ZEKHARIAH 11:6 - Lai (Hakha) Common Language Bible 2006

⁶ Zeicahtiah vawlei cung i khua a sami hna cungah hin zaangfahnak zeitikhmanh ah ka ngei ti lai lo, tiah Bawipa nih a ti. Mi kip kha an innpa le an siangpahrang hna kut tangah ka chiah hna lai i ram cu pakhat hnu pakhat in a rawk lengmang tikah annih cu an kut chung khan ka chanh hna lai lo.

ZEKHARIAH 11:6 ပူးပေါင်းရင်းမြစ်များ

SALM 50:22

“Zei i a ka rel lomi hna, hihi ngai tuah u, nan ngaih lo ahcun kan hrawh hna lai i ahohmanh nih an in khamh kho hna lai lo.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

ISAIAH 3:5

Pakhat le pakhat an i rial lai. Mino nih upa kha an hmaizah hna lai lo i zeiruaramlo pawl nih khan an cung mi kha zeihmanh ah an rel hna lai lo.

JEREMIAH 13:14

Cun ralca pakhat le pakhat an i khawn bantukin annih cu ka den cikcek hna lai, pale zong hual lo, fapa hna zong hual loin. An cungah zaangfahnak siseh, velngeihnak siseh, nemnak siseh, ka ngei lai lo; annih hrawh kha kaa sum hrimhrim lai lo,” tiah Bawipa nih a ti.

ṬAHNAK HLA 2:21

Khuachung lam ah khin mino he micang he an ril liangluang ko. Ka ngaknu thiang hna le ka tlangval hna cu vainam le rai in an tlu cang; Nangmah nih na thinhun ni ah na thah hna i zaangfahnak um loin na thah hna.

ṬAHNAK HLA 5:8

Sal hna cu kan uktu ah an i cang i annih sinin a kan chuahtu ahohmanh an um lo.

EZEKIEL 8:18

annih cu ka thinhun in ka merhnawh hna lai i ka zaangfah hna lai lo i ka zuah fawn hna lai lo. Thang piin ka au hna hmanh seh law ka ngai lai lo,” tiah a ti.

EZEKIEL 9:10

Sihmanhsehlaw ka zaangfah bal hna lai lo i ka zuah bal hna lai lo. An tuahmi thil vialte kha zei ruangah dah an tuah, tiah ka chimter hrimhrim hna lai,” tiah a ti.

HOSEA 1:6

Fa a pawi ṭhan i fanu a hrin i Bawipa nih a thawh i, “A min ah Lo-ruhamah tiah sak tuah, Zeicahtiah Israel cu ka hram bal ti lai lo i ka ngaihthiam bal ti lai lo,” tiah a ti.

HOSEA 2:10

Cuticun zei bantuk mihur dah a si kha ka langhter lai i Ahohmanh nih ka sinin amah fir kha an duh ti lai lo.

MIKAH 5:8

Israel mi a cheukhat cu miphun hna lakah khan, Tu chung le phong i rawl a kawlmi chiandeih bantukin an si lai; Tuurun lak i thlahmi chiandeih no bantuk an si lai. An lakah khan a vung lut i a nam hna i a thleh a bauh dih hna i anmah chanhtu ding ahohmanh an um lo.

MIKAH 6:14

A ei cu nan ei lai, sihmanhsehlaw nan khim lai lo, nan rawl a ṭam ṭhiamṭhiam ko lai. Nau nganfahnak cu nan in lai, sihmanhsehlaw fa cu nan hring hna lai lo, Cun nan hrin hna hmanh ah vainam sin tu ah khan ka pek hna lai.

HAGGAI 2:22

pennak bawiṭhutdan hna hi ka hninh dengmang cang hna; miphun hna ṭhawnnak cu ka hrawh dengmang cang i an rangleng hna le an cung i aa citmi ralkap hna cu ka thluk dengmang cang hna; cun rangtum hna le an cung i aa citmi ralkap hna cu anmah le an hawi vainam cio khan an thi lai,’ tiah ralkapbu Bawipa nih a ti.

ZEKHARIAH 11:14

Khi tikah ka fung a pahnihnak Fonhnak timi kha tan hnih ah ka tan i Judah le Israel karlak i unau sinak a ummi kha ka hrawh.

ZEKHARIAH 11:5

A cawtu hna nih khan an thah hna lai i mawhchiatnak zeihmanh an hmu lai lo; cun a zuartu hna nih khan, “Bawipa cu thangṭhat si ko seh, kan rum cang!” an ti lai. A khaltu tuukhal hna nih khan an cungah zaangfahnak an ngei lai lo.

ZEKHARIAH 11:9

Cun tuurun cu ka thawh hna i, “Nannih cu kan cawng ti hna lai lo, a thi ding cu thi ko u, a tlau ding cu tlau ko u, cun a tangmi cu pakhat le pakhat i ei dih ko u,” ka ti.

ZEKHARIAH 14:13

Khi ni ah Bawipa nih a thlahmi ṭihnak nganpi nih a tlunhnawh hna lai i, mi nih a hawipa kha lung ṭhawnnak a hun pek liote ah khin amah tuk awk caah cun a kut kha a hun hler colh ko lai.

ZEKHARIAH 8:10

Zeicahtiah cu caan tiangah cun mi kha an ṭuan man an pe hna lo i saram man zong kha pek an si fawn lo, ral an um caah ahohmanh an rian ṭuan awkah khan him tein an um kho lo, keimah nih pakhat le pakhat kha ka dohter hna.

MALAKHI 4:6

Ram cu chiatserh awkah ka rat sual nakhnga lo, amah nih cun pale hna cu an fale hna he a remter hna lai i an fale hna cu an pale hna he a remter hna lai.

MATTHAI 10:21

“Mi nih anmah unau lila kha thah awkah mi an tlaihter hna lai, cun pale zong nih cu bantuk ṭhiamṭhiam in an fale cungah an tuah lai; fale zong nih khan an nule le an pale kha an doh hna lai i mi kha an thahter hna lai.

MATTHAI 22:7

Siangpahrang cu a thin a hung i a ralkap kha a thlah hna i cu lainawngmi hna cu a thah hna i an khua kha a duah hna.

MATTHAI 24:10

Cu caan ah cun mi tampi nih an zumhnak kha an hlawt lai i pakhat le pakhat an i rawi lai i pakhat le pakhat an i hua lai.

JOHAN 19:15

An au i, “That ko! That ko! Vailam ah khenh chih ko!” an ti. Pilat nih cun, “Nan siangpahrang cu vailam ah ka khenh chih ko lai maw?” tiah a hal hna. Tlangbawi upa hna nih cun, “Sizar dah ti lo cu ahohmanh siangpahrang dang kan ngei lo,” tiah an leh.

1THESALON 2:16

Khamhnak a petu hna ding bia kha Jentail mi cu chim hna hlah u, an kan ti. Annih nih an sualnak cu an tamter chin luaimai i atu cu Pathian thinhunnak nih khan a tlakhnawh hna.

HEBRU 2:3

kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai? Hi khamhnak cu a hmasa bik ah Bawipa hrimhrim nih khan a thanh i a theimi hna nih khan a thanhmi cu ahmaan tiah an kan chimh.

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.