ZEKHARIAH 14:20 - Lai (Hakha) Common Language Bible 2006

²⁰ Khi ni ah cun raltuknak rangtum cung i dar khi-ing kha, “Bawipa caah a thiang,” tiin ṭialmi pakhat hmanh a um ti lai lo i Bawipa inn chung i a ummi um hna cu biakṭheng hmai i khengkuar bantuk an si lai.

ZEKHARIAH 14:20 ပူးပေါင်းရင်းမြစ်များ

1 SIANGPAHRANG 7:50

hrai hna, mei hmihnak hna, kheng kuar hna, zihmui ca kheng tete hna, mei zawhnak hna, sui thiang in sermi hna kha; cun innchung chungchin thiang bik hmun innka ca i sui kapza hna le biakinn ṭuangpi innka hna i sui kapza hna.

2 CHANRELNAK 4:8

Cabuai zong pahra a ser hna i biakinn chungah khan, thlanglei kamah panga, chaklei kamah panga a chiah hna. Cun sui khengkuar za khat a ser hna.

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

EXODUS 25:29

Cun dinmi thawinak caah khan pakan le hrai le than-um le kanto kha na ser hna lai. An dihlak in sui thiang in na ser hna lai.

EXODUS 37:16

Cabuai ca kheng cu sui thiang in a ser hna: din awk thawinak ca hmanmi kheng hna le hrai hna le awi-um hna le khengkuar hna cu sui in a ser hna.

EXODUS 39:30

Cun Pathian sin pekmi ti hngalhnak hmelchunhnak cu sui thiang in an ser i min khenhnak cung ṭial bang khin “Bawipa sin pekmi,” tiah an ṭial.

ISAIAH 23:18

Chawleh chawhrawlnak in a hmuhmi tangka cu Bawipa sinah a pek lai. A khong hna lai lo i a thup hna lai lo, sihmanhsehlaw Bawipa a biami hna nih a tangka cu an herhmi rawl le thilpuan cawknak ah an hman lai.

ISAIAH 52:1

Jerusalem, ṭhawng law ngan ṭhan tuah! Pathian khua thiang, sunparnak in i thuam tuah! Cuarpar tan lomi cu na kutka chungin ahohmanh an lut ti lai lo.

JEREMIAH 31:40

Miruak le hmunhnawm an hlonhnak horkuang kha a ning piin, cun Kidron tiva cung i a ummi lo vialte, nichuahlei, ah Rang Kutka timi tiang kha Bawipa ca i a thiangmi thil an si lai. Khuapi cu ṭheh i hrawh a si ti lai lo,” tiah Bawipa nih a ti.

EZEKIEL 45:1

Ram cu an co awk cio ah an phun an phun in camcawhfung khiah in nan phawt hna tikah, Bawipa caah ram bung pakhat nan zuah lai; a tung cu dong sang hnih le thong nga a si lai i a vang cu dong sang hnih a si lai; cu ram cu a pumpi in a thiangmi ram a si lai.

LEVITIKAS 6:28

Cun sa chuannak tlak-um cu khuai a si lai; sihmanhsehlaw marlei in chuan a si ahcun mah cucu ṭawl in ti in tlengh a si lai.

LEVITIKAS 8:9

Cun lupawng a ponh i a lupawng cungah, hmailei ah, sui kheng, a thiangmi bawi luchin cu, a benh; Moses nih Bawipa nih nawl a pek bang khan a tuah.

OBADIAH 1:17

“Sihmanhsehlaw Zion Tlang ah cun a luatmi cu an um lai i cu hmun cu hmun thiang a si lai. Jakob nih a ram a rak chuttu hna kha a chuh ṭhan ve hna lai.

ZEFANIAH 2:11

Bawipa nih annih cu a ṭihnunnak vialte he a chuahhnawh hna lai; vawlei cung khuazing vialte cu santlailo ah a ser dih hna lai i miphun dang hna rilikam ram le tikulh vialte nih amah cu an biak lai, mi kip nih anmahle an inn cio in an biak lai.

ZEKHARIAH 14:19

Deu Puai tuah awkah a hung kal lomi miphun hna le Izipt cungah dantatnak a tlung ding cu hihi a si lai.

ZEKHARIAH 8:3

Cun Bawipa nih, “Atu cu Zion ah khan ka ra kir ṭhan cang i Jerusalem ah khan ka um lai. Jerusalem cu Zumhtlak Khualipi ti a si lai i ralkapbu Bawipa tlang cu Tlang Thiang ti a si lai.” tiah a ti.

