ZEKHARIAH 14:10 - Lai (Hakha) Common Language Bible 2006

¹⁰ Ram cu a ning piin Geba in Timmon thlanglei tiang a rawnmi Arabah ram bantukin a rawn lai; sihmanhsehlaw Jerusalem cu amah a hmunte ah khan sang piin a dir ko lai, Benjamin Kutka in A Kil Kutka timi tiang cucu hmasa deuh kutka a rak dirnak hmun kha a si. Hananel Innsang in Siangpahrang mitsur nennak tiang, a chungah mi an khat lai.

ZEKHARIAH 14:10 ပူးပေါင်းရင်းမြစ်များ

1 SIANGPAHRANG 15:22

Cun Siangpahrang Asa nih Judah ram dihlak ah thawng a thanh hna, pakhat hmanh an luat lo, Ramah khua sernak ah Baasha nih a rak hmanmi lung le thing vialte kha an thiar dih i cu thingrua cun Siangpahrang Asa nih Mizpah khua le Benjamin ram i Geba khua kha a ser hna.

2 SIANGPAHRANG 14:13

Cun Beth-shemesh ah cun Israel siangpahrang Jehoash nih khan Judah siangpahrang Amaziah cu a tlaih, amah cu Joash fapa a si, Joash cu Ahaziah fapa a si. Cun Jerusalem ah a ra i ralhau kha Efraim Kutka in Kulhnak Kil Kutka tiang dong zali a chimh.

1 CHANRELNAK 4:32

Cun an khuate hna cu Etam, Ain, Rimmon, Tokhen, le Ashan, khua panga,

1 CHANRELNAK 6:77

Merari mi a tang rihmi hna cu mah hihi pek an si: Zebulun phun chungin, Rimmono le a saṭil tlonnak ram hna, Tabor le a saṭil tlonnak ram hna,

2 CHANRELNAK 25:23

Cun Israel siangpahrang Jehoash nih Ahaziah fapa Joash fapa Amaziah, Judah siangpahrang cu Beth-shemesh ah a tlaih i Jerusalem ah a kalpi i Jerusalem khua kulhnak vampang cu dong za li, Efraim Kutka in Kil Kutka tiang a chimh.

2 CHANRELNAK 26:9

Cuhleiah Jerusalem ah cun Kil Kutka le Nelrawn Kutka le kulhnak vampang a kawinak ah khan innsang a sak hna i a kulh hna.

NEHEMIAH 12:39

Changreu Rawhnak Innsang kha kan lonh i Vampang Kau kha kan phan, Efraim Kutka kha kan lonh i Jeshanah Kutka le Nga Kutka chak khan kan kal i Hananel Innsang le Za Innsang pawng khan Tuu Kutka tiang kan kal; cun Cawngtu hna Kutka ah khan an dir.

NEHEMIAH 3:1

Khi tikah tlangbawi ngan Eliashib kha a unau tlangbawi hna he khan an tho i Tuu Kutka kha an remh. An thianter i a innka kha an bunh hna; Za Innsang timi tiang khan an hei remh, Hananel Innsang timi tiang khan, cun an thianter.

ISAIAH 10:29

Maabarah pawng khan an lan i Geba ah zan khat an riak. Ramah khuami hna cu an lau dih i Siangpahrang Saul Siangpahrang khua Gibeah khuami hna kha an zam dih.

ISAIAH 2:2

Hmailei caan pi ah cun Bawipa biakinn a dirnak tlang hi tlang vialte lakah a sang bik tlang a si lai. Miphun vialte kha cuka ah cun an ra luaimai lai i

JEREMIAH 20:2

Jeremiah cu fung in a tuk i hreng a khenh i Bawipa inn chung i Cunglei Benjamin Kutka timi ah khan a chiah.

JEREMIAH 30:18

Bawipa nih hitin a ti: Zohhmanh, Jakob tefa hna cu an vanṭhatnak kha ka pek ṭhan hna lai i An umnak kip ah khan ka dawtnak kha ka hmuhsak hna lai. Khua cu an rawknak mual cungah khan sak an si ṭhan cio lai i Inn kip chungah khan a rak um tawnmi chungkhar kha an um ṭhan cio hna lai.

JEREMIAH 37:13

Cun Benjamin kutka a phak tikah khan, ralvengtu pakhat a min Irijah a simi nih profet Jeremiah cu, “Khaldi mi hna sinah zam naa tim,” tiin a ti i a tlaih. Irijah cu Shelemiah fapa a si i Shelemiah cu Hananiah fapa a si.

JEREMIAH 38:7

Cun Ethiopia mi, tildit Ebed-melek, siangpahrang innchung i a ummi nih, Jeremiah cu tikhor chungah an thlak ti kha a theih tikah, siangpahrang cu Benjamin Kutka i a ṭhut lioah khan

AMOS 9:11

Khi ni ah cun a tlu cangmi David thlam cu ka tun ṭhan lai; A vampang a awnnak hna cu ka phih hna lai i A rawhnak hna cu ka remh ṭhan hna lai; Hlanlio i a rak siningte ah khan ka ser ṭhan lai i

MIKAH 4:1

Hmailei caan ah cun Bawipa inn a umnak tlang cu tlang vialte lakah a sang bik a si lai; Cu tlang ah cun mi tampi kha an ra lai, phun tampi kha an ra lai i,

ZEKHARIAH 12:6

Khi ni ah cun Judah phun hna cu ramlak i meipung bantuk le facang phal a khang dihtu meizik tom bantuk ah ka ser hna lai. Annih nih an pawngkam i a ummi miphun vialte kha, keh he orh he, an khangh dih hna lai i Jerusalem mi tu cu an khua chungah him tein an um lai.

ZEKHARIAH 2:4

a dang vancungmi pakhat amah ton awkah cun a hung chuak i, “Va tli law tlangvalpa khi va chim law, Jerusalem khua cu kulhnak a ngei lomi khua a si lai i a chung i a ummi minung le saṭil cu an tam tuk hringhran lai.

ZEKHARIAH 8:3

Cun Bawipa nih, “Atu cu Zion ah khan ka ra kir ṭhan cang i Jerusalem ah khan ka um lai. Jerusalem cu Zumhtlak Khualipi ti a si lai i ralkapbu Bawipa tlang cu Tlang Thiang ti a si lai.” tiah a ti.

JOSHUA 15:32

Lebaoth, Shilhim, Ain, le Rimmon; a zapi ah khuapi pakul le pakua an si, an khuate hna he.

JOSHUA 21:17

cun Benjamin phun chungin Gibeon le a saṭil tlonnak ram hna, Geba le a saṭil tlonnak ram hna,

BIACEIHTU 20:45

Cun an i mer i ramlak lei Rimmon lungpi leiah khan an zam; lampi ah mi thong nga an thi i Gidom tiangin fak piin dawi an si i mi thong hnih an thi.

BIACEIHTU 20:47

Sihmanhsehlaw mi za ruk cu an i mer i ramlak lei Rimmon lungpi leiah khan an zam i Rimmon lungpi ah khan thla li an um.

BIACEIHTU 21:13

Cun aa pummi vialte nih cun Rimmon lungpi i a ummi Benjamin mi sinah khan bia an hei cah hna i annih kha remnak bia an thanh hna.