ZEKHARIAH 12:10 - Lai (Hakha) Common Language Bible 2006

¹⁰ sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

ZEKHARIAH 12:10 ပူးပေါင်းရင်းမြစ်များ

GENESIS 45:1

Josef cu a zimuaitu hna hmaiah khan aa sum kho ti lo i, “Chuak dih hna seh,” tiah a au. Josef nih a unau pawl kha aho a si a chimh hna lioah hin ahohmanh midang a sinah an um lo.

GENESIS 45:2

A ik kha a than caah Izipt mi nih khan an rak theih ve i siangpahrang inn ah khan thawng cu a va thang.

SALM 51:12

Na khamhnak chungin a chuakmi lawmhnak kha ka pe ṭhan law ka lungthin cu nangmah nawl zulh duhmi ah ser ko.

PHUNGTHLÛKBIA 1:23

Kan chimhhrin hnanak kha nan ngaih ahcun ruahnak kha kan cheuh hna lai i Ka bia kha kan cawnpiak hna lai.

PHUNGTHLÛKBIA 4:3

Ka pa caah ngakchia ka rak si i ka nu caah fapa dawt, a nomi ka rak si tikah khan,

ISAIAH 32:15

Asinain Pathian nih voi khat cu a thlarau kha a kan thlahhnawh ṭhan lai. Zeihmanh a ṭhahnem lomi hmun kha vawlei ṭha ah a cang ṭhan lai i lo chungin rawl tampi a chuak ṭhan lai.

ISAIAH 45:22

Vawleicung mi vialte hna, keimah leiah khan i mer u law khamhnak hmu u. Keimah lawnglawng hi Pathian cu ka si ko.

JEREMIAH 31:19

Na sinin kan rak pial cang, sihmanhsehlaw ra kir ṭhan zau kha kan duh. Kannih kha dan na kan tat hnuah cun ngaihchia in kan lu lawng kan khun ko. Kannih nih kan no lioah kan rak sual caah khan ningzahnak le hmaichiatnak kha kan rak tong,’ an ti kha ka theih.

JEREMIAH 31:9

Inn ah an ra tlung, an tlun pah in an ṭap, Sihmanhsehlaw ka hnemh hna lai i keimah cu a cawngtu hna ka si lai. A luangmi tiva ah ka hruai hna lai; An lam kha a mil tuk caah an tlu an ril lai lo. Zeicahtiah keimah cu Israel mi caah an pa ka si cang i Efraim cu ka fapa upa bik a si.

JEREMIAH 50:4

Khi ni le khi caan ah cun Israel mi hna le Judah mi hna cu hmun khat ah an ra ṭi lai i Bawipa an Pathian cu mitthli he an kawl lai;

JEREMIAH 6:26

Maw ka mi hna fanu, buri i aih law vutcam i phulh tuah; Fapa ngeih chunte a thih i an ṭah bantukin fak piin ṭap tuah, Zeicahtiah a kan hrawktu ding nih a kan tuk dengmang cang.

EZEKIEL 20:43

Khika ah nannih nih hlanlio nan umtuning le nan i thurhhnawmhnak thil ṭhalo vialte kha nan hngalh hna lai i thil ṭhalo nan rak tuahmi vialte ruangah khan nan i fih lai.

EZEKIEL 37:14

Khi tikah ka thlarau cu nan chungah ka chiah lai i nan nung lai i nan vawleite ah khan kan umter hna lai i hi bia cu Bawipa nih ka chimmi a si i tuah zong ka tuah laimi a si ti kha nan hngalh lai. Mah hihi Bawipa bia hrimhrim a si,” a ti.

EZEKIEL 39:29

Israel mi hna cungah ka thlarau kha ka thlet lai caah annih cu ka hmai kha ka thuhkanh ti hna lai lo, tiah Bawipa Pathian nih a ti.

AMOS 8:10

Nan puai cu ṭahnak ah ka ser hna lai i Nan hla hna cu mithi ngaihnak hla ah ka canter hna lai. Nannih cu nan dihlak in buri kha kan kaihter hna lai i nan lu kha kan kawngh dih hna lai. Fapa ngeih chunte a thih i an ṭah bantuk ah khin nan puai cu ka ser lai, A donghnak cu a khaat in a khami ni a si lai.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

NAMBAR 21:9

Cucaah Moses nih dar rul pakhat a ser i tung cungah a tar; cun, rul nih pakhatkhat a cuk hna tikah, dar rul cu an zoh ahcun an nung.

MATTHAI 24:30

Cun Mi Fapa hmelchunhnak kha van ah a lang lai; khi tikah vawlei cung miphun vialte kha an ṭap lai i Mi Fapa cu lianhngannak le sunparnak he vancung in a rat kha an hmuh lai.

MATTHAI 26:75

Peter nih cun Jesuh nih, “Ar a khuan hlanah ‘Amah cu ka hngal lo,’ tiah voi thum na ka ti lai,” tiah a rak chimmi kha a lung ah a hung pem. A chuak i fak piin a ṭap.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

LAMKALTU 10:45

Judah mi lakah zumtu, Joppa khua in Peter a run zul vemi hna nih khan Jentail mi cung zongah Pathian nih a Thiang Thlarau laksawng kha a toih ve ko ti an hmuh tikah an khuaruah a har.

LAMKALTU 11:15

Cun an sinah bia ka chim tikah khan, a hramthawk i kan cungah a rak tlun bantukte khan, an cungah cun Thiang Thlarau kha a tlung ve.

LAMKALTU 2:17

‘Ni hmanung bik ah cun mi vialte kha ka Thlarau ka toih hna lai. Nan fapa hna le nan fanu hna nih bia an chim lai; Nan tlangval hna nih langhnak an hmuh lai i Nan tar hna nih mang an manh lai.

LAMKALTU 2:33

Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

LAMKALTU 2:37

Hi kong kha an theih tikah an lungthin a hriah ngaingai hna i Peter le lamkaltu dang kha an thawh hna i, “U le nau hna, zeidah kan tuah kun lai?” an ti.

ROM 8:15

Pathian nih an pekmi hna Thlarau cu sal i an canter ṭhantu hna ding thlarau a si lo, ther lengmang le phang lengmang i nan rak nunning ah an kalpi ṭhantu hna ding zong a si fawn lo. Pathian fa ah a kan sertu ding tu kha a si i amah nih cun Pathian kha, “Ka Pa, ka Pa,” tiah a kan auhter khawh.

ROM 8:26

Cu bantuk ṭhiamṭhiam cun, a der ngaingaimi kan si caah, Thlarau zong cu kanmah bawmh awkah khan a ra. Zeiti hin dah thla kan cam awk a si ti hmanh kan hngalh lo caah bia in chim khawh lomi hram-ainak in Thlarau nih Pathian cu a kan nawlpiak.

EFESA 6:18

Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

JUDAS 1:20

Sihmanhsehlaw ka hawile hna, nannih cu a thiang bikmi nan zumhnak cungah khan fek chin lengmang in i sa chin lengmang ko u. Thiang Thlarau ṭhawnnak thawng khan thlacam u law

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.

1 SAMUEL 7:2

Kiriath-jearim ah kuang kha a phak ni in, khika ah caan saupi, kum kul tluk a um; cun Israel innchungkhar vialte nih Bawipa kha an ngai ṭhan.