ZEKHARIAH 14:9 - Lai (Hakha) Common Language Bible 2006

⁹ Cun Bawipa cu vawlei cung vialte siangpahrang a si lai; khi ni ah cun Bawipa lawnglawng cu Bawipa a si lai i a min lawnglawng cu min a si lai.

ZEKHARIAH 14:9 ပူးပေါင်းရင်းမြစ်များ

GENESIS 49:10

A bawifung kha a hler i a ke le a ke karlak ah a chiah; a lianhngannak cu, a ngeitu taktak a rat i, cu nih cun mi vialte a uk hna hlantiang amah nih aa chiah ko lai.

SALM 67:4

Nangmah nih miphun vialte cu dinnak in bia na ceih hna i mi vialte cu na hruai hna caah miphun vialte cu i lawm hna seh law lunglawmhnak in hla sa hna seh.

SALM 72:17

A min cu zeitikhmanh ah philh si ti hlah seh; a minthannak cu ni a um chung paohpaoh dai loin um zungzal ko seh. Miphun zakip nih amah cu thangṭhat hna seh, mi vialte nih Pathian cu, siangpahrang thluachuah na pek bantukin kannih zong ka pe ve, tiin nawl hna seh.

SALM 86:9

Nangmah nih na sermi miphun vialte hi an chuak lai i na hmaiah an kun lai. Na lianhngannak kha an thangṭhat lai,

SALM 97:1

Bawipa cu siangpahrang a si, maw vawlei i lawm tuah! Rili chung i a ummi tikulh vialte hna, i lawm u!

ISAIAH 45:21

Ra u law biaceihnak hmun ah nan bia cu ra chim tuah u; tazacuaimi hna cu pakhat le pakhat lungthin i cheu tuah u. Thil a um ding kha aho nih dah a hlankan in a rak thanh chung i cuticun a um te lai tiah aho nih dah a rak chimchung? Cu ti a tuahtu cu Bawipa, a mi a khamhtu hna Pathian kha ka si lo maw? Pathian dang ahohmanh an um lo.

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

JEREMIAH 23:6

Amah chan ah cun Judah cu him tein khua a sa lai i Israel cu hnahnawh lo tein a um lai. Amah a min cu, Bawipa cu kan Dinnak a si, ti a si lai.

DANIEL 7:27

Siangpahrang sinak siseh, bawi sinak siseh, vanrang tang i a ummi pennak hna lianngannak vialte cu siangpahrang ṭhawnnak an ngeihmi cu zungzal hmunmi ṭhawnnak a si lai i peng kip le ram kip nih an rian an ṭuanpiak hna lai i an nawl an ngaih hna lai,” a ti.

AMOS 9:12

Edom ram a tangmi le ka min in auh a rak simi miphun vialte kha an co hna lai. Mah hihi Bawipa bia hrimhrim a si i amah nih cun a tuah lai.

OBADIAH 1:21

Israel mi hna cu Zion Tlang ah an kai lai i Esau Tlang cu an uk lai. Cun Bawipa cu Siangpahrang a si lai.”

MIKAH 5:4

Amah cu a hung chuah tikah Bawipa ṭhawnnak thawngin le Bawipa a Pathian min lianngan thawngin Annih cu tuukhal bantukin a khalh hna lai. A lianhngannak nih khan vawlei deng tiang a phak lai caah annih cu him tein khua an sa lai,

HABAKKUK 2:14

Sihmanhsehlaw rili cu ti in a khah bantukin vawlei cu Bawipa hngalhnak le sunparnak in a khat lai.

ZEFANIAH 3:9

Khi tikah mi vialte kha hmur thiang ka pek hna lai i Bawipa min cu an auh lai i lungkhat tein a rian an ṭuan lai.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

MALAKHI 1:14

‘A tuurun chungah a ṭhami tuukawng a ngei ko nain a biakam tlinternak caah Bawipa sinah hlennak in do a tla lomi saṭil a pechanmi cu a cungah chiat tlung seh! Keimah cu a liannganmi Siangpahrang ka si i ka min cu miphun hna nih an ṭih, tiah ralkapbu Bawipa nih a ti.

MATTHAI 28:19

Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law,

DEUTERONOMI 6:4

“Thei hmanh, maw Israel: Bawipa hi kan Pathian a si, Bawipa lawnglawng hi;

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

1 SAMUEL 2:10

Bawipa a raltu cu kek cikcek in den an si lai; Annih cu van in khuarit in a rithnawh hna lai. Bawipa nih vawlei cung dihlak bia a ceih lai, Amah siangpahrang cu ṭhawnnak a pek lai, Chiti a thuhmi lianhngannak cu a hlorh lai,” tiin a ti.