ZEKHARIAH 9:15

Ralkapbu Bawipa cu an phaw a si lai; Annih nih an ral kha an tei hna lai, lung herh chehnak lung kha an lamh hna lai; Zuri bantukin an au cukmak lai i kheng bantukin an khat lai i biakṭheng kil bantukin cin cikcek in an um lai.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

NAMBAR 4:14

cun a cungah biakṭheng thilthuam vialte mah ka rianṭuannak i hmanmi, meilaknak kheng hna le thir zum hna le cawhlek hna le khengkuar hna le, biakṭheng thilthuam vialte hna cu an chiah lai; cun a cungah meheh phaw in sermi khuhnak an phah lai i a laang cu an hrolh hna lai.

NAMBAR 4:7

Cun umcamcin changreu cabuai cungah cun a dummi puan an phah lai i a cungah pakan hna le rimhmui khanghnak kheng tete le kanto hna le thlet thawinak ca i awi-um hna cu an chiah hna lai; umcamcin changreu zong cu a cungah cun a um ve lai;

NAMBAR 7:13

a pekchanhmi thil cu mah hi an si, ngun kheng pakhat shekel za khat le sawm thum a ritmi, ngun pakan kuar pakhat shekel sawm sarih a ritmi, hmunthiang shekel ningin; an pahnih in changvut thawinak ca i chiti cawhmi changvut dip a khat veve in;

NAMBAR 7:19

a pekchanhnak ca i a pekmi cu mah hi an si, ngun kheng pakhat shekel za le sawm thum a ritmi, ngun pakan kuar pakhat shekel sawm sarih a ritmi, hmunthiang shekel ningin, changvut thawinak ca i chiti he cawhmi changvut dip a khat veve in;

LUKA 11:41

Sihmanhsehlaw nan hrai chung le nan kheng chung i a ummi thil kha misifak va pe hna u law nan caah zeizong vialte a thiang ko lai.

LAMKALTU 10:15

Cun aw nih cun a vun chawnh ṭhan i, “Pathian nih a thiang a timi cu zeihmanh nang nih a thianglo ah ruat hlah,” a ti.

LAMKALTU 10:28

Annih cu a thawh hna i, “Judah mi cu Jentail mi he i len i kai awk le i komh i hawi awk kha an biaknak phung nih a onh hna lo ti cu nannih nih fiang tein nan hngalh. Sihmanhsehlaw mi zeihmanh kha a thur le a thianglo i ka ruah hna nakhnga lo Pathian nih a ka hmuhsak cang.

LAMKALTU 11:9

Cun aw nih cun vancung cun a run ka chawnh ṭhan i, ‘Pathian nih a thiang a timi thil paohpaoh cu a thianglo ah rel hna hlah,’ tiah a ti.

LAMKALTU 15:9

Kannih le annih karlak ah zeihmanh thleidannak a tuah lo; annih nih an zumh caah an lungthin kha a thianter ve ko hna.

KOLOSE 3:17

Pathian kan Pa cu Khrih thawngin nan lawmh caah, nan tuahmi thil si hna seh, nan chimmi bia si hna seh, Bawipa Jesuh min in si dih ko hna seh.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.

BIAPHUAN 1:6

a Pathian le a Pa rian kha tlangbawi bantukin a ṭuantu dingah siangpahrang phun ah a kan ser. Cu Jesuh cungah cun sunparnak le ṭhawnnak kha zungzal in zungzal tiang um camcin ko seh! Amen.

BIAPHUAN 20:6

Hi mithi thawhter an si a pakhatnak i aa telmi hi cu lunglawmmi le thluachuak hringhranmi an si ko. Thih voi hnihnak nih an cungah nawl zeihmanh a ngei lo; annih cu Pathian le Khrih tlangbawi an si lai i Khrih he cun kum thong khat chung uktu bawi an si lai.

BIAPHUAN 5:10

Kan Pathian rian tlangbawi bantukin a ṭuantu dingah siangpahrang phun ah na ser hna i Annih nih vawlei cu an uk lai,” an ti.

1 SAMUEL 2:14

ukang chungah khan siseh, marlei chungah khan siseh, tawngca chungah khan siseh, um chungah khan siseh, a vun chunh lai i fungṭe nih a thur khawh zat paoh kha tlangbawi nih amah caah aa lak lai. Cu bantukin Shiloh ah khan, cuka i Israel mi a rami vialte hna kha an rak tuahpiak tawn hna.