ZEKHARIAH 14:4 - Lai (Hakha) Common Language Bible 2006

⁴ Khi ni ah cun a ke cu Oliv Tlang cungah an dir lai, cu tlang cu Jerusalem in nichuahlei ah ral-enh in a ummi a si, cun cu tlang cu nichuahlei in nitlaklei ah a kalmi horkuang thukpi nih cheu hnih ah a cheu lai; tlang cheu pakhat cu chaklei ah aa thawn lai i a dang a cheu pakhat cu thlanglei ah aa thawn lai.

ZEKHARIAH 14:4 ပူးပေါင်းရင်းမြစ်များ

2 SAMUEL 15:30

Sihmanhsehlaw David cu Oliv Tlang cho ah khan ṭappah lengmang le kelawng le a lu i khuh in a kai; cun a sin i a ummi vialte nih khan an lu an i khuh i an kai, an kalpah cun an ṭap lengmang.

EZEKIEL 11:23

Bawipa sunparnak cu a tho i khuapi chung khan a chuak i khuapi nichuahlei i a ummi tlang cungah khan a dir.

EZEKIEL 38:20

Rili chung nga si hna seh, van i a zuangmi va si hna seh, ramlak saram si hna seh, vawlei ah a lawn in a lawnmi saram si hna seh, vawlei cung i a ummi minung vialte si hna seh, ka hmaiah a ther in an ther lai, ka ti. Tlang vialte kha an cim dih lai, lungpang vialte kha an tlu dih lai i ralhau vialte kha an rawk dih lai.

EZEKIEL 43:2

i Israel Pathian sunparnak cu nichuahlei in a rat kha ka hmuh. A aw cu ti thawng nganpi bantuk a si i vawlei cu a sunparnak cun a ceu.

HABAKKUK 3:6

A dir tikah vawlei kha aa hnin, a zoh hna tikah miphun kha an ther; Zungzal in a hmunmi tlang hna cu an i cheu i zungzal in a hmunmi fing hna cu an cim;

ZEKHARIAH 14:10

Ram cu a ning piin Geba in Timmon thlanglei tiang a rawnmi Arabah ram bantukin a rawn lai; sihmanhsehlaw Jerusalem cu amah a hmunte ah khan sang piin a dir ko lai, Benjamin Kutka in A Kil Kutka timi tiang cucu hmasa deuh kutka a rak dirnak hmun kha a si. Hananel Innsang in Siangpahrang mitsur nennak tiang, a chungah mi an khat lai.

ZEKHARIAH 14:7

A dihlak in ni khat a si dih ko lai i cu ni a rat lai ding cu Bawipa lawnglawng nih a hngalhmi a si, chun zan ti zeihmanh a um lai lo, zan ah ceunak a um ko lai.

ZEKHARIAH 14:8

Khi ni ah cun Jerusalem in ti nung a chuak lai i a cheu cu nichuahlei rili ah a luang lai i a cheu cu nitlaklei rili ah a luang lai; ṭhal le khuasik i dang loin a luang lai.

ZEKHARIAH 4:7

Dawntu, tlang tia pipi kha na hmai in an lo lai. Biakinn cu na sak ṭhan lai i lung hmanung bik na vun khin ah khin mizapi nih, “Aa dawh, aa dawh,” tiah an au lai.

MARKA 11:23

Biatak kan chimh hna, ahohmanh nih hi tlang hi, ‘Tho law rili ah khin vaa paih,’ tiah zumh lonak zeihmanh um loin nan ti i, kan chimmi hi a tling lai, tiah nan zumh ahcun, tuahpiak nan si ko lai.