ZEKHARIAH 13:9 - Lai (Hakha) Common Language Bible 2006

⁹ Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

ZEKHARIAH 13:9 ပူးပေါင်းရင်းမြစ်များ

2 SAMUEL 7:24

Na mi Israel cu zungzal in nangmah mi si awkah nangmah nih na caah na fehter i nangmah cu maw Bawipa, an Pathian ah na cang cang.

JOB 23:10

Sihmanhsehlaw ka ṭuan ah siseh, kaa dinh ah siseh, a ka hngalh ko, A ka hneksak dih tikah, sui ka si kha a lang.

JOB 28:1

“Ngun cawhnak khor an um i mi nih sui an ernak hmun a um;

SALM 144:15

Hi bantukin a ummi miphun cu aa lawmmi miphun an si; an Pathian ah Bawipa a simi hna cu, lunglawmmi an si.

SALM 43:4

Cun Pathian, nangmah nih lunglawmhnak le thanuamnak na ka pek caah, na biakṭheng ah cun ka hung kal lai; ka tingtang cu kaa tum lai i nangmah thangṭhatnak cu hla in ka sa lai, Maw Pathian, ka Pathian.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

SALM 91:15

An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai.

PHUNGTHLÛKBIA 17:3

Sui le ngun cu mei in hneksak an si, minung lung cu Bawipa nih a hneksak.

SOLOMON HLA 2:16

Ka dawtte aw nang ka ta si i kei zong nang ta si ve ci, Lenter hna law na tuurun hna cu lili pangpar hna lakah.

ISAIAH 43:2

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

ISAIAH 48:10

Ngun cu somei chungah hneksak a si bangin temhinnak mei chungah khan kan hneksak hna. Asinain santlailo nan rak si.

ISAIAH 58:9

Thla nan cam tikah kan leh hna lai. Nan ka chawnh tikah kan chawnh ve hna lai. “Hremnak le nautatnak le holh ṭha lo kha nan ngol i

JEREMIAH 24:5

“Hi bangin Bawipa Israel Pathian nih a ti: Hi ram in Khaldi mi hna ram ah ka kaltermi hna Judah ram mi hna sal i a tangmi hna hi, hi theipi ṭha bantuk ah hin ka rel hna lai.

JEREMIAH 30:22

Cucaah nannih cu ka mi nan si lai i Kei cu nan Pathian ka si lai.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

JEREMIAH 32:38

Annih cu ka mi an si lai i kei cu an Pathian ka si lai.

JEREMIAH 9:6

Palhnak kha palhnak nih a zulh chin lengmang i Hlennak kha hlennak nih a zulh chin lengmang. Keimah hngalh kha an duh lo, tiah Bawipa nih a ti.

EZEKIEL 11:20

Cun ka phung kha an zulh lai i ka nawlbia kha an tuah lai. Annih cu ka mi an si lai i kei cu an Pathian ka si lai.

EZEKIEL 14:11

Keimah sin i an ṭannak khan Israel mi cu zeitikhmanh ah an tlau ti lai lo i an cungah thurhhnawmhnak an i tlunter ti lai lo; annih cu ka mi an si cang lai i kei cu an Pathian ka si lai. Mah hihi Bawipa Pathian bia hrimhrim a si,” tiah a ti.

EZEKIEL 20:38

Keimah a ka dohtu le a ka raltu kha nan sinin ka ṭhawl hna lai. Atu i an umnak ram chung hin ka lak hna lai, sihmanhsehlaw Israel mi ram cu an ke nih a lam lai lo. Cuticun Bawipa ka si kha nan hngalh lai.

EZEKIEL 36:28

Nan pupa ka pekmi hna ram chungah nan um lai i nannih cu ka mi ah nan i cang lai i kei cu nan Pathian ah ka cang lai.

EZEKIEL 37:27

Cun ka umnak thladem toiah khan an um lai; kei cu an Pathian ka si lai i annih cu ka mi an si lai.

DANIEL 11:35

Hi hruaitu hna lakah hin a cheu cu thah an si lai i annih cu hneksak cikcek le thianh an si lai i a vaar in an vaar lai. Asinain caan khiahmi cu a donghnak a phan ṭhiamṭhiam ve lai.

