ZEKHARIAH 14:13 - Lai (Hakha) Common Language Bible 2006

¹³ Khi ni ah Bawipa nih a thlahmi ṭihnak nganpi nih a tlunhnawh hna lai i, mi nih a hawipa kha lung ṭhawnnak a hun pek liote ah khin amah tuk awk caah cun a kut kha a hun hler colh ko lai.

ZEKHARIAH 14:13 ပူးပေါင်းရင်းမြစ်များ

EZEKIEL 38:21

Gog doh awkah ka tlang hna cungah vainam kha ka auh lai i annih cu anmah le anmah kha pakhat le pakhat vainam in an i sam lai, a ti. Hihi Bawipa Pathian chimmi bia a si.

ZEKHARIAH 11:6

Zeicahtiah vawlei cung i khua a sami hna cungah hin zaangfahnak zeitikhmanh ah ka ngei ti lai lo, tiah Bawipa nih a ti. Mi kip kha an innpa le an siangpahrang hna kut tangah ka chiah hna lai i ram cu pakhat hnu pakhat in a rawk lengmang tikah annih cu an kut chung khan ka chanh hna lai lo.

ZEKHARIAH 12:4

Khi ni ah cun rangtum vialte kha ka lauter hna lai i an cung i aa citmi kha ka molhter hna lai, Judah kha cu ka zohkhenh lai, sihmanhsehlaw miphun dang rangtum vialte kha cu an mit ka cawtter hna lai, tiah Bawipa nih a ti.

ZEKHARIAH 14:14

Cu ti i Jerusalem khua chung i i siknak ah cun Judah zong aa tel ve lai i a pawngkam i a ummi miphun hna rumnak cu hloh dih a si lai — sui le ngun le hnipuan tampi hna cu hloh dih an si lai.

BIACEIHTU 7:22

Cun muko za thum kha an tum tikah Bawipa nih ralkap vialte cu anmah le anmah kha an vainam in a tukter ciammam hna i ralkap hna cu Zererah lei i Beth-shittah tiang an zam, Tabbath pawng Abel-meholah ramri tiangin.