a awn vungmangmi ah khan a char. A kulh, a zohkhenh, a mit falai bantukin a ven.

DEUTERONOMI 32:9

Zeitintiah Bawipa vo cu a mi kha an si, Jakob cu amah ro hrimhrim kha a si.