DANIEL 12:10

Mi tampi cu an i thianh lai i an thiang lai, vaar virver in an um lai, sihmanhsehlaw miṭhalo hna nih cun an hngal lai lo i ṭhat lonak kha an tuah lengmang ko lai, hruaitu fim hna lawng nih khan an hngalh lai.

JOEL 2:32

Sihmanhsehlaw Bawipa kha bawmhnak a halmi paoh nih khamhnak an hmuh lai. Bawipa nih a chim bangin, Zion Tlang cungah le Jerusalem khuachung ka khatkhat ah, a luatmi hna cu an um lai. Bawipa nih a thimmi hna cu an nung lai.”

LEVITIKAS 26:12

Nan sinah kaa chawk lai i kei cu nan Pathian ka si lai i nannih cu ka mi nan si lai.

ZEKHARIAH 10:6

Judah innchungkhar cu ṭhawnnak ka pek hna lai i Josef innchungkhar cu teinak ka pek hna lai; Annih cu ka zaangfah hna caah ka kirpi ṭhan hna lai i, Rak hlonh bal hna hlah ning law, cu bantuk cu an si lai; Zeicahtiah keimah cu Bawipa an Pathian ka si i an ka halnak cu ka leh hna lai.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

ZEKHARIAH 8:8

“Zohhmanh, ka mi hna cu nichuahlei ram le nitlaklei ram in ka chuah hna lai i Jerusalem khua chung i um awkah ka kirpi hna lai. Annih cu ka mi an si lai i biatak le dinnak in kei cu an Pathian ka si lai,” tiah a ti.

LAMKALTU 2:21

Cu tikah Bawipa min a aumi paoh cu khamhnak an hmu lai,’ a ti.

HEBRU 8:10

Hmailei ah Israel mi hna sin i ka tuah dingmi biakamnak cu hihi a si lai, tiah Bawipa nih a ti. Ka nawlbia cu an hngalhnak chungah ka chiah hna lai i an lung chungah ka ṭial hna lai. Keimah cu an Pathian ka si lai i annih cu ka mi an si lai.

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

1 PETER 4:12

Ka dawtmi ka hawile hna, a fakmi temhinnak nan in caah hin, nan khuaruahhar hlah u, kan cungah a um bal theng lomi thil a tlung tiin ruat hlah u.

BIAPHUAN 21:7

Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.

BIAPHUAN 8:10

Vancungmi pathumnak nih khan a muko cu a vun tum, meifar alh bantuk a simi arfi nganpi pakhat cu van in, tiva cheu thum cheu khat le cerh cheu thum cheu khat cungah, a rung tla.

BIAPHUAN 8:11

(Cu arfi cu a min ah ‘A kha’ ti a si). Ti cu cheu thum cheu khat a kha i, ti cu a khaat caah cu ti a dingmi cu mi tampi an thi.

BIAPHUAN 8:12

Cun vancungmi palinak nih a muko cu a vun tum, nika cu cheu thum ah cheu khat a beuh i thlapa zong cheu thum ah cheu khat a beuh ve, arfi zong cheu thum ah cheu khat an lo fawn. Cucaah cun an ceunak cu cheu thum ah cheu khat a zor i chun ah ṭhen thum ṭhen khat chung a mui i zan zongah ṭhen thum ṭhen khat chung ceunak a um lo.

BIAPHUAN 8:7

Vancungmi pakhatnak nih khan a muko cu a vun tum, rial le mei, thisen he aa cawhmi a sur in vawlei cungah an sur. Vawlei cheu thum cheu khat kha a kang dih, thingkung cheu thum cheu khat kha an kang i ram hring vialte kha an kang dih.

BIAPHUAN 8:8

Vancungmi pahnihnak nih khan a muko cu a vun tum, tlang nganpi a alh hluahmahmi bantuk khi rili chungah a tla. Rili cheu thum cheu khat kha thisen ah a cang i

BIAPHUAN 8:9

rili chung i a ummi thilnung cheu thum cheu khat kha an thi, cun sangphawlawng cheu thum cheu khat kha an rawk.