ZEKHARIAH 11:5 - Lai (Hakha) Common Language Bible 2006

⁵ A cawtu hna nih khan an thah hna lai i mawhchiatnak zeihmanh an hmu lai lo; cun a zuartu hna nih khan, “Bawipa cu thangṭhat si ko seh, kan rum cang!” an ti lai. A khaltu tuukhal hna nih khan an cungah zaangfahnak an ngei lai lo.

ZEKHARIAH 11:5 ပူးပေါင်းရင်းမြစ်များ

2 SIANGPAHRANG 4:1

Profet fapa hna lak i pakhatpa nupi nih Elisha cu a auh i, “Na salpa ka vapa cu a thi cang; cun nang nih na salpa cu Bawipa a ṭihmi a rak si kha na hngalh, sihmanhsehlaw lei kan batmipa kha, ka fale pahnih hna cu sal si awk i lak awkah a ra cang,” tiah a ti.

NEHEMIAH 5:8

ka thawh hna i, “Kannih nih kan celh khawh chungin miphun dang hna sinah zuarhmi kan unau hna cu kan cawk hna; sihmanhsehlaw nannih nih cun nan unau hna cu nan zuarh hna i kanmah nih kan cawk ṭhan hna a herh lai,” ka ti. Annih cu cipkhap ti loin an um i biachim awk pakhat hmanh an hngal lo.

JEREMIAH 2:3

Cu lioah khan cun Israel cu Bawipa caah a rak thiang, A rawl ṭuanmi lak i theitlai hmasa bik a rak si. Amah a rak eitu vialte hna cu dantat loin a luatmi an um lo i Ṭhat lonak nih khan a tlunhnawh zungzal hna, tiah Bawipa nih a ti,” tiah a ti.

JEREMIAH 50:7

A hmumi hna paoh nih khan annih cu an ei hna i an ral hna nih cun, “Annih nih Bawipa cungah an sual caah kannih nih kan tuahmi hi cu sual a si lo. An pupa hna nih khan Bawipa cu an rak i bochan i annih zong nih hin amah sinah cun zumhawktlak tein an um ve awk a si,” tiah an ti.

EZEKIEL 34:10

Hihi Bawipa bia cu an si: Tuukhal cu ka ralchanh hna i annih cu ka tuu kha ka pe hna u, tiah ka hal hna lai. Kha tuukhal hna kha ka hlawt hna lai: anmah zawn lawng i ruat in an um kho ti lai lo; ka tuu cu an kaa chung khan ka chuah hna lai i annih kha i cawmnak ah an hmang ti hna lai lo,” tiah a ti.

EZEKIEL 34:21

A bami kha nan sir le nan liang in nan en hna, nan ki in nan suk hna i nan dawi dih hna i nan ṭhio dih hna.

EZEKIEL 34:6

Ka tuurun cu a kenkip ah an vak, fing le tlang kip ah an kal i ram chungah khan an i ṭhek dih; ahohmanh an zei a poi lo i ahohmanh nih an kawl fawn hna lo.

HOSEA 12:8

Asinain annih nih cun an i thawh i, Kannih cu kan rum cang, chawva tampi kan ngei cang; Dinlonak in an rum tiah ahohmanh nih an kan ti kho lai lo, an ti.

HOSEA 12:9

Sihmanhsehlaw Izipt ram in an chuahpitu hna nan Pathian cu Bawipa hi ka si. Thetse ram i nan um lio i nan sin i ka rat tikah puan thlam chungah nan um bantuk khan, ṭhal thlam chungah kan umter ṭhan ko hna lai.

AMOS 2:6

Mah hihi Bawipa bia an si: Israel nih ṭhat lonak kha pakhat hnu pakhat in a tuah lengmang caah A cung i ka tlunter dingmi dantatnak kha ka let lai lo. Annih nih a sual lomi kha ngun ah an zuarh hna i Sifakmi kha kedan tuah khat ah an thlen hna.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

JOHAN 10:1

“Biatak kan chimh hna: tuukawm chungah innka in a lut lo i kaa dang in a kaimi cu mifir le damiah an si.

JOHAN 16:2

An pumhnak inn in an in ṭhawl hna lai. Cun nanmah thah hi Pathian rian ṭuan a si tiah mi nih an ruah caan a phan lai.

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

BIAPHUAN 18:13

nakzik le musala le zihmui le mura zihmui le frankinsen zihmui le zu le chiti le changvut le facang le caw le tuu le rang le rangleng le sal le minung hmanh kha ahohmanh nih an caw ti hna lo.

BIAPHUAN 3:17

Ka rum ko, kaa za ko, zeihmanh ka bau lo, na ti. Asinain zeitluk sifak le zaangfah awk tlak dah na si kha naa hngal lo. Na si a fak, puan aih awk hmanh na ngei lo i na mit a caw.