ZEKHARIAH 12:12 - Lai (Hakha) Common Language Bible 2006

¹² Ram cu a ṭap lai i innchungkhar hna cu anmah le an innchungkhar ning cio ah an ṭap lai: David innchungkhar cu amahte in a ṭap lai i an nupi hna cu anmahte in an ṭap cio lai; Nathan innchungkhar cu amahte in a ṭap lai i an nupi hna cu anmahte in an ṭap cio lai.

ZEKHARIAH 12:12 ပူးပေါင်းရင်းမြစ်များ

2 SAMUEL 12:1

Cun Bawipa nih Nathan kha David sinah a hei thlah. Amah sinah cun a ra i, “Khua pakhat ah hin mi pahnih an um i pakhat cu a rummi a si i pakhat cu sifakmi a si.

2 SAMUEL 5:14

Cun Jerusalem ah a hrinmi hna an min cu mah hihi an si: Shammua, Shobab, Nathan, Solomon,

EXODUS 12:30

Faro le a bawi vialte hna le a mi vialte hna cu zan ah cun an tho i fak piin an ṭap, zeicahtiah mithi a um lonak inn pakhat hmanh a um lo.

JEREMIAH 13:18

Siangpahrang le a nu sinah cun, “Nan i porhlawtnak nan bawiluchin cu nan lu cungin an tlak cang caah Ṭhutdan niam ah ṭhu tuah u,” va ti.

JEREMIAH 3:21

Tlangpar kawng i ṭah thawng cu ngai hmanh. Israel mi hna nih zaangfah hal in an aunak aw cu! Zeicahdah hitin a si ti ahcun, annih nih lam kawi kha an zul i Bawipa an Pathian kha an philh caah a si.

JEREMIAH 31:18

Israel mi hna nih ngaihchia in, ‘Bawipa, kannih cu a hrang i a lung a khongmi cawtum bantuk kan si, sihmanhsehlaw nangmah nawl zulh kha na kan cawnpiak; Kan hruai ṭhan law kan ra kir ko lai; nangmah cu Bawipa, kan Pathian na si.

JEREMIAH 4:28

Cucaah vawlei cu a ngaih a chia lai i cunglei van hna cu an nak dih lai; Keimah nih ka chim cang i ka timh cangmi a si caah Kaa ngaihchih lai lo i ka lung zong kaa let lai lo.”

JOEL 2:16

Hmun khat ah mi kha pum hna u, a thiangmi pumhnak kha tim u, Upa kha au hna u, ngakchia kha pum hna u, hnuktlai lio ngakchia zong kha pum hna u. Aa ṭhi kate mi hna hmanh kha an khaan chung khan ra chuak hna seh law ra hna seh.

ZEKHARIAH 12:11

Khi ni ah cun Jerusalem khua chung i ṭahnak cu Megiddo nelrawn i a ummi hmun Hadad-rimmon i an ṭahnak tluk khan a ngan lai.

ZEKHARIAH 12:13

Levi innchungkhar cu amahte in a ṭap lai i an nupi hna cu anmahte in an ṭap cio lai;

ZEKHARIAH 7:3

Bawipa inn chung i a ummi tlangbawi hna sinah khan le profet hna sinah khan, “Kum hi zat chung riangruang ka tuah tawn bangin, thla nganak thla ah hin ngaihchia le i sum in maw um awk ka si ko rih lai?” tiah an ti awk a si lai.

MATTHAI 24:30

Cun Mi Fapa hmelchunhnak kha van ah a lang lai; khi tikah vawlei cung miphun vialte kha an ṭap lai i Mi Fapa cu lianhngannak le sunparnak he vancung in a rat kha an hmuh lai.

LUKA 3:31

Eliakim cu Melea fapa a si, Melia cu Menna fapa a si, Menna cu Mattatha fapa a si, Mattatha cu Nathan fapa a si, Nathan cu David fapa a si,

1 KORIN 7:5

Kan caan cu thlacamnak ah hman kan duh tiin pakhat le pakhat kha i reem hlah u; nan pahnih in caan khatkhat chung kha cuticun kan um lai tiah hnatlaknak nan ngeih hmasa ṭung lo ahcun; cu hmanh ah nan i sum khawh lo sual i Satan tukforhnak chungah nan tlak nakhnga lo, nu le va sinak kha thawk ṭhan ko u.

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.