ZEKHARIAH 11:3 - Lai (Hakha) Common Language Bible 2006

³ Tuukhal hna an ṭah thawng cu ngai hmanh u, Zeicahtiah saṭil tlonnak ram cu a rawk dih cang. Chiandeih no an huk thawng cu ngai hmanh u, Zeicahtiah Jordan tupi cu a rawk dih cang.

ZEKHARIAH 11:3 ပူးပေါင်းရင်းမြစ်များ

SALM 22:21

Kha chiandeih hna sin khan ka khamh ko; kha cawtum hrang hna hmaiah khan kei cu zeihmanh a tuah khomi ka si lo.

ISAIAH 5:29

An ralkap hna cu, a sa sehmi ka chut hna hlah seh tiah aa kalpimi chiandeih bantuk an si.

ISAIAH 65:15

Ka thimmi ka mi hna nih cun nan min cu chiatserhnak ah an hman lai. Bawipa nih kan thah hna lai. Sihmanhsehlaw ka nawl a zulmi cu min thar ka pek hna lai.

JEREMIAH 2:15

Zeicahdah chiandeih nih an hukhnawh i an aihnawh? Zeicahdah a ram cu pakpalawng ah a can? Zeicahdah a khuapi hna cu an rawk i mi nih an chuahtak hna?

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

JEREMIAH 26:6

hi inn hi Shiloh bantuk ah ka canter lai i hi khuapi hi vawlei cung miphun vialte caah nihsawh awk thil ah ka ser lai, a ti, na ti hna lai,” tiah a ti.

JEREMIAH 49:19

Zohhmanh, Jordan tiva kam tupi chungin a hung chuak i zungzal in a hringmi saṭil tlonnak ram lakah a ra chuakmi chiandeih bantukin keimah nih Edom mi vialte kha ka dawi dih hna lai i tuukawng ṭha bikbik kha ka tlaih din hna lai. Ahodah keimah bantuk hi a um i ahodah keimah tluk hi a um? Tuukhal aho tal ka hmaiah a dir khomi an um maw?

JEREMIAH 50:44

Zohhmanh, Jordan tiva kam tupi chungin a chuak i zungzal in a hringmi saṭil tlonnak ram lakah a ra chuakmi chiandeih bantukin, Keimah nih mi vialte kha ka dawi dih hna lai i Tuukawng ṭha bikbik kha ka tlaih dih hna lai. Zeicahtiah keimah bantuk hi ahodah a um? Keimah tluk hi ahodah a um? Tuukhal aho tal ka hmaiah a dir khomi an um maw?

JEREMIAH 7:4

Nannih nih nan i thawh i, ‘Hi hmun hi Bawipa biakinn a si,’ Bawipa biakinn a si, Bawipa biakinn a si,’ tiah nan ti lengmang,’ hi bia lih a simi hi i bochan hlah u.

EZEKIEL 19:2

Nan nu cu chiandeih hna lakah chiandeih pi a rak si! Chiandeih no hna lakah a bu kha a rak ser i a hrinmi a fa cu an tam.

HOSEA 10:5

Beth-aven i a ummi cawfa-pathian ruangah khan Samaria mi hna cu a ther in an ther; An cawfa-pathian cu sal ah an kalpi caah a biami hna cu an ṭap i tlangbawi hna cu an ai, An sunparnak a simi an siasal ruangah cun mi cu lungrethei in an um.

JOEL 1:13

Bawipa biakṭheng cungah thawinak a pechantu nannih tlangbawi hna, Ngaihchiatnak thil kha i hruk u law ṭap u, Biakinn chungah khan va kal u law, ngaihchiatnak thilthuam i hruk in zan khua va dei u. Nan Pathian inn chung i pekchanh awkah rawl siseh, mitsur hang siseh, zeihmanh a um lo.

AMOS 8:8

Hi ruangah hin vawlei hi i hnin loin a um kho hnga maw? A cung i a ummi vialte hna cu ngaihchia loin an um kho hnga maw? Ram cu a pumpi in Nail tiva lian bantukin a tho lai i Izipt Tivapi bantukin a hlonh in aa hlonh lai.

ZEFANIAH 1:10

Khi ni ah Nga Kutka timi in au thawng kha a rung thang lai i Sang Hnihnak in ṭah thawng kha a thang lai; Thawng fakpi kha tlang cungin a rung thang lai;

ZEFANIAH 3:11

Khi ni ah cun ka mi hna cu, Keimah dohnak caah nan rak tuahmi thil ruangah khan nan ning a zak ti lai lo; zeicahtiah nan mi aa porhlawmi le a ruam a kaimi vialte hna kha nan lakin ka ṭhial dih hna lai i ka tlang thiang cungah hin ruamkai in nan um ti lai lo.

ZEFANIAH 3:3

A chung i bawi hna cu chiandeih a huk lengmangmi an si, A biaceihtu bawi hna cu zinglei tiang a ngang kho lomi cenghngia an si,

ZEKHARIAH 11:2

Far kung vialte hna, ṭap tuah u, zeicahtiah sidar thing cu an tlu cang i thingkung ngan pipi cu an rawk cang. Bashan i a ummi kuhthing vialte hna, ṭap tuah u, Zeicahtiah a hmawng tukmi tupi cu ṭhiam dih a si cang.

ZEKHARIAH 11:8

Thla khat chungah tuukhal pathum cu ka hlawt hna, zeicahtiah an cungah ka lung a sau kho ti lo i annih nih an ka huat.

MATTHAI 15:14

Annih cu nan hna i hnawh hna hlah u. Hruaitu mitcaw an si ko; mitcaw nih mitcaw kha a hruai ahcun an pahnih in khor ah an tla tawn,” tiah a ti.

LAMKALTU 7:52

Nan pupa hna nih an rak hrem lomi profet an um maw? Pathian Sal a rat lainak hlanpi in a rak chim chungtu Pathian lamkaltu hna kha an rak thah hna. Cun atu cu nannih nih amah kha nan rawi i nan nawn.