ZEKHARIAH 14:11 - Lai (Hakha) Common Language Bible 2006

¹¹ Jerusalem khua chungah khan mi an um lai i a chungah mi um hlah u ti thlauhnak kha zeitikhmanh ah chiah a si ti lai lo; khika ah mi cu hnangam tein an um lai.

ZEKHARIAH 14:11 ပူးပေါင်းရင်းမြစ်များ

ISAIAH 26:1

Hi hla hi Judah ram chungah an sak ni a phan lai: Kan khuapi cu a ṭhawng, Pathian hrimhrim nih a kulhnak cu a ven!

ISAIAH 60:18

Puarṭhawnnak thawng kha theih a si ti lai lo, rawhnak nih na ram cu a hnin ti lai lo. Vampang nih khua a ven bangin kan ven lai i kan huhphenh lai; nangmah cu kan khamh caah na ka thangṭhat lai.

ISAIAH 66:22

“Ka lianhngannak thawngin vawlei thar le van thar cu an hmunh bantukin nan tefa hna le nan min cu an hmun ve lai.

JEREMIAH 31:40

Miruak le hmunhnawm an hlonhnak horkuang kha a ning piin, cun Kidron tiva cung i a ummi lo vialte, nichuahlei, ah Rang Kutka timi tiang kha Bawipa ca i a thiangmi thil an si lai. Khuapi cu ṭheh i hrawh a si ti lai lo,” tiah Bawipa nih a ti.

JEREMIAH 32:37

Ka thin hun le ka thin linh le ka thin han in ka dawinak hna ram vialte chung khan ka pumh ṭhan hna lai i hi hmun ah hin ka ratpi ṭhan hna lai i ahohmanh nih hnahnawh lo tein ka umter hna lai.

EZEKIEL 37:26

Annih kha thluachuahnak pek awk caah anmah he biakamnak ka ser lai i cu biakamnak cu zungzal in an ta a si lai. Tam piin ka karhter hna lai i an lakah cun a zungzal in ka hmunthiang cu ka chiah lai.

JOEL 3:17

“Khi tikah Israel, nangmah nih keimah cu Bawipa Pathian ka si kha na hngalh lai i A thiangmi ka tlang Zion i ka um kha na hngalh fawn lai. Jerusalem cu khua thiang a si lai i Ramdangmi nih an tei bal ti lai lo.

JOEL 3:20

An thahmi hna kha an phu ka hlam hna lai i A thattu hna kha ka luatter hna lai lo. Khi tikah Judah ram le Jerusalem khua cu mi nih an umnak zungzal cang hna lai i, Bawipa cu Zion Tlang cungah khua a sa lai.”

AMOS 9:15

Anmah cu anmahle an vawlei te ah khan ka phun ṭhan hna lai i Ka pekmi hna vawlei khan zeitikhmanh ah phawi an si ṭhan bal ti lai lo, tiah Bawipa nan Pathian nih a chim.”

ZEKHARIAH 12:6

Khi ni ah cun Judah phun hna cu ramlak i meipung bantuk le facang phal a khang dihtu meizik tom bantuk ah ka ser hna lai. Annih nih an pawngkam i a ummi miphun vialte kha, keh he orh he, an khangh dih hna lai i Jerusalem mi tu cu an khua chungah him tein an um lai.

ZEKHARIAH 2:4

a dang vancungmi pakhat amah ton awkah cun a hung chuak i, “Va tli law tlangvalpa khi va chim law, Jerusalem khua cu kulhnak a ngei lomi khua a si lai i a chung i a ummi minung le saṭil cu an tam tuk hringhran lai.

ZEKHARIAH 8:13

Judah innchungkhar le Israel innchungkhar hna, nannih cu miphun vialte hna sinah chiatserhnak hmelchunhnak kha nan rak si; sihmanhsehlaw atu cu kan khamh hna lai i thluachuahnak hmelchunhnak nan si cang lai. Lung ṭhawng in um u, nan thin phang hlah u!

ZEKHARIAH 8:4

Mah hihi ralkapbu Bawipa bia cu a si: “Jerusalem khua chung lam hna ah cun nutar le patar hna kha an ṭhu ṭhan lai, an kum a upat caah ṭhiangṭhunh kha an i hngauhchan cio lai;

ZEKHARIAH 8:8

“Zohhmanh, ka mi hna cu nichuahlei ram le nitlaklei ram in ka chuah hna lai i Jerusalem khua chung i um awkah ka kirpi hna lai. Annih cu ka mi an si lai i biatak le dinnak in kei cu an Pathian ka si lai,” tiah a ti.

NAMBAR 21:3

Cun Bawipa nih Israel mi hna aw cu a ngaih i Kanaan mi hna cu an kut ah a pek hna; anmah le an khua hna cu an hrawh cikcek hna; cucaah cuka hmun cu Hormah tiah ti a si.

DEUTERONOMI 33:28

Cucaah rawl le mitsur hang a tamnak ram ah cun Israel cu him tein a um, Jakob cerhti cu amah tein a um, Asi, a van hna zongin dap an tla.

BIAPHUAN 21:4

An mitthli vialte kha a hnawh dih hna lai. Thihnak a um ti lai lo, ngaihchiatnak le ṭahnak le fahnak zong a um ti lai lo. Thil hlun vialte cu an lo dih cang,” a ti.

BIAPHUAN 22:3

Pathian nih chiat a serhmi thil paohpaoh cu cu khua chungah cun an um kho lai lo. Pathian bawiṭhutdan le Tuufa bawiṭhutdan cu khuapi chungah cun a um lai i a rianṭuantu hna nih khan an biak lai.