ZEKHARIAH 12:4 - Lai (Hakha) Common Language Bible 2006

⁴ Khi ni ah cun rangtum vialte kha ka lauter hna lai i an cung i aa citmi kha ka molhter hna lai, Judah kha cu ka zohkhenh lai, sihmanhsehlaw miphun dang rangtum vialte kha cu an mit ka cawtter hna lai, tiah Bawipa nih a ti.

ZEKHARIAH 12:4 ပူးပေါင်းရင်းမြစ်များ

1 SIANGPAHRANG 8:29

zeitintiah nangmah nih, ‘Khika ah ka min a um lai,’ tiin na rak timi, hi inn leiah hin chunzan in na mit na au nakhnga le hi inn lei hoih in na salpa nih thla ka cammi hi na theih nakhnga.

2 SIANGPAHRANG 6:14

Cucaah khika ah rang hna le rangleng hna le ralkapbu nganpi a thlah i zan ah an ra i khua cu an dum.

2 SIANGPAHRANG 6:18

Cun Siria mi nih an run fuh tikah Elisha nih Bawipa sinah thla a cam i, “Hi mi hna hi, an mit cawtter ko hna,” tiah a ti. Cucaah Elisha thlacamning khan, an mit a cawtter hna.

2 CHANRELNAK 6:20

zeitintiah nangmah nih na min chiahnak caah bia na kammi hmun, hi inn leiah hin chun zan in na mit na chiah nakhnga le hi inn lei hoih in na salpa nih thla ka cammi hi na theih nakhnga.

2 CHANRELNAK 6:40

Maw ka Pathian, hi hmun thlacamnak hi run hmu ko sawh law, run thei ko sawh.

2 CHANRELNAK 7:15

Cun hi hmun i thla an cammi cu ka mit nih a hmuh lai i ka hna nih a theih lai.

NEHEMIAH 1:6

Israel mi hna nih nangmah cungah kan sual cang i cu sualnak cu phuang in na sal Israel mi hna caah chun zan in nangmah hmaiah thla ka cammi hi theih awkah na hna in ka ngaihpiak law, na mit in ka hmuhpiak ko sawh. Asi, keimah le ka pa innchungkhar hna cu kan sual cang.

ISAIAH 24:21

Bawipa nih cunglei ṭhawnnak le vawlei cung uktu hna kha dan a tat hna lai ni a phan lai.

ISAIAH 37:17

Atu cu Bawipa, kan thlacamnak hi kan theihpiak law kannih cu run kan zoh tuah. A nungmi Pathian nangmah serhsatnak bia Sennakherib nih a chimmi vialte hi ngai tuah.

JEREMIAH 24:6

An cungah ṭhatnak tuah dingin ka zohkhenh hna lai i an ram ah hin ka kirter ṭhan hna lai; ka sersiam hna lai i ka ṭhet hna lai lo, ka phun hna lai i ka phawi hna lai lo.

EZEKIEL 38:4

Nangmah le na ralkapbu pi hna cu kan kalpi hna lai, na rangtum hna le na rangcung ralkap hna, ralthuam tling tein aa thuammi na mi hna, phaw le nam he a ummi ralkapbu nganpi, vainam aa thlir ciomi ralkap hna;

EZEKIEL 39:20

Ka cabuai ah cun rangtum le an cung i aa citmi ralkap hna le raltu miphun vialte hna sa kha vuai tein ei tuah u,’ ti hna,” tiah a ka ti. Mah hihi Bawipa Pathian bia hrimhrim a si.

DANIEL 9:18

Maw Pathian, na hna chi law kan theihpiak law kan zohpiak law kan ṭiaonak le na min a pumi khua cu kan hmuhpiak ko sawh; kannih nih dinnak kan tuahmi thawngin si hin loin nangmah na vel thawng lawngin kan thlacamnak na hmai i kan rak chuahpinak cu a si.

ZEKHARIAH 10:5

Annih cu ralkap bantuk an si lai i raltuk hmun lam cet lak i aa nang lenmi bantuk an si lai; Bawipa cu an sinah a um caah an ral kha an tuk hna lai i Rangcung ralkap hna kha ningzak in an hloh hna lai.

ZEKHARIAH 12:11

Khi ni ah cun Jerusalem khua chung i ṭahnak cu Megiddo nelrawn i a ummi hmun Hadad-rimmon i an ṭahnak tluk khan a ngan lai.

ZEKHARIAH 12:3

Vawlei cung miphun vialte nih Jerusalem le Judah kha an kulh hna tikah, cu ni ah cun Jerusalem cu aho ca hmanh i ṭhial awkah a rit tukmi lungtum ah ka ser lai i cawi aa zuammi paoh cu anmah tu kha an i hliam lai.

ZEKHARIAH 12:5

Khi tikah Judah phun hna nih khan, “Jerusalem khua chung i a ummi hna nih cun ralkapbu Bawipa an Pathian sin khan thazang an hmu,” an ti lai.

ZEKHARIAH 12:6

Khi ni ah cun Judah phun hna cu ramlak i meipung bantuk le facang phal a khang dihtu meizik tom bantuk ah ka ser hna lai. Annih nih an pawngkam i a ummi miphun vialte kha, keh he orh he, an khangh dih hna lai i Jerusalem mi tu cu an khua chungah him tein an um lai.

ZEKHARIAH 14:15

Cun rang le khacer le kalauk le laa hna le cu ralkapbu hna nih an hmanmi saram vialte cu thah an si dih lai.

ZEKHARIAH 9:8

Ka ram cu ka ven lai i a chungin ralkap kha ka kalter hna lai lo, Cun mi hrem hmangmi hna kha ka mi cu hrem ka sianh ti hna lai lo. Ka mi hna nih nganfahnak an in kha ka mit hrimhrim in ka hmuh cang.

LAMKALTU 17:30

Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

DEUTERONOMI 28:28

Bawipa nih hruhnak le mitcawtnak le molhnak in an hrem hna lai i,